Pilipai 4:6 - DAWAN BÎLA AISKA

⁶ Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

Pilipai 4:6 ပူးပေါင်းရင်းမြစ်များ

1 King Nani 8:28

Baha sut purkara man albikam pura sunra ba walma, ai makabanka ba sin, alai, Dawan, yang Gâdki, naiwa albikam ai pura suni na man walma.

2 Kronikas 32:20

Baha trabilka takan ba ra, king Ezequías bara prapit Aiseya, Emus luhpia ba wal, Dawan kasbrika purara ba ra ai pura sunan.

Lawana Nani 51:15

Dawan, yang uni nani ba ilingks; bara uni nani wal mamyunra lawana nani aiwanamna.

Lawana Nani 55:17

Yang titan ra, tutni ra bara tihmia ra sin brukwi bara ini maimna lulki kamni, bara witin bîli baikra ba walbia.

Lawana Nani 55:22

Trabil taki lukisma ba, Dawan ra swis; bara witin minam pirwras kira mai bri kabia; witin mai swika kauhma apia, baha uplika ai bîla wali ba.

Lawana Nani 62:8

¡Upliki nani, witin ra kasak luki ban bas! ¡Witin ra aisas puram sunra ni kupiam aiska luki kira! ¡Dawan sika wan yukuwaika ba!

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 16:3

Man warkkam nani Dawan mihta ra mangks, bara diara nani kupiam ra luki paskram ba dauki sâkma.

Yamni Kulki Lawana 2:14

“Butkuki mairin, walpa unta nani ra yukuwisma ba, unta twakni, bara dihwi nani yukuwaika ra, aikrika mamwan ba kaikamni, aikrika bîlam baikra walamni. Kan man mamwan kaikaia ba, yamni pali sa bamna, ¡bîlam baikra walaia sin damni pali sa!”

Jirimaya 32:16

“Tasba atkri wauhkataya nani ba Baruc Neria luhpia waitna ra yabri ba ningkara, yang Dawan ra puri sunri:

Jirimaya 33:3

Yang ra ai wins bara pana mai aisamna, diara tânka tara nani dahra prakan tânka nani ba, man tânka briras sma ba mamrikamni.

Daniel 3:16

Wahma yumhpa ba pana win: —Naha dukiara diara aisaia âpu sa.

Daniel 6:10

Daniel walan baha lâka ba ulbi daukan, witin ai watla ra wih ai yapaika windarka ba sakan, baha windarka ba Jerusalem tani ra kan, bamna witin ai lula kriki Gâd ra ai pura suni mayuni kan, naha na witin dauki kan yu bani aima yumhpa, baku witin dauki kata piua bani.

Matiu 10:19

Sakuna wihta nani mihta ra mai mangkbia ba ra, dîa aisaia bara nahki aisaia sma ba dukiara lika uya lukpara; kan aisaia piua aimakbia ba ra, Gâd mita maikbia diara aisaia sma ba.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Matiu 6:34

Bamna yauhka yua ba dukiara trabil taki lukpara, kan yauhka ba piua bâra kabia trabil taki lukaia. Kan yua bani ba silp ai trabilka nani brisa.

Matiu 6:8

Bara witin nani dauki baku daukpara, kanra kau makabras kapram, pat witin kaikisa dîa man nani want sma ba.

Luk 10:41

Sakuna Jisas pana win: —Marta, Marta, man diara uya daukaia dukiara baman lukisma, kupiam sin turban pali sa.

Luk 12:22

Baha ningkara, Jisas ai disaipilka nani ra win: “Bamna yang bui man nani ra mai wisna: Trabil taki lukpara raya kaia sma dukiara dîa pima, dîa kwalka dimma.

Luk 12:29

Baku bamna, man nani sarikira taukpara, dîa piaia bara dîa diaia ba pliki.

Luk 18:1

Jisas naha maprika lilka na aisin, baha nani ra marikaia dukiara nahki swapras kira ai pura sunaia ba.

Luk 18:7

¿Ban kra lukisma Gâd bui ai uplika nani bâk saki brin ba, kakna bara tihmia witin ra wini banhwi ba wapnika daukbia apia? ¿Hilp munaia ba wina wihka takaskbia lukisma ki?

1 Korint 7:21

Gâd mai paiwan bara alba kapram kaka, man baha dukiara uya lukpara; sakuna pri takaia sanska bri kama sin, baku ni dauks.

1 Korint 7:32

Yang want sna man nani ba kupiam trabilka nani wina pri kama. Waitna maya âpu ba, Dawan warkka nani baman trabil taki lukisa, kan Dawan dîa lihki ba kat witin dauki yabaia trai munisa;

2 Korint 1:11

man nani sin puram sunra bâk hilp wan muni kama kaka. Bara upla manis pura sunra bâk hilp wan munbia kaka, Gâd ai kupia yamni lâka wanki ba dukiara upla manis tingki wibia.

Epesus 5:20

Piua bani diara sut dukiara, Gâd Aisa ra tingki wi bas, wan Dawan Jisas Kraist nina ra.

Epesus 6:18

Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

Kolosi 3:15

Kraist kupia kumi lâka ba bui man nani kupiam ra tâ bri kabia, kan naha sim lukanka na dukiara sika Gâd mita mai paiwan, upla sut ba asla praki wîna tara kumi daukaia. Baha dukiara tingki wi bas.

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

Kolosi 4:2

Piua bani puram suni ban bas, aihwaki Gâd ra tingki wi bas.

1 Timoti 2:1

Bamna tâura lika, yang makabi wisni, makabanka nani ba, pura sunra nani, makabanka ba, bara Gâd ra tingki wiaia ba sin, upla sut dukiara kaia sa.

1 Timoti 5:5

Ani mairka kasak pali piarka ba, upla kumi mita sin main kaikaia âpu ba, witin lika ai kainara diara briaia ba, Gâd ra luki, bara witin ra ai hilpka yabia dukiara ban kakna bara tihmia ra ai pura suni makabi kaia sa.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

1 Pita 5:7

Trabilkam taki lukisma ba sut, Gâd mihta ra swis, kan witin lika man nani sut main mai kaikisa.

1 Samuil 1:15

Ana pana aisin: —Baku apia, dawanki, wain karna bara tahpla sin diri tânka lika apia sa, kuna yang kupi kriwan wirha pali sa, bamna tâinka ba saki Dawan ra kahbisna.

1 Samuil 30:6

Debit ai kupia wal uba aisin kan witin nahki daukaia, ai daknika ba bui mahka walpa ni sabaia muni kan, witin nani sut lawi pali kan ai luhpia nani ra baku takan ba dukiara. Ban sakuna, Dawan ra ai kupia lukra ba mangkan,

1 Samuil 7:12

Baha ningkara Samuil walpa tara kum brin, bara mark kum kaia mangkan Mispá bara Sen wal bilka ra, bara nina ba Eben-ézer mâkata, kan witin bila: “Nanara kat Dawan hilp wan munan sa.”