Roman 2:10 - DAWAN BÎLA AISKA

¹⁰ Ban sakuna, yamni dauki nani ra Gâd mita yabia, mayunan lâka, pain kulkan lâka bara kupia kumi lâka sin, Ju nani ra pas, bara Ju apia nani ra sin.

Roman 2:10 ပူးပေါင်းရင်းမြစ်များ

Job 22:21

Kli mahka pali Gâd wal kupia kumi taks, baku lika kli kainamra yamni impakma.

Lawana Nani 15:2

Baha nani lukanka wapni dauki ba, kasakka tânka man aisi dauki ba sika;

Lawana Nani 29:11

Dawan lika ai uplika nani ra karnika yabisa; Dawan lika ai uplika nani ra kupia kumi lâka ni yamni munisa.

Lawana Nani 37:37

Upla ai tânka aihwa bara tânka yamni man bri ba, man laki kaiks; baha uplika sika kupia kumi lâka bribia.

Sins Lâka 11:18

Watawikira ba kunin lâka ra ai mana brisa, kuna kasakka lâka mâ mangki ba, ai mana kasak aihwa bribia.

Sins Lâka 8:18

Yang yabisna diara kukan manis briaia bara mayunra ba sin, mayunra tara bara pâwanka sin.

Aiseya 26:12

Dawan, man bui yawan ra wan kupia kumi lâka ba wankma; kan man sika yawan wan warkka nani sut daukisma.

Aiseya 32:17

Kasak lâka daukanka nani ba wina kupia kumi lâka takbia; kasak lâka warkka nani ba wina ris briaia, wan kupia kumi lâka ban kaia ra briaia bal takbia.

Aiseya 48:18

¡Bamna man, yang lâika bîla nani ra walram kan kata! Bâra lika man ra kupia lâka ba awala kum baku kaia kan, bara yamnika nani man ra taki ba kabu ripka nani baku kaia kan.

Aiseya 48:22

Saurakira nani ba dukiara kupia kumi lâka ba âpu sa. Dawan baku aisin.

Aiseya 55:12

“Man nani lilia pali baha wina taki wama, bara kupia kumi lâka wal, man nani tasbayam ra kli tawi balma. Il nani bara kiuhsi nani sin, man nani mamwanra lawana aiwanbia, bara twi ra dus nani ba sin sut ai mihta pruki lilia daukbia.

Aiseya 57:19

Bara baha upla sut ra wimni: ‘Kupi kumi lâka laihura nani ba ra, laimara nani ba sut ra sin kupia kumi lâka. ¡Bara yang upliki nani ra rakamni!’

Jirimaya 33:6

Sakuna yang kli witin nani ba sîka rakamna, bara pain kulkan kupia kumi kaia kli baku takaia apia liliaka briaia daukamni.

Kulki Kaikanka 6:26

Dawan latwan mai kaikbia, bara kupia kumi lâka sin maikbia.”

Matiu 10:13

Baha watla uplika nani pain mai brisa kaka, kupia kumi lakula ba witin nani wal ban swis; sakuna pain mai briras kaka, baku daukan kabia apia.

Luk 1:79

baha nani tihmia bara prura mununhtara iwi nani ra ingni yaia, bara wan mina nani ba kupia kumi yabalka ra yaka wapaia.”

Luk 12:37

Lilia pali sa baha alba nani yapras raya ban ai dawanka mita bal sakuya ba; yang mai wisna, witin ba ai maisa pain wilki, yaka witin nani ba tibil ra iwbia plun piaia.

Luk 19:42

naku win: “Man kaikram kata, naiwa piua kupia kumi lâka dukiara dîa pali want sma ba; sakuna nanara baha sut ba yukukan sa, bara man sip kaikras.

Luk 22:14

Awarka balan piua ra, Jisas ai disaipilka sut aikuki tibil ra iwan.

Luk 9:48

naku win: —Ya yang nini ra luki naha tuktika na bribia kaka, yang ai brisa; bara ya yang ai bri ba, ai blikan ba ra sin brisa. Bamna ani uplika man nani tilamra kau mâyara kulkan ba, baha sika kau tara ba.

Jan 12:26

Bamna upla kumi yang duki daukaia want sa kaka, witin nini blikaia sa; bara anira sna pliska ba ra, yang duki dadaukra ba sin bâra kabia. Bamna upla kumi yang duki daukisa kaka, Aisiki mita prana daukbia.

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Apastil Nani Sturka 10:35

sakuna witin pain kulkisa ani nisanka witin ra sibrin luki bara diara pain sin dauki ba.

Roman 14:17

Bamna Gâd King aimaki ba lâka lika piaia, diaia wal tânka apia sa, sakuna baha lika wan rayaka wapni briaia lâka sa, bara kupia kumi lâka bara lilia lâka Spirit Holikira bâk yawan bri ba tânka sika.

Roman 15:13

Bamna Gâd bui man nani ra bîla kaikaia lâka maiki ba, lilia bara kupia kumi lâka ni mai banhkbia, kan man nani sika witin ra kasak lukisma ba, bara bîla kaikanka sin uya maikbia Spirit Holikira karnika ba mita.

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

Roman 2:9

Baku bamna, saura dauki nani ba mapara pât wahwaia lâka bara latwan wahwaia lâka sin bâra kabia, baha lika Ju nani ra pas, bara baha ningkara Ju apia nani ra sin.

Roman 5:1

Baku bamna, kasak lukan lâka ba mita Gâd mita kasakkira wan kulkisa, bara wan Dawan Jisas Kraist ba mita yawan na Gâd wal kupia kumi lâka ba brisa.

Roman 8:6

Wîna tara brinka ba trabil taki lukaia lâka ba mita pruaia ra wan brih auya; sakuna Spirit brinka ra trabil taki lukaia ba lika, raya kaia bara âuyapah lâka ra wan brih auya.

Roman 9:21

Bamna dikwa papaskra ba mita slaubla ni dîa dîa witin brin dauki ba kat paskaia sip sa; slaubla wiria brin ba ni, sip sa dikwa kumi paskaia diara pain daukaia baman, bara dikwa wala kumi paskaia sip sa dîa dîa daukaia dukiara.

Roman 9:23

Baku bamna, Gâd ai prana tara ba yawan bâk marikaia lukan, yaura witin yamnika kaiki ba, bara yaura sin patitara piua wina pat ridi sakan ba, ai prana ba wina ai dukia bribia.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Pilipai 4:7

Bara Gâd ai kupia kumi lâka bara upla tânka briaia praiska sut pura lui ba, witin maikbia; bara naha kupia kumi lâka na, man kupiam nani lukanka nani sin main kaiki kabia, Kraist Jisas wal asla.

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

Hibru Nani 2:7

Piu wiria baman, witin ba insal nani wina kau mâyara mangkram, sakuna prana kraunka bara pain kulkan lâka kraunka ba witin ra yabram,

Jems 2:22

¿Kaikras sma ki? Ebraham kasak lukanka ba ai daukanka wal kumi asla daukan sa; witin ai kasak lukanka lâka bara ai daukanka nani mita kasak pali marikan.

Jems 3:13

Man nani tilamra upla sinskira bara diara tânka kakaira kum bâra sa kaka, latan marikbia witin wapni tauki ba lâka ni, ai sinska mita bawikira lâka yabi ba ni.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.

1 Pita 5:4

Baku bamna, Sepad Wihta ba balbia ba ra, man nani kraun pranakira kum brima, bara baha ba lika ban kaia ra sip srawi luras ba.

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.