Roman 5:4 - DAWAN BÎLA AISKA

⁴ Bara wihka bîla kaikaia lâka ba mita hilp wan munisa aitani kat takaia, bamna aitani kat takan ba mita wihka bîla kaikaia lâka ba yawan brisa.

Roman 5:4 ပူးပေါင်းရင်းမြစ်များ

Lawana Nani 71:14

Sakuna yang lika piua sut bîlam kaiki kamni, bara yang kau ban mamyuni kamni;

Luk 21:19

¡Ban bapi bûi kama kaka, raya ban kaia lâka ba brima!

Roman 15:4

Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban, wihka bîla kaikaia lâka bri ba mita bara Ulbanka nani mita wan maisa nihki ba mita, wan kainara diara briaia ba luki kabia.

Pilipai 2:22

Sakuna man nani kaikisma nahki Timoti ai tânka kasak marikan ba, bara nahki sin yang wal sturi yamni aisi smalkaia warkka daukan ba, sim luhpa kum ai aisika ra hilp muni ba baku.

Hibru Nani 6:19

Yawan wan kainara diara briaia lâka bri ba mita, wan sulka ba ban bapi brisa bara sip sin yaban kitbras, sim grapin ba duri tara bapi bri ba baku. Naha grapinka yawan bri ba lika kasbrika purara tempel dur pamaika kwalka nina mapa wina alki brisa,

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.