Roman 2:16 - DAWAN BÎLA AISKA

¹⁶ Sturi yamni smalkisa ba kat, baku sika baha yua Gâd mita Jisas Kraist bâk upla nani sut tânka yukuwan ra ba kat lâ daukbia.

Roman 2:16 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Lawana Nani 50:6

Bara kasbrika nani ba tânka param aisisa Gâd ba lâ wihta kasak sa.

Lawana Nani 96:13

Dawan mawanra, witin aula ba! ¡Âu, witin aula tasba wihtka aimakaia bara tasba aiska uplika nani wihta aimakaia kasakka lâka bara kasak tânka ba wal!

Lawana Nani 98:9

Dawan mawanra, witin tasba na wihtka aimakaia aula. Tasba aiska na wihtka aimakbia kasakka lâka bara sibrin luha ba wal.

Smasmalkra 11:9

Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia.

Smasmalkra 12:14

Gâd wan daukanka nani sut ba lâka daukbia, pain daukan, apia kaka saura daukan ba, bara dîa yukuwan ra daukan ba sin.

Smasmalkra 3:17

Baku bamna, Gâd kasakkira nani lâka daukbia, saura dadaukra nani lâka sin, kan diara sut taki ba ai piua brisa, bara baha dauki ba dukiara sin.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Luk 8:17

Bamna diara yukuwan ra ba param sakan kabia, diara dahra sin param aisan kabia.

Jan 12:48

Ani uplika bahki ai kulki bara bîli nani sin wali daukras ba, ya mita pât ra lulkaia ba pat bâra sa. Bîla nani yang aisari ba mita sika tnata piua ra pât ra lulkan kabia.

Apastil Nani Sturka 10:42

Bara yang nani ai blikan upla nani ra smalkaia, witnis sin aisaia, nahki Gâd mita naha Jisaska na raya nani bara pruan nani sut Wihtka mangkan sa.

Apastil Nani Sturka 17:31

Gâd yu kumi mangkan sa, naha tasba aiska na lâka wapni kat daukaia, waitna kumi witin bâk sakan ba mita. Naha dukiara tânka aiska wan marikan sa, Jisas pruan wina bukan bamna.”

Roman 16:25

Bara nanara, Gâd ra mayunpi, witinka sip pali ba man nani karnakira mai daukaia, dîa yang swaki sakan lâka bara Jisas Kraist tânka sin mai smalkisna ba baku. Naha tânka na lika Gâd kau tasba paskras kan piua wina, diara yukuki bri kata ba nanara param sakan ba sika,

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

Roman 3:6

¡Sip apia pali! Gâd ba kasak apia kaka, ¿nahki witin sip kabia tasba aiska na lâka daukaia?

1 Korint 15:1

Bara nanara, muihki nani, yang want sna swaki sakan sturka man nani ra mai smalkri ba, kupiam krauki kama. Baha smalkanka sika brisatma ba bara bahara bapi buisma.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.

Galesha 1:11

Muihki nani, naha tânka na pain kaiki bas: swaki sakan sturka yang aisi smalkisna ba lika, upla nani lukanka wina apia sa.

1 Timoti 1:11

Naha smalkanka kasak na lika, Gâd yamni pali ba, swak sakan lâka pranakira ba, bara baha sika yang mihti ra mangkan ba, aisi smalkamna dukiara.

2 Timoti 2:8

Jisas Kraist pruan wina kli buan ba kupiam krauki bas, witinka king Debit kiamka wina kan ba. Naha sika yang mita aisi smalkisna swaki sakan sturka yamni ba.

2 Timoti 4:1

Gâd mawanra bara Jisas Kraist mawanra sin, witinka king baku bal pruan nani bara raya nani lâka daukaia ba, yang bui man ra kasak lâ maikuna,

2 Timoti 4:8

Bara nanara lika kasakka lâka prisantka ba, yang duki wisi sunan sa; bara baha ba Dawan mita, witinka lâ wihta kasakkira ba, baha yua ra aikbia. Bara yang ra baman lika aikbia apia, sakuna ani uplika nani latwan lâka wal witin balaia ba bîla kaiki nani ra sin.

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.

1 Pita 4:5

Sakuna witin nani ba Gâd ra ai tânka saki aisaia kabia, witinka raya nani bara pruan nani lâka daukaia ridi ba ra.

2 Pita 2:9

Bamna Dawan kaikisa, witin ra luki uplika nani ba, traika kaikanka wina swaki sakisa, bara sin nu sa saura dadaukra nani ba, pât mununhtara bri kaia lâ tara yua ba kat.