Roman 2:13 - DAWAN BÎLA AISKA

¹³ Kan lâ bîla wali baman uplika nani ba Gâd mita pain kulkras sa, sakuna lâ bîla wali dadaukra nani ba lika.

Roman 2:13 ပူးပေါင်းရင်းမြစ်များ

Lawana Nani 143:2

Man nampakan ra diara walaia paiwpara, kan man mamwanra upla kumi sin pâtkas ba âpu sa.

Jirimaya 11:6

Bamna Dawan bui ai win: “Naha smalkanka na man Juda tawanka yabalka ra Jerusalem ra sin aisas. Upla nani ra wis: ‘Lâ daukan bîla nani aisin ba man nani wals, bara baha wali dauks.

Isikiel 20:11

bahara lâika nani bara dîa daukaia lâka ba yabri; ya baha daukuya ba, rayaka yabi ba.

Luk 18:14

Yang mai wisni, naha lal mana sasakra na kli ai watla ra wan Gâd bui pain kulkan ba kira, sakuna parisi ba lika apia. Kan ya ai wîna tara kulki ba, mâyara ikan kabia, sakuna ya mâyara bawi ba, tara kulkan kabia.”

Luk 8:21

Sakuna witin bila: —Ani uplika nani Gâd bîla smalkanka ba wali dauki ba, baha nani sika yang mamiki, muihki nani sin.

Jan 13:17

Bamna naha diara nani na tânka brih baha kat sin daukma kaka, lilia kama.

Apastil Nani Sturka 13:39

Witin ra kasak luki nani ba bani saurka nani sut ba swih tikan sa, Moses lâka ra sip swih tikras kan ba.

Roman 10:5

Moses lâka bâk Gâd mita pâtkas kulkisa kaka, Moses mita naku ulban: “Ani uplika lâ ba kat pain daukisa kaka, witin lâ ba mita raya kabia.”

Roman 2:25

Bahamna man lâ bîla wali daukisma kaka lika, Aisa sainka mangkram ba man ra hilp kabia. Sakuna man lâ bîla wali daukras sma kaka, baha lika man ba sin Aisa sainka mangkras baku sma.

Roman 3:20

kan Gâd ba upla kum ra sin pri sa wiras sa lâ aiska ba daukan wisa, lâ tânka ba sika naha baman wan marikisa yawan na upla saura nani sa.

Roman 3:23

upla sut saura yan bara Gâd mawan wina sin laihura takan.

Roman 3:30

Gâd ba kumi baman sa, wala âpu; kasakkira luki nani ba witin mita pât wina pri sakisa, Aisa sainka bri nani ba briras nani ba lukras.

1 Korint 4:4

Kupi dara walra na klin brisna, sakuna baku ba ra wisi yang na pâtkira apia sna lika wiras sna. Dawan sika lâika aisi dauki ba.

Galesha 2:16

Ban sakuna, yawan pain kaiki, Moses lâka wan wi ba kat dauki mita baman Gâd mawanra sip kasakkira wan kulkras sa, Jisas Kraist ra kasak luki ba mita lika. Baha mita, yang nani sin Jisas Kraist ra kasak luki banhri, naha kasak lukan lâka mita kasakkira ai kulkan kaia dukiara, lâ mita dîa ai wi ba kat dauki banhri ba mita lika apia. Kan lâ bîla wali dauki ba dukiara baman upla kumi sin, Gâd mawanra kasakkira kulkan kabia apia.

Galesha 5:4

Man nani tilam wina baha nani luki ba, lâ bîla wali dauki ba mita, Gâd mita kasakkira kulkan kabia, witin nani lika Kraist wina tnaya ra takan sa; Gâd latwanka lâka ba wina sin dakwi takan sa.

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 5:1

Moses bui Israel luhpia nani sut asla paiwi, win: “Wals, Israel uplika, lâ nani naiwa maisam pakaisna ba. Pain lan taks, bara trai kaiki dauks.

Kli Smalkanka 6:3

Baku bamna, Israel luhpia nani, trai kaiks bara baku lika yamni wama bara upla ailal takma, baha tasbaya nasma bara tialka laya lî baku aubi ba, almukkam nani ra Dawan Gâdkam pramis munan ba.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.

1 Jan 2:29

Man nani pat kaikisma Jisas Kraist lika kasakkira sa; baku bamna, kaiki kaia sma ani uplika nani kasakka lâka dauki ba sika, Gâd luhpia nani sa.

1 Jan 3:7

Luhpi lupia nani, upla kumi mita sin yarka kunin mai munbiara; ya diara pain dauki ba, witin lika upla kasakkira sa, Kraist witin kasakkira ba baku.