Roman 2:5 - DAWAN BÎLA AISKA

⁵ Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

Roman 2:5 ပူးပေါင်းရင်းမြစ်များ

2 Kronikas 30:8

Baku bamna, man nani kiamam karna kapara, damikam nani kan baku; mihtam buks Dawan ra kli lâ nani ba raya daukaia dukiara, bara bal Dawan wal aisaia watla ra, witin holikira ban sa piu bani. Dawan Gâdkam dukia dauks bara witin ai kupia lawanka ba takaskbia man nani wina.

2 Kronikas 36:13

Baku sin king Nabucodonosor mapara sin buan, kan witin ra yaban Dawan nina ra swer takan wal ai uplika kaia, bara witin sin ai lukanka karna brin Dawan ra tawaia apia, Israel Gâdka ra.

Job 21:30

Ani piua Gâd ai kupia sauhkuya ba ra ai lawanka ba blikisa, bara watawikira lika diara munras sa.

Lawana Nani 110:5

Dawan ba man mihtam aihkika ra bâra sa; ai kupia sauhkanka yua ra, king nani ba sauhki tikbia;

Lawana Nani 95:8

“Man nani kupiam karna daukpara, Meribá ra baku; baha yua Masá twi ra takan ba baku,

Impakan Sturka 14:17

Yang bui Idsip uplika nani ba kupia karna daukamna, bara witin nani sin Israel luhpia nani nina bliki kabu lilapas bâk lui waia wisi wabia. Bara bahara yang bui king fero ra, war aiklaklabra nani ra bara aras âiulra nani ba sut ra sin, karniki ba marikamni.

Impakan Sturka 32:34

Bamna nanara, man mahka was, uplika nani ba baha pliska brih waia mai wisatna ba ra brih was. Yang insalki tâm bri wabia. Klala yabaia yua ba balbia ba ra, witin nani saura daukan ba mana yang klala yabamna.

Impakan Sturka 8:15

Bara king fero kaikan pikpik nani ba sut prui tiwan, witin trabil wina pri takan kan, bara kli ai kupia karna daukan, Dawan mita Moses ra win ba baku, king ba Moses bara Eran wal bîla walras kan.

Sins Lâka 1:18

baha uplika nani klauna tawi, ai mina ra alkaika kiwka nani paskisa, bara ai rayaka ba pât ra mangkisa.

Sins Lâka 11:4

Wan yuyaka ailalka ba, wan hilpka kabia apia lâ tara yua ra, sakuna kasakka lâka mita prura wina wan dakbi wan sâkbia.

Sins Lâka 28:14

Yamni pali sa, Dawan sibrinka brih ban luki uplika ba, sakuna ai kupia karna dauki ba uplika lika trabil ra kauhi dimbia.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Smasmalkra 12:14

Gâd wan daukanka nani sut ba lâka daukbia, pain daukan, apia kaka saura daukan ba, bara dîa yukuwan ra daukan ba sin.

Aiseya 48:4

Yang pat kaiki kapri man ba lamla karna sma, karna ayan baku sma, bras daukan baku, sip bulras sma,

Jirimaya 40:3

bara nanara witin aisin ba baku takan. Naha naku man nani ra takan na, man nani bui Dawan mapara saura daukram witin ai bîla wali daukras kapram ba tâka mita.

Isikiel 11:19

Yang bui kupia karna walpa baku ba sakamni, bara kupia raya kum yabamni bara spirit raya kum sin yabamni.

Isikiel 3:7

Sakuna Israel luhpia nani mai walan daukras kabia, kan Israel luhpia nani yang aisisna ba walan daukras kan. Witin nani sut ba brabrukra sa bara lal sin karna.

Daniel 5:20

Sakuna ai kupia ra pura luan lâka ni banhwan, ai kupia karna daukan, ai wîna kulkanka lâka sin brin. Bamna karnika bara prana kulkan lâka king bri kan ba, witin wina sakan.

Oseas 13:12

“Efraín watawi daukan ba ulbi swin sa; witin saura daukan ulbanka ba bâra sa.

Emus 3:10

Dawan kasak aisisa: “Baha uplika nani ai watla tara pranakira bilara iwisa, sakuna wapni, lâ kat iwi kaia ba tânka briras; ai watla tara nani ba ra auhbi banhki brisa impliki brin dukia nani ni.”

Roman 1:18

Bamna yawan kaikisa, Gâd lawanka tara sibrinkira pali ba kasbrika pura wina aula, upla saura kasak apia nani ba purara, baha nani ai watawika lâka ba ni kasakka lâka tânka ba briaia apia daukisa.

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

Roman 9:22

Bamna Gâd lika ai lawanka bara ai karnika tânka ba marikan dauki kan ba ra, witin wihka ai kupia alki takaski brin, baha uplika nani klala yaia bara âpu daukaia aitani kulkan kan nani ba mapara.

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.

Kli Smalkanka 2:30

“Sakuna king Sihón ba baku brin daukras sa yawan ai tasbaya lila bâk lui wabia, Dawan, man nani Gâdkam mita, witin ba apia mai wiaia, lal karna daukan, man nani mihtam ra mangkaia, naiwa yua param taki ba.

Kli Smalkanka 32:34

“Naha sut na main kaiki brisni; manakira dukia baku main kaikisni,

2 Tesalonaika 1:5

Naha na marikisa, Gâd ba lâ kasak kat dauki ba tânka, kan man nani ba aitani mai kulki mai brisa, Gâd King aimaki ba lâka ra dimaia, bara baha tâwan sika pât wahwi banhwisma ba.

Hibru Nani 3:13

Sakuna, man nani wina kumi sin saurka mita kunin munka bara ai kupia ba sin karna takbia apia, yu bani walkam nani aikuki pana pana tâm baiki bas, “naiwa yua” na kau dimi waras ba ra.

Hibru Nani 3:15

Ulbanka ra naku wisa bamna: “Naiwa, man nani bui Gâd bîla baikra ba walma kaka, kupiam karna daukpara, baha nani Gâd mapara buan nani ba baku.”

Hibru Nani 4:7

Baha mita, Gâd ba yu wala kum saki marikisa: baha sika “naiwa yua” wi ba. Kan Gâd bui Debit ra aisan ba bâk, kli mani ailal ningkara yawan ra wan aisisa, pat Ulbanka wina aisisata ba baku: “Naiwa, man nani bui Gâd bîla baikra ba walma kaka, kupiam nani karna daukpara.”

Jems 5:3

Gulkam bara silbarkam sin mâka alkan sa, bara naha mâka na man nani mampara witnis kabia, bara baha mita pauta baku wînam tara pali ba sauhki tikbia. Man nani yuyakam paski sunram naha yua nani ra baha ba lâs kabia.

Jasua 11:20

kan Dawan mita ai waihla nani ba kupia karna daukan, Israel luhpia nani mapara buaia, baku ba ra, Israel luhpia nani mita sut sauhki tikaia, umpira kaikan luha, Moses ra Dawan mita adar yabata ba baku.

2 Pita 2:9

Bamna Dawan kaikisa, witin ra luki uplika nani ba, traika kaikanka wina swaki sakisa, bara sin nu sa saura dadaukra nani ba, pât mununhtara bri kaia lâ tara yua ba kat.

2 Pita 3:7

Sakuna nanara kasbrika pura bara tasba bâra ba lika, ban swin sa pauta klauhan ba dukiara, Gâd ai bîla aisin sa, baha pata klauhan ba ni tnata yua ra angkan kabia, bara saurakira nani sut âpu daukan kabia.

Judas 1:6

Bara insal nani, ai pliska bri kan ba main kaiki briras, sakuna ai watla pali ba sin swin nani ba, baha nani ra Gâd mita ban kaia ra priski, silak watla tihmu ra brisa, lâ tara yua balbia ba kat.

Param Marikanka 2:21

Witin ra sans yâri ai kupia lakaia, sakuna swin daukras sa witin ai rugka lâka ba wina.

Param Marikanka 6:17

Kan lawanka tara yua ba balan sa, ¿bara ya baha mapara ban buaia sip kabia ki?”

1 Samuil 6:6

¿Dîa kan man nani kupiam ban karna brisma, Idsip uplika nani bara king fero sin daukan ba baku, Gâd bui witin nani ra klala karna yan ba kat, uplika nani ba swin wan ba?