Roman 11:8 - DAWAN BÎLA AISKA

⁸ Ulbanka ra dîa aisi ba baku: “Gâd spiritka ba mapara baha nani ba yan ai dara walras kan; nakra nani sip kaikras ba yan, bara sip walras kiama nani ba sin yaban, bara naiwa kat baku ban sa.”

Roman 11:8 ပူးပေါင်းရင်းမြစ်များ

2 King Nani 17:34

Naiwa yua kat ban daukisa patitara kan ba baku, kan Dawan ra kulkanka yabras, ai lâka bîla nani bara ai adarka nani sin kulkras, ba purkara sin Dawan bîla ba kaina wina ulbi ban adar nani Jekob kiamka nani ra yaban, bara Gâd bui sika Jekob nina ba Israel mâkan ba, baha lâka nani ba sin kulkras sa.

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 6:9

Bara witin ai win: “Was, naha bîla baha uplika nani ra wis: ‘Man nani kau wali kama, tânka brima apia; man nani kaiki kama, sakuna tânka pali ba brima apia.’

Jirimaya 5:21

‘Tanis lamla karna takan uplika, man nani naha wals, namkra brisma sakuna kaikras, kiamam brisma sakuna walras sma ba.

Isikiel 12:2

“Upla luhpia, man upla mapara babura tilara iwisma; baha nani ai nakra nani brisa kaikaia kuna kaikras, bara ai kiama bri banhwisa walaia kuna walras, kan mapara babura uplika sa bamna.

Isikiel 20:26

Sans yabri tâski takaia, prisantka aidul nani ra yabi, bara pauta ra ai luhpia tawahkia sakripais dauki. Naha daukri sibrin daukbia wisi, bara baku ai tânka bribia yang sika Dawan sna ba.’

Luk 8:10

Bara witin bila: “Gâd mita man nani ra lika ai kingka lâka diara yukukan nani ba tânka briaia maikan sa; sakuna upla wala nani ra lika maprika ra baman aisisna, witin nani kau kaikbia, bara kau kaikras takbia, bara kau walbia ba ra, kau tânka bribia apia.

Apastil Nani Sturka 28:26

Witin ba bila: ‘Baha uplika nani ra wih wis: Man nani walaia lika walma, sakuna tânka lika brima apia; kaikaia lika kaikma, sakuna pain pali lika kaikma apia;

Kli Smalkanka 29:4

Sakuna nanara kat sin, Dawan mita maikras sa kupiam ra, bara sinskam ra baha tânka nani ba luki pliki kaikaia.