Roman 8:5 - DAWAN BÎLA AISKA

⁵ Bamna wîna tara brinka kat baman iwi uplika nani ba, wîna tara brinka ba baman dukiara trabil taki lukisa; sakuna Spirit brinka kat iwi uplika nani ba, Spirit brinka dukiara trabil taki lukisa.

Roman 8:5 ပူးပေါင်းရင်းမြစ်များ

Mark 8:33

Sakuna Jisas kir tawi ai disaipilka nani ra kaiki, bara Pita ra lawi dauki, aisin: —¡Yang wina taki was, Sitan! Kan lukankam ba Gâd lukanka baku apia sa, sakuna upla lukanka ba brisma.

Jan 3:6

Upla wina aisubi takan ba, wan wîna sika; sakuna Spirit wina aisubi takan ba, spirit sika.

Roman 8:9

Sakuna man nani lika wîna tara brinka ba daukaia lâka ra raya apia sma, kuna Spirit brinka ba daukaia mika, kan Gâd Spiritka ba man nani ra iwisa. Ani uplika Kraist Spiritka ba briras sa kaka, witin lika Kraist uplika apia sa.

1 Korint 15:48

Tasba uplika nani ba lika baha uplika tasba ni paskan kata ba baku sa; bara kasbrika pura uplika nani ba lika witinka kasbrika purara wina ba wal baku.

1 Korint 2:14

Spirit âpu uplika ba, Gâd Spiritka prisantka nani ba sip briras sa, kan witin mapa ra baha dukia nani sins âpu baku atia sa. Witin sin sip tânka briras, baha tânka nani ba Spirit ni tânka pliki kaikaia sa bamna.

2 Korint 10:3

Âu rait yang nani na upla, sakuna naha tasba uplika nani aiklabi ba baku lika aiklabras.

Galesha 5:17

Kan wan wîna tara brinka saura nani ba Gâd Spiritka mapara aiklabisa, bara Spirit ba mita wan wîna tara brinka saura nani ba mapara aiklabisa. Bamna baha nani ba pana pana ai mapara sa, bara baha mita man nani dîa brin mai dauki ba kat sip daukras.

Epesus 5:9

kan ingni ba latwan lâka brih aula, kasakka lâka bara rayaka wapni briaia lâka sin.

2 Pita 2:10

Gâd mita kau pali klala yabia, baha nani ai brinka baman nina bliki bara Dawan karnika sin bahki kulki ba. Witin nani ba kiama karna bara ai bisniska apia ra ban dimisa; ai purara karnika bri nani ba swira paskisa sibrin sin âpu;