Pilipai 4:9 - DAWAN BÎLA AISKA

⁹ Diara nani man nani ra mai smalkri ba, maikatna ba, diara nani yang aisari walatma ba bara daukri kaikatma ba sin, baha sut dauki bas; man nani baha dauks, bara kupia kumi Gâdka ba man nani wal kabia.

Pilipai 4:9 ပူးပေါင်းရင်းမြစ်များ

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 8:10

Daukaia luki ba lilka dauks, kan baha ba sauhki tikan kabia; dîa lâka upla wala ra kabia want ba kat daukbia apia, kan Gâd ba yawan nani wal sa bamna.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Matiu 7:21

“Baha nani yang ra ‘Dawan, Dawan’, ai wi nani ba baman lika kasbrika purara kingka tasbaya ra dimbia apia, sakuna ya ya Aisiki kasbrika purara ba kupia lâka dauki ba, baha nani lika.

Luk 6:46

“¿Dîa kan man nani bui yang ra ‘Dawan, Dawan’ ai wisma, sakuna dîa mai wisna ba lika daukras sma?

Luk 8:21

Sakuna witin bila: —Ani uplika nani Gâd bîla smalkanka ba wali dauki ba, baha nani sika yang mamiki, muihki nani sin.

Jan 13:17

Bamna naha diara nani na tânka brih baha kat sin daukma kaka, lilia kama.

Jan 15:14

Bamna man nani sika upliki nani, yang dîa mai wisna ba sut daukma kaka.

Jan 2:5

Jisas yaptika bui wark dauki nani ra win: —Dîa dîa witin bui man nani ra mai wibia ba, dauki banhs.

Apastil Nani Sturka 9:6

Man mahka bûi tawan ra dims, bahara mai wibia man dîa daukaia sma ba.”

Roman 15:33

Kupia kumi Gâdka ba, man nani sut wal kabia. Baku kabia.

Roman 16:20

Bara naika pali kupia kumi Gâdka mita man nani minam mununhtara Sitan ba taibia. Bamna wan Dawan Jisas Kraist mita yamni mai munbia.

1 Korint 10:31

Baku bamna, pi banhwisma sapa, di banhwisma sapa, dîa dîa daukisma sapa, sut ba Gâd prana dukiara dauki bas.

1 Korint 14:33

kan Gâd ba kupia kumi lâka Gâdka sa, tanis turban lâka Gâdka lika apia. Gâd uplika nani asla takanka sut ra dauki natka ba baku,

1 Korint 4:16

Baku bamna, man nani ra mamkabisna, yang daukri ba baku dauki kama.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

Kli Smalkanka 5:1

Moses bui Israel luhpia nani sut asla paiwi, win: “Wals, Israel uplika, lâ nani naiwa maisam pakaisna ba. Pain lan taks, bara trai kaiki dauks.

Pilipai 3:17

Muihki nani, man nani sut yang daukisna ba kat dauki bas. Yang nani mita man nani ra nina blikaia lâka kau pain ba maikri sa; baku bamna, baha nina bliki nani ba kat aman kaiks.

Pilipai 4:7

Bara Gâd ai kupia kumi lâka bara upla tânka briaia praiska sut pura lui ba, witin maikbia; bara naha kupia kumi lâka na, man kupiam nani lukanka nani sin main kaiki kabia, Kraist Jisas wal asla.

1 Tesalonaika 1:6

Bamna man nani ba yang nani daukri baku, bara Dawan daukan ba baku sin daukram; bara pât kasak wahwi kapram, ban sakuna sturi yamni ba Spirit Holikira mita lilia maiki kan ba wal bri katma.

1 Tesalonaika 2:14

Muihki nani, Gâd sertska nani Judia ra takan ba baku, man nani ra sim sât mai takan, Kraist Jisas tânka nani ba. Man nani ba kuntrikam uplika nani mita ninam bliki rau mai sauhkan, witin nani ra ai kuntrika uplika Ju nani mita nina bliki, rausauhkan ba baku.

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

2 Tesalonaika 3:4

Bara yang nani lika Dawan kat lukisni, man nani, yang nani mai wîri dukia nani ba daukisma, bara ba kat sin ban dauki kama.

2 Timoti 4:22

Dawan Jisas Kraist man wal kabia, bara Gâd mita man nani sut ra yamnika maikbia. Baku kabia.

Jems 1:22

Sakuna sturi yamni na walaia baman apia, dîa wi ba alki daukaia sa; kan baku daukras kaka, wînam ra kunin munisma.

2 Pita 1:10

Baha mita, muihki nani, Gâd bui mai paiwan bara bâk saki mai brin bamna, trai kaiks baha ba man nani kupiam ra yarka ai playa bri kaia; baku dauki kama kaka, man nani sip pali kauhma apia.

1 Jan 3:22

bara dîa dîa witin ra makabia ba wankbia, kan yawan ai lâka bîla ba wali daukisa, bara witin dîa pain kaiki ba sin daukisa.