Roman 3:2 - DAWAN BÎLA AISKA

² Baha ba uya bara aitani pali sin kulkan sa. Pas pali lika, Gâd mita ai smalkanka ba Ju nani mihta ra mangkan kata.

Roman 3:2 ပူးပေါင်းရင်းမြစ်များ

Lawana Nani 119:140

Man bîlam aisinka pramiska ba kasak sa, baha mita nampakan baha latwan kaikisa.

Aiseya 8:20

dîa daukaia bara dîa aisaia bîla kum wan wibia ba walaia?” Âu, witin nani baku aisabia sika, sakuna tanis lâka kabia.

Daniel 10:21

Bamna nanara mai wiaisna baha wauhkataya kasak ba ra dîa ulban ba: Witin nani ba mapara aiklabaia sna ba Maikel hilpka ba baman brisna, wan kingka luhpia ba.

Jan 5:39

Man nani naha Ulbanka nani na, aman kaiki tânka laki kaikma kaka, baha ba wina raya ban kaia ba briaia lukma; ban sakuna, Ulbanka nani na sika, yang dukira aisisa,

Apastil Nani Sturka 7:38

Moses kata sika upla iwras tasbaya ra upla nani tilara kan ba; bara Sainai ilka ra baha insalka witin ra aisin ba, wan damika nani ba wal sin bâra kan. Witin sika raya kaia bîla nani ba brin yawan ra wankaia dukiara.

Roman 1:2

Gâd, witin ai prapitka nani bâk, naha sturka na pat aisin kan Ulbanka holikira nani ra.

Roman 2:18

Gâd kupia lâka ba kakaira sma, bara lâ mita mamrikisa diara kau pain ba bâk saki briaia.

Roman 3:1

Bamna, ¿Ju kaia yamnika ba dîa? ¿Aisa sainka mangkaia ba dîa hilpka bâra sa ki?

Roman 3:3

Bamna, ¿baha ba dîa sa ki? Witin nani wina tila nani kasakkira apia kan kaka, ¿baha tâwan Gâd mita baha nani ba kasak apia kaia tânka ra ban swibia?

Roman 9:4

Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

1 Korint 9:17

Baha mita, kupi lukanka wina daukuna kaka, yang maina briaia sna. Sakuna ai taiban baku daukuna kaka, baku sin baha ba wark kum Gâd wina aikan sa.

2 Korint 5:19

Baha tânka ba lika, Gâd lika Kraist bâk tasba ra iwi uplika nani ba witin wal kupia kumi daukuya, upla nani saurka ba kulkras pali; bara yang nani ra adar aikan sa naha kupia kumi lâka na tânka smalkaia.

Galesha 2:7

Smalkanka raya aikaia kan ba watlika ra, witin nani kaikan Gâd swaki sakan lâka ba, Ju apia uplika nani ra brih wamna wisi adar aikan, baha sim smalkanka Ju nani ra brih wabia wisi, Pita ra adar yabata ba baku.

1 Timoti 6:20

Timoti, dîa mihtam ra mangkan ba pain main kaiks. Tasba lâka bîla nani, bahki baman ba, tanis bara sins lâka wi ba, sakuna kunin aisi ba, man bîla walpara.

Hibru Nani 5:12

Piu wihka luan ba wina, man nani lika pat smasmalkra nani kaia kapram; sakuna kau ban man nani want sma upla kum ba, Gâd bîla tânka sirpi lupia nani ba kli mai smalkaia. Man nani uya swapni takram bamna, plun karna piaia watlika ra tiala laya ni disma.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.

Param Marikanka 22:6

Insal ba ai win: “Naha bîla nani na kasakkira sa, bara baha kat kasak lukaia aitani sa. Bara Dawan Gâd, witinka ai prapitka nani ra ai Spiritka yabi ba, ai insalka blikan sa, ai dukia dadaukra nani ra diara pat takaia man ba marikaia.”