Roman 13:6 - DAWAN BÎLA AISKA

⁶ Baha tâwan sin man nani diara lal mana nani aibapisma ba; kan tasba wihtka nani Gâd warkka daukisa.

Roman 13:6 ပူးပေါင်းရင်းမြစ်များ

2 Samuil 8:5

Naika Damaskus wina Siria uplika nani sin wan Hadad-ézer, Sobá kingka ra hilp munaia, sakuna Debit bui Siria uplika nani ra sin pura luan, bara 22,000 ikan.

1 Kronikas 18:14

Debit ba Israel aiska purara king aimakan kasak lâka kat bara wapni pali, witin ai uplika nani lâka dauki kata.

Esdras 4:13

Nanara naha na, king tara, param sa uplika nani na naha tawanka tara na swika kli paskbia kaka, baku sin walpa kutbanka nani bukbia kaka, naha uplika nani na diara nani lal mana kulki ba aibapbia apia; bara baha tâka mita, king lalahka ba sin mâya pali kat iwbia, lalah briaia ba praiska kat sip bribia apia.

Esdras 4:20

Baku sin wisa, Jerusalem ra king karnakira nani bâra kan, bara Éufrates awala muna tani tasbaya nani ba ra sin baha nani ra taibi bri kan, bara witin nani ra diara nani sut ba lal mana kulkan aibapi kan.

Esdras 6:8

Naha na yang adarki nani maikisna, naha Ju nani tâ uplika nani ba tâ baikaia sma, witin nani Gâd tempelka ba kli mâkbia mata. Bara Éufrates awala muna tani tasbaya wina lal mana nani king bri ba, baha lalahka ba wina diara nani atki bri ba mana piua kat sut aibapi kabia, baha warkka ba alki takaskbiara.

Nihimaya 5:4

bara tila wala nani sin aisi kan witin nani sin lalah lin taki bri banhwan ai tasbaya bara ai wainka nasla nani lal ra king ra lal mana aibapaia dukiara. Baha purkara sin witin nani aisin:

Luk 23:2

Bahara witin nani mahka Jisas dahra saki, naku wisata: —Yang nani naha waitnika na saki banhri wan uplika nani kupia warbi muni kan. Witin bila, Rom kingka Sisar ra lal mana aibapi banhwamna apia, bara sin wisa witin ba Misaya, wibia kaka, king kum sa.

Roman 12:8

Ya upla wala nani tâ baikaia prisantka bri ba, trai kaikaia sa baha warkka daukaia. Ya sin upla ra diara prisant yabi kaka, witin ai tânka lukras kira yabia. Ya tâ briaia warkka brisa kaka, witin aman kaiki baha ba daukaia sa. Ya diara luha uplika nani ra hilp muni kaka, witin liliakira baha ba daukaia sa.

Roman 13:5

Baha mita, aitani sa tasba wihtka nani ra bawaia, klala briaia apia dukiara baman luki mita lika apia, sakuna wan kupia klir lukanka wina baha ba yawan daukaia ba luki.

Roman 13:7

Ya bani ra yabaia sma ba uplika ra yas. Dîa lal mana nani aibapaia brisma ba, mahka aibaps; dîa dîa lal mana kaka, yaura pain kulkaia kaka pain kulks, kulkanka bri ba kulkanka ba yas.