Roman 10:10 - DAWAN BÎLA AISKA

¹⁰ Bamna wan kupia ni kasak lukisa Gâd mita kasakkira wan kulkaia, bara wan bîla ni Jisas Kraist ba kakaira sa tânka ba param aisisa, swaki wan sakaia.

Roman 10:10 ပူးပေါင်းရင်းမြစ်များ

Mark 9:23

Jisas bila: —Sip sna, man kasak lukisma kaka. ¡Kasak luki ba mapa ra, diara sut ba sip sa!

Luk 8:15

Sakuna saumuk mâ nani tasba pain ra kauhan ba sika, baha uplika nani ai kupia pain ni, ridi pali Dawan bîla smalkanka ba waluya, bara piua bani kasak ban sa, bara mâ pain pali sakuya.

Apastil Nani Sturka 8:37

[Pilip bila: —Man kupiam aiska ni kasak lukisma kaka, man sip sma. Bara waitnika ba bila: —Yang kasak lukisni, Jisas Kraist ba Gâd Luhpia sa.]

Roman 10:11

Ulbanka ba wisa: “Witin ra kasak luki uplika ba kumi sin kunin munan kabia apia.”

Roman 10:9

Bara man bîlam ni Jisas ba kasak Dawan sa aisisma kaka, bara kupiam ra sin kasak lukisma Gâd mita Jisas ba pruan nani tila wina bukan, man ba swaki mai sakan kabia.

Galesha 2:16

Ban sakuna, yawan pain kaiki, Moses lâka wan wi ba kat dauki mita baman Gâd mawanra sip kasakkira wan kulkras sa, Jisas Kraist ra kasak luki ba mita lika. Baha mita, yang nani sin Jisas Kraist ra kasak luki banhri, naha kasak lukan lâka mita kasakkira ai kulkan kaia dukiara, lâ mita dîa ai wi ba kat dauki banhri ba mita lika apia. Kan lâ bîla wali dauki ba dukiara baman upla kumi sin, Gâd mawanra kasakkira kulkan kabia apia.

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

Hibru Nani 3:12

Muihki nani, aman kaiki bas, man nani wina kumi sin ai kupia saura brih, Gâd rayakira ba wina tnaya ra tawbiara, witin ra kasak lukras ba mita.

1 Jan 4:15

Baha mita, ani uplika Jisas ba kasak Gâd Luhpia sa wisa kaka, baha uplika lika kasak Gâd ra iwisa bara Gâd pana baha uplika ra iwisa.

Param Marikanka 2:13

Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram.