Roman 3:12 - DAWAN BÎLA AISKA

¹² Upla sut ba yabal saura ra wan sa, bara sut sin saura lâka ra baman wan. ¡Bamna yamni dauki ba âpu sa! ¡Kumi sin âpu sa!

Roman 3:12 ပူးပေါင်းရင်းမြစ်များ

Blasi Sturka 1:31

bara Gâd kaikan diara nani witin paskan ba sut yamni pali kan. Bara baku natka ra yu matlalkahbika ba tnata alkan.

Lawana Nani 14:3

Sakuna witin nani sut yabal saura ra man wan, witin nani sin sut aikuki baku warha takan. ¡Yamni dauki ba kumi sin âpu! ¡Âpu, kumi sin âpu!

Lawana Nani 53:1

Sinskas nani ba lukisa, Dawan âpu: witin nani ba sut tanis baman tiwan sa, diara watawi baman daukisa, upla kumi sin âpu sa diara yamni dauki ba.

Lawana Nani 53:3

Ban sakuna, sut lika Gâd yabalka kat wapras; sut ba wala wal baku, yabal tnayak baman wapan. ¡Upla yamni dauki ba âpu sa! ¡Apia, kumi sin âpu, sut saura takan!

Impakan Sturka 32:8

Witin nani lika yang yabalki marikri ba wina tnaya ra tawan sa. Witin nani bîp lilka kum paski, bahara mayunisa, sakripais sin angki daukan, bara witin nani sin aisisa: ‘¡Israel, naha sika dawankam ba, Idsip tasbaya wina mai sakan ba!’

Smasmalkra 7:20

Ban sakuna tasba ra upla wapnikira kumi sin âpu sa, diara yamni baman piu sut ra dauki ba, bara aima kumi sin saura daukras ba.

Smasmalkra 7:29

Naha baman yang sakri sa: Gâd ba upla ra kasak pain paskan sa, sakuna witin ai rayaka ba sauhkan sa.

Aiseya 53:6

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Aiseya 59:8

Kupia kumi yabalka witin nani kaikras, ai yabalka nani ra sin kasakka ba âpu sa. Ai yabalka sirpi nani ba, warha man sa; ya ya kabia sin baha nani bâk auya ba kupia kumi lâka ba kaikbia apia.

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Jirimaya 2:13

“Yang upliki nani aima wâl saura daukan: ai lulki ai swin, yang rayaka laya kârma ra ai briras, witin nani lî watla paskan, laya watla nani ba iswisa sip lî alki takaskras ba.

Matiu 25:30

Bara naha alba bahki saura na, lata tihmuka ra lulki swis; bahara sika witin inbia, ai napa nani sin arkbia.’,

Roman 3:11

Tânka briaia uplika ba kumi sin âpu sa, bara Gâd pliki ba uplika kumi sin âpu sa.

Roman 3:13

Ai kârma nani ba sin raiti durka kwâkan baku sa; ai twisa ba aisi kunin baman sa; ai un nani ba piuta puisinka nani yukuki brisa.

Epesus 2:3

Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

Pilimon 1:11

Kaina piua ra Onésimo ba, man mampara alba pain apia kan, kuna nanara lika witin na wan mapara alba pain pali sa, man mampara bara yang maipara sin.

1 Pita 2:25

Kan man nani pas piua sîp aimawahkan nani baku tauki kapram, sakuna nanara kli Kraist ra tawi balram, bara witinka sika sepad baku tâm brisa bara sulkam nani sin main kaikisa.