Pilipai 3:8 - DAWAN BÎLA AISKA

⁸ Baha dukia nani baman apia; dîa dîa yang briaia sip kapri ba, bahki tiwan baku kulkisna, Jisas Kraist yang Dawanki ba, kakaira kaia yang maipara kau pain sa, diara wala nani sut ba wal. Kraist tâwan yang diara sut tikri; bara baha sut dipasta baku kulkisni, Kraist yang duki brimna ba tâwan,

Pilipai 3:8 ပူးပေါင်းရင်းမြစ်များ

1 King Nani 14:10

Baku bamna, kaiks Jeroboam kiamka ra lahtuban lâka brih aulna; bara Jeroboam kiamka wina waitna nani ba sut âpu daukamna, alba nani, pri nani Israel ra ba sut, bara Jeroboam watla wina kiamka nani ba sut pahbi sakamna, daiwan tâskika pahbi yakabi ba baku.

2 King Nani 9:37

bara Jezabel wîna tara ba daiwan tâskika ba baku kabia Jezreel tasbaya ba purara, baha mita upla kumi sin wibia apia baha sika Jezabel wîna tara ba.

Job 20:7

daiwan nani tâskika baku kabia, ai pânika nani mita sin anira ba tânka briras kabia.

Lawana Nani 126:6

Witin nani ini kira saumuk bîk kum brih taki auya baku, witin nani liliakira aiwani kli tawi balbia, klukia nani ra plawar mâ krikan nani ba brih balbia.

Lawana Nani 73:25

¿Yang ba laih kasbrika purara ya brisna ki? ¡Man baman mai brisna! ¡Man wal sna bara naha tasba wina diara brin ai daukras!

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Malaquía 2:3

“Karnikam maikri ba mai dakbaisna, bara daiwan nani angkaia brih aula tâskika ba ni, man nani mamwanra yakabaisna. ¡Baha tâskika pahbi sakuya ba wal, man nani sin mai pahbi mai sâkbia!

Kulki Kaikanka 14:30

Kasak pali man nani baha tasbaya ra dimma apia, man nani dukiamra mihti buki swer taki aisari kan ba. Caleb, Jefuné luhpia ba, Jasua Nun luhpia ba wal baman lika bâra dimbia.

Luk 1:43

¿Yang na ya kapri kan, Dawanki yaptika ai kaikaia balan na?

Luk 11:20

Sakuna Gâd karnika ni sika pirit saura nani kangbi sakisna ba, bamna marikisa Gâd Kingka lâka ba pat man nani ra balan sa.

Jan 14:20

Baha piua kat man nani tânka brima, yang Aisiki wal asla pali sna ba, bara man nani lika yang wal asla, bara yang mita sin man nani wal asla pali sna.

Jan 14:7

Man nani bui yang na ai kakaira katma kaka, Aisiki ra sin kakaira kaia kapram; bamna nanara wina pat kakaira sma, man nani bui witin ba pat kaiki kapram bamna.

Jan 16:3

Baku daukan kabia, kan tasba wina uplika nani ba mita Aisiki ra kakaira apia sa, bara yang ra sin ai kakaira apia sa.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Jan 17:8

smalkaia wisi man aikram ba sut yâri, bamna witin nani baha alki brin. Tânka sin brin yang na man wina balri ba, bara kasak sin lukan ai blikram.

Jan 20:13

Bamna insal nani ba mita makabi walan: —Mairin, ¿dîa muni inisma ki? Meri Magdalin bila: —Kan yang Dawanki ba saki brih wan, bara yang kaikras anira bri si swin sapa.

Jan 20:28

Tamas mita pana win: —¡Yang Dawanki bara yang Gâdki!

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

Roman 8:18

Bamna yang lukisna, pât nani nanara wahwi na, sip apia pali sa baha prana yawan naika kaikaia ba wal prakaia.

Roman 8:39

purara ba, tihu pali ra ba sin apia, bara diara wala sut Gâd daukan ba mita sin, sip apia sa. ¡Gâd ai latwanka lâka wan Dawan Kraist Jisas param wan marikan ba wina dakbi wan sakaia dukia kumi sin âpu sa!

1 Korint 2:2

Kan man nani tilamra katna piua, diara wala kaikaia ai daukras kan, Jisas Kraist tânka baman, bara kau pali lika, witin dus prihni ra saban ba.

1 Korint 9:10

sakuna yawan dukiara lukisa, kan lâ ba yawan dukiara ulban kata; ani uplika tasba baiki ba bara plawar mâ taibi ba sin ai kainara diara briaia luki daukaia sa baha daukbia ba wina diara bribia.

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Galesha 1:16

ai Luhpia ba aikan kakaira takri, baha mita yang ra ai paiwan swaki sakan lâka smalkanka ba, Ju apia uplika nani ra smalkamna dukiara. Naha diara yang ra takan ba ra, upla kumi wal sin aisaia waras kapri,

Epesus 4:13

yawan sut kasak lukan lâka ra asla takbia bara Gâd Luhpia tânka ba kaikbia kat. Baku lika yawan aitani pâwan kabia, Kraist pâwanka aiska pali ba kat.

Pilipai 1:1

Yang nani, Pal bara Timoti wal, Jisas Kraist napakanka nani sna ba, muihni nani sut Pilipai tawanka ra iwi nani ba ra naha wauhkataya ulbisna, pura kakaira nani ra bara hilpa nani ra sin. Witin nani ba Gâd uplika, bara Jisas Kraist wal asla mai prakan banhwisma.

Pilipai 3:10

Yang want sna ba lika Kraist ra kakaira kaia, bara yang wîni ra sin witin pruan wina buan karnika ba bri kaia, ai pâtka wahwan nani ba sin witin wal yang asla wahwaia, bara ban sin witin pruan baku pruaia,

Pilipai 3:12

Yang pat naha diara ba sut briri lika wiras, bara yang na pat kasak aihwa sna sin wiras; sakuna yang ban tâiura auni baha ba briaia trai kaiki, baha ba Kraist Jisas yang ra pas ai alkan ba.

Pilipai 3:7

Sakuna naha dukia nani sut pas piua maipara uya yamni kan ba, nanara Kraist tâwan baha sut diara bahki atia kulkisni.

2 Timoti 4:6

Yang lika sakripais ai daukan kaia piua ba pat aimakan sa; pruaiki awarka ba pat baila sa.

Hibru Nani 3:14

Kan yawan na baha kasak lukanka tâ wina brin ba, ban tnata kat alki bri kabia kaka, baku lika yawan Kraist wal wan uplika takisa.

1 Pita 2:7

Man nani kasak lukisma ba mampa ra lika, baha walpaya ba mana tara pali brisa; sakuna kasak lukras nani ba mapa ra lika, Ulbanka ra naku aisi na tnata alkisa: “Utla mâmakra nani mita lulki swin walpaya ba, kau rayaka wihtka walpaya takan sa.”

2 Pita 1:2

Yamnika manis pali bara kupia kumi lâka wal man nani brima, Gâd bara wan Dawan Jisas Kraist wal ra kakaira bara tânka brisma ba tâka ba mita.

2 Pita 1:3

Gâd ai karnika ni dîa dîa wan rayaka ra nit ba sut wankan sa, bara mayunanka sin, yawan ra ai prana ni wan paiwan ba, bara ai warkka pranakira dauki ba uplika wal kakaira wan saki ba tâka mita.

2 Pita 1:8

Man nani naha diara nani na brisma kaka, bara warkka daukisma kaka, rayakam ba bahki kabia apia, bara wan Dawan Jisas Kraist ba bahki pali kakaira takram kabia apia.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.

1 Jan 1:3

Bamna dîa yang nani kaikri bara walri ba, baha tânka man nani ra param saki aisisna, baha mita man nani lika yang nani wal asla kama, sim yang nani kasak pali Gâd Aisa bara ai Luhpia Jisas Kraist wal asla sna ba baku.

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.