Roman 2:8 - DAWAN BÎLA AISKA

⁸ sakuna lawan tara bara kupia baiwanka wal Gâd mita klala yabia, baha nani ai wîna kat baman luki ba, bara diara kasak ba bîla wali daukaia watlika ra diara saura ni dauki nani ba.

Roman 2:8 ပူးပေါင်းရင်းမြစ်များ

2 Kronikas 6:23

man kasbrika purara pali ba wina wali kama bara dîa ba daukma bara albikam nani lâka ba kasak lâka ra daukma, pâtkira ba pâtka yama, bara ai daukanka ba ai lal purara batakma, kasakkira ba kasak kulkma, ai kasakka lâka mana kat yama.

Job 24:13

Upla kum kum bâra sa ingni ba misbara kaikisa, ai yabalka nani sut ra baha wina tnaya ra tawisa.

Lawana Nani 90:11

¿Ya kaikisa man lawankam karnika ba? ¿Ya kaikisa man kupiam baiwanka ba?

Sins Lâka 11:23

Kasakkira nani brin dauki ba lika yamni man sa, kuna watawikira nani ai kanra bîla kaiki ba lika, kupia baiwanka baman.

Sins Lâka 13:10

Praut lâka bri ba wina lika unsaban baman sâkbia, kuna sins lâka ba lika, bawan lâka bri uplika nani ba wal sa.

Aiseya 50:10

Man nani bui Dawan ra kulkisma ba bara ai dukia dadaukra bîla walisma ba: tihmia tara ra wapma kaka, ingni lupia kumi sin âpu, Dawan ra kasak luks, Gâdkam ra tâ baiks.

Jirimaya 34:18

Wihta nani Juda ra, Jerusalem ra, witin watla ra nani ra dukia dadaukra nani, prîs nani ba tawan uplika nani sin yang ra bal aisi lâ kum daukan: bîp wainhka kum iki lilak baiki yabal tnaya bani ra wîna ba swin, bara baha lilak wapi lui witin nani lâ daukan. Sakuna witin nani lâ daukan ba pramis takan ba naika sut krikan.

Isikiel 22:31

Baku bamna, yang klalki witin nani purara bri balri, bara yang sauhki tikri kupi baiwanka ba wal, yabrika ai daukanka dukiara aisabia. Yang, Dawan, kasak aisisna.’ ”

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Roman 1:18

Bamna yawan kaikisa, Gâd lawanka tara sibrinkira pali ba kasbrika pura wina aula, upla saura kasak apia nani ba purara, baha nani ai watawika lâka ba ni kasakka lâka tânka ba briaia apia daukisa.

Roman 10:16

Sakuna upla sut lika swaki sakan sturka smalkanka ba kat kasak walras. Baha lika Aiseya aisi ba baku: “Dawan, ¿ya mita wan smalkanka ra kasak lukan ki?”

Roman 15:18

Kraist yang bâk diara daukan ba purara kau pura praki lika aisamna apia, Ju apia uplika nani ba yarka Gâd bîla wali daukaia dukiara. Naha na ban tnata kat takan, bîla aisi ba baman apia, kuna diara dauki ba mita sin.

Roman 6:17

Sakuna Gâd ra tingki kabia, man nani lika kaina piua ra saurka lâka albika nani katma, kuna nanara mai smalkan ba kat kupiam aiska ni witinka mihta ra aimakram ba bîla wali daukisma.

Roman 9:22

Bamna Gâd lika ai lawanka bara ai karnika tânka ba marikan dauki kan ba ra, witin wihka ai kupia alki takaski brin, baha uplika nani klala yaia bara âpu daukaia aitani kulkan kan nani ba mapara.

1 Korint 11:16

Sakuna ani uplika naha tânka dukiara blahwaia want kaka, witin kaiki kaia sa, yang nani na bara Gâd sertska nani ba sin natka wala lika kaikras banhwisna.

2 Korint 12:20

Bamna si brisna man nani mai kaikaia wamna ba ra, yang brin ai dauki ba baku ban kra mai kaikamna apia, bara man nani ai kaikaia brin mai dauki ba baku kra ai kaikma apia. Si brisna ban kra man nani tilamra aiklaban nani, tuman lâka nani, kupia baikan lâka nani, wînam kat man lukan lâka nani, tatuskaia lâka nani, nina aisanka nani, praut lâka nani bara inipis lâka nani sut sin bâra kabia.

Galesha 5:20

aidul nani ra mayunaia, sukia warkka daukaia. Upla ra misbara kaikaia, tar baiwan lâka, bara nina tâwan lawaia nani. Diara bahki dukiara wan kupia baikaia, bara wan kupia lâka baman pliki daukaia, dakwi takaia lâka, bara dakni sât sât paskaia sin.

Pilipai 1:17

sakuna wala nani lika, witin yakan ai dukiara baman luki daukisa, kasak tânka kat apia, nanara yang silak ra sna bara maipara pât nani kau bukaia plikisa.

Pilipai 2:3

Yakan dukiamra bara waihla lâka mita ban sin diara kumi daukpara; sakuna bawikira nani bas, bara kumi bani ai walka nani ba witin purkara kau pain sa kulkbia.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

Taitus 3:9

Sakuna blahwanka tanis nani, wan almukka nani sturka yari nani ba, Moses lâka tânka, unsaban nani bara aiklabanka nani ba, man lamara wapara. Baha diara nani ba bahki bara tânkas nani sa.

Hibru Nani 10:27

Yawan diara wala âpu sa, lâ daukan sibrinkira pali ba bîla kaikaia baman, bara pauta klauhan laptikira ba, Gâd waihla nani angki tikaia ba sin.

Hibru Nani 11:8

Kasak lukan lâka mita Ebraham ba Gâd mita paiwan ba ra, ai bîla kat wali, Gâd mita tasba kum yaia pramis munan kan ba mata taki impaki wan. Ai tasbaya pali ba swih wan, bara anira auya sapa sin kaikras kan.

Hibru Nani 5:9

Witinka ra aiska aihwa daukan kan ba ra, witin ba ban kaia ra swaki sakan lâka kârma laya takan, ai bîla wali dauki nani sut dukiara;

Jems 3:14

Sakuna man nani kupiam ra tuman lâka tahpla pali brisma ba ra, wînam dukiara sin diara nani daukisma kaka, sinskam ba dukiara wînam ra tara lukpara, kan baha ba kasak lâka mapara kunin aisisma, apia sin wisma.

Jems 3:16

Kan anira tuman lâka nani bara wan wîna dukia plikanka bâra kaka, bahara tanis turban lâka, daukanka saura sât sât sin bâra sa.

1 Pita 3:1

Baku sin, man nani maya mairin nani, mayam waitna nani ra bawi bas, bara baku mika witin nani tila wina kum kum kra, Gâd bîla ba ra kasak lukras kaka, ai maya mairin nani tânka pain ba mita, witin nani kupia alkan kabia. Man nani ba bîla kum pan aisaia sin apia sma,

1 Pita 4:17

Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?

Param Marikanka 14:10

Gâd kupia baiwanka wainka ba diaia kabia, baha ba uya karna pali ai lawanka ba ra witin laikan sa. Ani uplika naha daukbia ba, pauta klauhan ni bara sulpa ni sin rausauhkan kabia Gâd insalka nani mawanra, Sîp Luhpia ba mawanra sin.

Param Marikanka 16:19

Tawan tara ba baikanka yumhpa ra kriwan, bara tasba aiska tawanka nani ba sut kauhan. Babilon tawanka tara ba dukiara Gâd ai kupia kraukan, ai kupia baiwanka tara wainka laya blikan ba yaka lanhkaia dukiara.