Roman 7:18 - DAWAN BÎLA AISKA

¹⁸ Bamna kaikisni yang pali ra, tânka ba kasak pali wibia kaka, yang pali wîni ra diara pain ba âpu sa; yang lika diara pain daukan ai daukisa, sakuna sip daukras sna.

Roman 7:18 ပူးပေါင်းရင်းမြစ်များ

Blasi Sturka 6:5

Bara Dawan kaikan upla nani watawika lâka ba tara pali kan tasba ra, upla nani ai kupia lukanka ra diara daukaia luki ba lika, kau saura dauki kaia ba baman luki kan.

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Job 14:4

Upla kumi sin âpu sa diara tâski ba wina diara sunu sakaia.

Job 25:4

¿Sip sa ki upla bahki kumi ba, Gâd kaiki ba ra pâtkas bara sunukira kaia?

Lawana Nani 119:173

Man mihtam ba mahka hilp ai munbia, man wan smalkram lâka nani bâk sakri bamna.

Lawana Nani 119:176

Yang na aimawahkri sa, sîp kum baku; ¡bal ai pliki ai sâks, man lâmka bîla nani yang âiya tiwras bamna!

Lawana Nani 119:32

Yang pat pali man lâmka bîla nani ba aiska daukamna, kan man bui yang kupi ba lilia lâka ni banhkisma bamna.

Lawana Nani 119:40

Kaiks, man wan smalkram lâka nani, brin pali ai daukan; raya kaia ba aik, kan man kasakkira sma.

Lawana Nani 119:5

¡Aitani lukaina, yang yabalki nani ra bapi bûi kaia, man lâmka nani ban bri, bîlam wali dauki kaia!

Lawana Nani 51:5

Yang kasak daihra walisni, saurakira sna ba, aisubi takri ba wina. Saurakira sna, yaptiki biara ra kapri ba wina.

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Matiu 15:19

Kan wan kupia wina aula ba lika naha nani: lukanka saura nani, upla ikaia lâka, marit lâka sauhkaia, tâski lâka nani, implikan lâka nani, kunin lâka nani, upla nina ra kunin aisaia lâka nani sin.

Luk 11:13

Man nani upla saura, ban sakuna luhpiam nani ra diara pain nani yaia nu sma, ¡kau pali Aisikam kasbrika purara ba Spirit Holikira yabia, baha nani witin ra makabia ba ra!

Jan 3:6

Upla wina aisubi takan ba, wan wîna sika; sakuna Spirit wina aisubi takan ba, spirit sika.

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

Roman 7:15

Bara dîa yang ra taki ba dukiara sip tânka briras pali sna, kan yang pali want sna dukia ba lika daukras, kuna yang mita misbara kaikisna dukia ba sika daukisna.

Roman 7:19

Diara pain daukaia want sna ba lika sip daukras sna, sakuna saura daukaia want apia sna ba lika dauki taukisna.

Roman 7:25

Baha ba lika Gâd baman sip sa, wan Dawan Jisas Kraist bâk. ¡Gâd ra tingki kabia! Baha mita, kupi aiska ni Gâd lâka ba ra dimi auna, kuna wîni tara ba tani lika saurka lâka albika sna.

Roman 7:5

Bamna yawan upla saurakira nani baku kan ba piua ra, lâ ba wan wîna brinka saura nani buki kan, bara baha mita prura ra wan brih wan.

Galesha 5:17

Kan wan wîna tara brinka saura nani ba Gâd Spiritka mapara aiklabisa, bara Spirit ba mita wan wîna tara brinka saura nani ba mapara aiklabisa. Bamna baha nani ba pana pana ai mapara sa, bara baha mita man nani dîa brin mai dauki ba kat sip daukras.

Galesha 5:24

Bamna ya Kraist uplika sa kaka, uplika wîna brinka nani ba sut witin ai dusa prihni ra saban sa.

Pilipai 2:13

kan Gâd mita sika man nani ra brinka yamni nani ba maikisa, bara baku kat daukaia sin hilpka maikisa, ai kupia lâka yamni ba kat.

Pilipai 3:12

Yang pat naha diara ba sut briri lika wiras, bara yang na pat kasak aihwa sna sin wiras; sakuna yang ban tâiura auni baha ba briaia trai kaiki, baha ba Kraist Jisas yang ra pas ai alkan ba.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

1 Pita 4:2

kau naha tasba ra kabia piua ra, upla wîna brinka nani kat kli daukaia apia, kuna Gâd kupia lâka kat lika iwi kaia.