Roman 3:4 - DAWAN BÎLA AISKA

⁴ ¡Sip apia pali! Sakuna, Gâd lika diara sut ba kasakka lâka kat baman daukisa, upla sut ba kuninkira pali sa sakuna; kan Ulbanka ba wisa: “Man dîa aisisma ba ni kasakkira mai kulkan kabia, lâmka daukan kabia ba ra, bara pura lalura kama.’’

Roman 3:4 ပူးပေါင်းရင်းမြစ်များ

Job 36:3

diara tânka kaikaia sip sna ba, laihura mangki kaikamna, baku lika mairikbia nahki papaskra ba kasak sa.

Job 40:8

¿Bara ai wiaia lukisma ki pâtkira bara kasak apia sna, bara man lika pâtkas pali sma?

Lawana Nani 100:5

Kan Dawan ba yamni sa bamna, latwanka lâka ba ban kaia ra kabia, witin kasakka tânka ba ban kaia ra ban bâra kabia.

Lawana Nani 116:11

Yang kupi takaskras aisi wîri: “Upla sut kunin man aisisa.”

Lawana Nani 119:160

Kasakka lâka ba sika man lâmka kupia ba; bara lâ kasakkira aisi daukram bani ba, ban kaia ra ban kabia.

Lawana Nani 138:2

Man tempelkam tani luli kriki puri sunamni, tingki mai wiaia, man lamtwanka lâka ba bara kasakkam tânka dukiara. Man ninam bara bîlam aisinka ba diara sut purkara mangkram sa.

Lawana Nani 51:4

Man mampara sika yang saura daukri ba, Dawan, man mampara baman saura daukisna ba, man mapara sma ba. Baha mita man lâmka daukisma ba kasak sa; upla kumi sin âpu sa, baha mapara buaia.

Lawana Nani 62:9

Upla ba diara bahki man luki kaikisa upla umpira ba, upla yuyakira ba wâlsut paun ra mangki kaikma kaka witin wâlsut ba diara apia sa.

Miqueas 7:20

¡Jekob kiamka wal man kasak tânka aiska sut daukma, Ebraham kiamka ra sin umpira kaikma; baku yang nani damiki nani ra blasi pali piua wina daukaia wisatma ba, man bîlam kat daukma!

Matiu 11:19

Baha ningkara, Upla Luhpia Waitna ba balan, witin plun pîsa diara sin dîsa, bara witin nani aisisa bîla maihsira bara diara dadira, Rom ra yaia lal mana wawahbra nani kulkanka saura bri uplika nani ba pânika. Sakuna Gâdka sinska lâka ba ai daukanka nani bâk latan marikisa.”

Luk 20:16

Witin bal, wark tatakra nani ba sut iki tikbia, bara insla ba upla wala nani mihta ra mangkbia.” Naha walan ba ra, witin nani bila: —¡Baku pali lika takbiara!

Jan 3:33

Sakuna ani uplika kasak lukisa kaka, witin param marikisa Gâd bui dîa aisi ba kasak pali sa;

Roman 11:1

Bamna nanara, yang makabi walisni: ¿Gâd ai uplika Israel luhpia nani ba ban pali lulkan sa ki? ¡Apia pali! Kan yang pali na sin Israel uplika sna, Ebraham kiamka bara Benjamín taika.

Roman 11:11

Nanara yang makabi walisni: ¿Ju nani ai mina prukan ba mita, ban aiska pali kauhan sa ki? ¡Sip apia pali! Sakuna, Ju nani Gâd bîla wali daukras kan ba mita, Ju apia nani ba swaki sakan lâka brin, bara baha mita Ju apia nani ba mapara kupia tuskanka sa.

Roman 3:31

Bamna, ¿naha kasak lukanka lâka na mita yawan lâ ba bahki sakisa ki? ¡Sip apia pali! Sakuna, yawan mita lâ ba kau karna sakisa.

Roman 6:15

¿Baku ba mita, dîa? ¿Yawan lâ mununhtara apia sa, sakuna Gâd kupia yamnika mununhtara ba mita saura yaia sa ki? ¡Sip apia pali!

Roman 6:2

¡Sip apia pali! Yawan lika pat saurka lâka mapara pruan; bamna, ¿nahki yawan saurka lâka wal ban raya iwi kaia sa ki?

Roman 7:13

Ban sakuna, ¿naha Moses lâka pain na mita ban prura ra ai brih wata ki? ¡Sip apia pali! Saurka ba mita sika yang ra prura balan, bara baku ni marikan sa baha ba saurka sa; diara yamni ba bâk baku daukan, bara lâ bîla mita latan marikan sa saurka ba lika saura sa.

Roman 7:7

¿Bamna yawan dîa sip sa ki wiaia? ¿Lâ ba saurka sa ki? ¡Apia pali! Lâ ba apia kata, yang kaikras kaia kapri saurka ba dîa sapa. Kau klir dauki aisaia kaka, yang kaikras kaia kapri upla dukia tumaia, lâ ba naku wiras kan kaka: “Upla wala dukia tumpara.”

Roman 9:14

Baku bamna, ¿yawan dîa wibia? ¿Gâd ba kasak apia sa ki? ¡Sip apia pali!

1 Korint 6:15

¿Man nani kaikras sma ki, man nani kumi bani wînam tara ba Kraist wîna sirpika nani sa? ¿Bara yang na Kraist wîna tara sirpika ba kum brih, rug mairin wîna tara ra bri si mangkamna ki? ¡Sip apia pali!

2 Korint 1:18

Bamna Gâd lika witnis sa, yang nani bui man nani ra mai wiras sna “daukamni” bara “daukamna apia.”

Galesha 2:17

Bara nanara, Kraist Gâd ba bui pri wan sakan kabia lukisna ba mita marikan sa, yang nani ba upla saurakira nani sna, ¿bara naha tânka na mita Kraist ba saurakira nani wan sakisa ki? ¡Apia pali!

Galesha 2:21

Baha mita, Gâd latwanka ba bahki kulkan ai daukras; kan upla kum lâ bîla wali dauki ba mita Gâd mita kasakkira kulki kan kaka, Kraist dus prihni ra pruan ba lika diara bahki pali kaia kan.

Galesha 6:14

Kuna yang maipara, diara kumi dukiara sin maiyunaia brin ai daukras, Dawan Jisas Kraist dus prihni ra pruan ba baman lika. Bamna Kraist dusa prihni ba mita, yang maipara naha tasba na pat pruan baku sa, bara yang sin tasba mapara pruri sa.

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

Hibru Nani 6:18

Baku bamna, diara wâl bâra sa sip lakras pali, bara baha dukiara Gâd sip kunin aisaras sa. Bara baku yawan lika Gâd hilpka pliki pain trabil âpu nani, bara wan kainara diara briaia lâka wankan ba kat alki bri banhwi ba ra sin, witin mita maisa nihkra tara kum wankisa.

1 Jan 5:10

Ya Gâd Luhpia ra kasak luki ba, witin naha witniska bîla na ai kupia ra ban brisa; ya Gâd ra kasak lukras ba mita, Gâd ba kuninkira sakisa, kan Gâd mita ai Luhpia dukiara witnis aisin ba, witin kasak lukras pali sa.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba: