Roman 13:4 - DAWAN BÎLA AISKA

⁴ Kan tasba wihtka nani ba Gâd warkka daukisa man ra yamni mai munaia dukiara. Sakuna man saura daukisma kaka, sibri kaia sma, kan tasba wihtka nani mita pâtkas lika klala maikbia apia. Witin nani Gâd warkka dauki ba mita, saura dauki nani ra klala yabisa, witin nani briaia praiska ba kat.

Roman 13:4 ပူးပေါင်းရင်းမြစ်များ

1 King Nani 10:9

¡Dawan Gâdkam ba yamni pali kabia, witin aitani lukan ba man ba Israel king iwaika ra iwaia! Kan Dawan lika piua bani ra Israel ra latwan kaikisa, bara man ba king mai mangkan sa, lâ wapni bara kasak kat daukaia.”

2 Kronikas 19:6

Bara witin bui wihta nani ba ra win: “Aman kaiki bas man nani dîa daukisma ba, kan lâ daukaia ba upla nina ra apia, sakuna Dawan nina ra kaia sa, witin lika man nani wal sa upla lâka daukisma piua ra.

Sins Lâka 16:14

King kupia baiwanka ba lika, prura sturka twilkisa baku sa, bara sinskira nani dukia sa lamni daukaia ba.

Sins Lâka 20:2

King kupia baiwanka ba sika, layan ihbi ba baku sa; ya witin kupia baiwan bara tuski ba, witin ai rayaka pali mapara saura daukisa.

Sins Lâka 20:26

King sinskira ba lika upla watawikira nani ba wina laihura takisa, bara wilwaika kum munhtara taibisa.

Sins Lâka 20:8

King ai iwaika ra lâ wapnika daukaia iwi ba ra, ai nakra nani ni kaikan ba baman, diara saura nani sut âpu daukaia.

Aiseya 1:17

¡Lâ yamni daukaia ba man nani lan taks, trai kaiks dîa kasak ba daukaia, ai raitka bri ba raitka ba yas, rau nani lâka ba kasak dauks, piarka nani raitka ba tâwan aisas!”

Jirimaya 5:28

witin nani plun pain pîsa ba mita batana sa. Ba mita watawika lâka nani dauki ba takaskras: rau nani ra raitka yaras, umpira nani ra sin raitka yaras.

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Isikiel 25:14

Edom ra pana munaia lâka daukamna, tawanki Israel ba wal; witin mita kupi baiwanka bara kupi aisawanka wal mapara bubia. Baku ai dahra wali banhbia, pana munaia lâka daukisna ba. Yang, Dawan, kasak aisisna.

Miqueas 3:9

Bamna naha na wals, Israel tâ brabrira bara wihtka nani, man nani kasakka lâka ra waihla kaikisma ba, bara wapni lâka ba, warbanka lâka ra lakisma ba:

Roman 12:19

Muihki laitwankira nani, saura mai munan ba tâwan upla ra pana saura munpara, sakuna swis Gâd mita uplika ba ra klala yabia, kan Ulbanka ba wisa: “Yang mita lika klala yaia sna; bahamna Dawan bila: Swis yang baha ba kasakka lâka ra aibapamna.”

Roman 13:6

Baha tâwan sin man nani diara lal mana nani aibapisma ba; kan tasba wihtka nani Gâd warkka daukisa.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

Jasua 20:5

Pruan ba taika kau ai lamara ba mita uplika ba ikaia nina blikisa kaka, baha yukuwaia tawanka almukka nani ba mita mihta ra mangkbia apia, witin nani kaikisa ikan uplika ba pâtkas sa kaka, misbara kaikras ikan kaka.

Jasua 20:9

Naha tawanka nani ra sika Israel luhpia nani sut, tringsar nani sin baha nani tilara iwi banhwi ba yukuwaika pliska daukan sa. Ya ya kabia, ai dara walras upla kum ikbia kaka, witin baha tawanka ra yukuwaia sip kabia. Baku natka ra pruan ba taika, apia kaka aslika nani bal pana muni, witin ba ikbia apia, tawan ba mita witin lâka ba kau daukras ba kainara.

1 Pita 2:14

witinka mita sin wihta tara nani ba lâ sasauhkra nani ra klala yabia bara yamni dadaukra nani ra prana yabia wisi bliki ba.