Roman 16:7 - DAWAN BÎLA AISKA

⁷ Lakula wis yang kuntriki wina ba Andrónico bara Junias ra sin, witin nani wâl sika yang silak ra ai mangkan, bara witin nani pas sika yang kainira Kraist ra kasak lukan, bara apastil nani tilara tara pali kulkan sa bamna.

Roman 16:7 ပူးပေါင်းရင်းမြစ်များ

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 45:25

Israel luhpia nani sut yang ra tingki kabia, witin nani pura lalura nani takbia bara yang dukira tara ai dara wali kabia.”

Jan 14:20

Baha piua kat man nani tânka brima, yang Aisiki wal asla pali sna ba, bara man nani lika yang wal asla, bara yang mita sin man nani wal asla pali sna.

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Jan 6:56

Ya yang wîni tara ba pîsa bara tâilia sin dîsa kaka, witin ba yang wal asla iwisa, bara yang sin witin wal asla sna.

Roman 16:10

Laikula wis Apeles ra, witin Kraist ra kasak luki ba tânka uya pali marikan ba, bara Aristóbulo watla uplika nani sut ra sin laikula wis.

Roman 16:11

Bara laikula sin wis yang kuntriki wina Herodión ra bara Narciso watla uplika sut ra, witin nani Dawan ra kasak luki ba.

Roman 16:21

Pâinika Timoti yang wal wark dauki ba mita ai lakula blikisa, bara Lucio, Jasón bara Sosípatro sin, witinka nani kuntriki wina ba.

Roman 16:3

Laikula wis Priscila ra bara Áquila ra, baha uplika nani yang wal asla luki Kraist Jisas warkka dauki kan ba.

Roman 16:6

Meri ra laikula yas, witinka man nani tilamra kasak wark takan ba.

Roman 16:8

Amplias ra sin laikula wis, Dawan wal asla lâka ra pâinika laitwankira ba.

Roman 16:9

Laikula wis Urbano ra, Kraist Jisas wal asla lâka ra, yang nani aikuki wark tatakra ba, bara upliki laitwankira Estaquis ra sin.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

Roman 8:11

Jisas Kraist pruan nani tila wina bukan Gâdka Spiritka ba man nani ra raya sa kaka, sim Kraist pruan wina bukan Gâdka Spiritka ba wînam tara prui kira nani ra raya kaia lâka kli yabia, Spirit man nani ra raya iwi ba mita.

Roman 9:3

bara yang muihki nani bara taiya nani sut ba mapara pain kaia sa kaka, kau yamni kabia yang na Kraist wina ai dakbi saki lahtuban mununhtara ai swibia.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

2 Korint 11:23

¿Bara witin nani ba Kraist dukia dadaukra sa ki? Yang lika witin nani purkara sna, aisisna ba sin tanis baku aisisna kuna. Bamna yang lika kau wark takri witin nani ba wal, witin nani wal yang ra kau ai wipan, silak ra sin kau ai mangkan, bara prura pâtka sin manis wauhri.

2 Korint 12:2

Yang waitna kum kaikisna, witin Kraist ra kasak lukisa, mani 14 luan ra baha waitnika ba kasbrika purara yumhpa ba kat brih wan kata. Pain kaikisna, witin ba wîna tara lâka ba kat brih wan sapa, apia kaka spiritka brih wan sapa; baha lika Gâd baman kaikisa.

2 Korint 5:17

Baku bamna, ya Kraist wal asla takan sa kaka, witin lika upla raya kumi sa; diara almuk nani ba lui wan sa, bara nanara diara raya baman takan sa.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 1:22

Judia tasbaya ra wan muihni nani Kraist sertska ra nani ba mita pain pali ai kakaira apia kan.

Galesha 2:2

Yang bahara wari, kan Gâd mita param mairikan yang bahara waia sna ba. Bara Jerusalem ra plis kum wiria tnaya ra, tâ uplika nani aikuki asla aidrubi banhri ba ra, swaki sakan lâka Ju apia uplika nani ra smalkisna ba tânka baha nani mawanra yang mangkri. Naha daukri, kan yang brin ai daukras kan wark nani pat daukri ba, bara naha piua ra daukisna ba sut sin bahki ra tawbia.

Galesha 2:6

Sakuna baha tâ uplika nani baku kulkan kata ba mita, smalkanka raya kumi sin yang ra aikras; witin nani dîa ai tânka ba yang maipara diara apia, kan Gâd lika upla mawan kulki lâ daukras sa.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Galesha 6:15

Bamna yawan Kraist Jisas wal asla kaia lâka ba brisa kaka, Aisa sainka daukan, apia kaka daukras kabia sin diara apia sa; sakuna yawan upla raya takan ba sika diara tara pali.

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

Kolosi 4:10

Aristarco, yang wal silak ra ba, man nani ra ai lakula blikisa, Bernabé tubankika Mark ba sin. Witin dukiara dîa mai smalkatna ba, man nani kaikisma: Man nani mai kaikaia wabia kaka, pain bri bas.

Pilimon 1:23

Pâinika Epafras, Kraist Jisas tâwan yang wal silak ra ba mita ai lakula mai blikisa,

1 Jan 4:13

Baha tânka ba lika yawan mita Gâd ra iwisa, bara witin mita yawan ra iwisa, ai Spiritka wankan ba mita.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

Param Marikanka 1:9

Yang Jan, man nani muihkam sna, bara man nani wal aikuki asla sna pât wahwan nani mapa ra, Gâd King aimaki ba lâka ra, bara ban bapi buaia lâka Jisas Kraist mita wanki ba ra sin. Kî dakura kum nina Patmos wi ba ra lulki ai swin kan, Gâd sturka yamni aisi smalkri ba tâwan, bara Jisas Kraist witniska aisari ba tâwan sin.