Pilipai 3:5 - DAWAN BÎLA AISKA

⁵ Kan yang lika ai baikan wik kum alkri ba ra, Aisa sainka ba ai daukan. Yang na Israel kiamka, Benjamín taika wina; aisubi takri Hibru sna, bara aisiki nani ba Hibru sa. Ju nani lâ bri ba kat yang na parisi katna;

Pilipai 3:5 ပူးပေါင်းရင်းမြစ်များ

Blasi Sturka 14:13

Sakuna waitna kumi baman tila ba wina plapi swak takan. Bara witin balan bara Ebram Hibru waitnika ra sturka ba sut win. Witin amorreo usupum untika ra ai uplika nani Mamré, amorreo ba, Escol muihnika wala Aner nani aikuki bahara iwi kan.

Blasi Sturka 17:12

Naiwa wina man nani naku dauki kama: luhpiam waitna kumi bani man nani wamtla bilara aisubi taki ba, man nani wal yang lâ daukisna ba ni ai wîna ra klaki kabia yu 8 alkbia ra, bara albikam man nani kiamkam apia, upla sât wala wina atki briram ba, baha nani sin lâ daukan na ba ai wîna ra klaki kaia sa.

Blasi Sturka 40:15

Yang na, Hibru nani tasbaya wina ai impliki nâra ai bri balan. Nanara yang nâra diara saura daukras kapri, kuna ban silak watla ra ai mangki ai swin nâra sna. Sakuna yang nâra ban kaia lika apia sna.

Blasi Sturka 41:12

Bara baha sialaka watla ra yang nani aikuki Hibru waitnika kum sin silak ra mangkan bâra sa, witin lika suldiar kiaptinka ba albika. Yang nani yaprisauhkan kaikri ba dukiara witin ra wîri, bara yang nani dîa kaikri tânka sut param saki ai win.

Jona 1:9

Jona pana naku win: —Yang lika Hibru, Dawan ra puri sunisna, witin sika Gâd laih kasbrika purara ba, kabu, tasba sin Papaskra ba. Witin ra puri suni mayunisna.

Luk 1:59

Yu 8 alkan piua, witin nani aidrubi balan tukta luhpia wîna ra Aisa sainka daukan, bara nina ba sin Sakaraya mâkaia luki kan.

Luk 2:21

Yu 8 alkan ba ra, tukta lupia ra Aisa sainka daukan, nina sin Jisas mâkan. Baha pali nina ba insal mita Meri ra mâkbia win, kau witin kwihra tiwras kan ba ra.

Luk 5:38

Baha mita, wain raya ba daiwan taya batilka raya ra mangkaia sa.

Apastil Nani Sturka 22:3

“Yang lika Ju uplika Tarso tawanka, Cilicia kuntrika ra aisubi takri, sakuna naha tawanka Jerusalem ra pâwri. Gamaliel skulka ra sin dimri, wan damika nani lâka ba sin pain pali ai smalkan. Piua bani ra kupi aiska ni Gâd dukia dauki katna, man nani naiwa daukisma ba baku.

Apastil Nani Sturka 23:6

Bamna Pal kaikan, Ju lâka dadaukra wihtka tila nani ba sadiusi nani, bara wala nani ba parisi nani kan. Bara witin ai bîla baikra karna ni wini, aisin: —Muihki nani, yang na parisi sika, kan aisiki ba parisi kan bamna. Bara nahara lâ ra ai bri na lika, pruan nani kli raya bubia bîla kaikisna ba tâwan.

Apastil Nani Sturka 6:1

Baha yua nani ra, kristian nani ba kau ailal taki kan, bara Grik bîla aisi uplika nani mita Hibru bîla aisi uplika nani mapara brukwi aisi kan. Witin nani aisin, yu bani plun yui ba ra, ai piarkika nani ra aitani main kaikras.

Roman 11:1

Bamna nanara, yang makabi walisni: ¿Gâd ai uplika Israel luhpia nani ba ban pali lulkan sa ki? ¡Apia pali! Kan yang pali na sin Israel uplika sna, Ebraham kiamka bara Benjamín taika.

2 Korint 11:22

¿Witin nani ba Hibru nani sa ki? Yang sin. ¿Witin nani ba Ebraham kiamka sa ki? Yang sin.

1 Samuil 4:6

Filisteo nani baha binka ba walan ba ra, makabi walan: “¿Baha binka ba dîa sa Hibru nani kiampka ra taki ba?” Sakuna witin nani ai dara walan Dawan lâka auhbaika watla ba kiamp ra brih balan ba.