Roman 14:2 - DAWAN BÎLA AISKA

² Tânka kum ba lika naku sa: Upla manis ba lukisa witin nani sip sa diara sut ba piaia, kuna wala nani bâra sa witin nani ba kasak lukan lâka ra swapni sa, bara inmakan nani baman pîsa.

Roman 14:2 ပူးပေါင်းရင်းမြစ်များ

Blasi Sturka 1:29

Baha ningkara Gâd bila win: “Bamna nanara kaiks, inta wahia nani sâtka sut, ai saumukka saki nani ba bara dus nani sut ai mâ alki nani ba, yang bui man nani ra maikisna. Baha sut ba man nani patam brima.

Blasi Sturka 9:3

Diara nani sut ai rayaka bri aiawi tauki ba, man nani pi raya kama dukiara paskri sa; dus mâ nani sâtka bani ba, inma kura nani ba sut sin yang bui man nani ra maikri sa.

Sins Lâka 15:17

Kanra yamni sa, dus mâ nani man piaia, latwan lâka bâra kaka, wihki bîp wîna piaia misbara bâra sa kaka.

Daniel 1:12

—Makabisna yu matawalsip baman naha dauki kaikma upan âpu pata ba bara lî wal baman aiki bas.

Daniel 1:16

Baku bamna, baha yua wina witin nani lalka ba pata piaia kan ba bara wainka sin brih wan, sakuna Daniel bara pânika nani wal ra dus mâ nani lî wal bri si yan.

Roman 14:1

Bamna upla kumi kasak lukan lâka ra swapni sa kaka, ban tilamra bri bas, sakuna dîa ai tânka ba dukiara lika wal aisi blauhpara.

Roman 14:14

Yang kasak daira walisni diara saura kumi sin âpu sa; Dawan Jisas ra kasak lukisna ba mita sakuna upla kum lukisa diara kum saura, bâra sa witin mapara sika baha ba saura.

Roman 14:20

Dîa dîa pisma ba tâka mita, yarka Gâd warkka bahki ra tawbiara. Plun sut lika klin sa, baha tânka ba param sa; sakuna dîa dîa pi ba mita upla wala mina batakisa kaka, baha lika saura sa.

Roman 15:1

Bamna yawan kasak lukan lâka ra karna banhwi ba mita swapnikira nani swapnika ba wan karbanka pali baku brih twilki kaia sa, bara yawan wan kupia lâka baman lika luki kaia apia sa.

1 Korint 10:25

Dîa dîa wîna atkaia watla wina atkisma ba pi banhs, bara lukankam klir kaia dukiara diara makabi walpara,

1 Korint 8:9

Sakuna, aman kaiki bas, baha pri lâka bri banhwisma ba mita, yarka witinka nani ai kasak lukan lâka mapa ra swapni ba saura lâka ra batakbiara.

1 Korint 9:22

Kasak lukan lâka mapara swapnikira nani ba aikuki sna piua, swapnikira baku takisna, witin nani ba sin alkaia mata. Wibia kaka, witin nani baku takri sa, baku ban kum kum pan swaki sakaia dukiara.

Galesha 2:12

Pita lika tâura, Ju apia uplika nani aikuki asla plun pi kan, sakuna Jems wina upla tila nani wan ba, Ju apia uplika nani wal asla plun pi kan ba, mahka swin; kan baha uplika nani aidrubi balan ba lika, Aisa sainka kulki daknika nani wina kan, bara witin baha nani ra sibrin lukan.

1 Timoti 4:4

Diara nani sut Gâd mita paskan ba lika pain baman sa; diara kumi sin yawan saura kulkaia apia sa, sakuna sut ba Gâd ra tingki wih piaia sa,

Taitus 1:15

Ani uplika nani ai sinska klin bri ba mapa ra, diara sut ba klin sa; sakuna kasak lukras uplika nani bara ai sinska sin klin briras ba mapa ra lika, diara kumi sin klin âpu sa, kan witin nani sinska ba bara ai kupia dara walra ba sin tâski baman sa.

Hibru Nani 13:9

Smalkanka sât aihka nani bara tringsar nani mita yarka yabal kasak ba wina mai brih wabiara. Wan sulka nani ba Gâd kupia yamnika lâka ba karnika bribia ba kau pain sa, plun lâka nani bîla wali daukaia ba wal; baha nani naha lâka nani bîla wali dauki banhwi na wina hilp kumi sin briras sa.

Hibru Nani 9:10

Witin nani daukaia sa plun nani wal baman, laya din nani bara ai wîna nani klin sakaia sât sât sin. Naha sut na lika pura tani lâka nani baman sa, bara tânka aihwa kumi sin âpu sa, Gâd diara nani sut kli aihka lakbia piua kat mika.