Pilipai 3:2 - DAWAN BÎLA AISKA

² Aman kaiki banhwi bas baha upla saura nani ba mapara, witinka nani diara saura dadaukra nani bara wan wîna tara ra klaki banhwi ba.

Pilipai 3:2 ပူးပေါင်းရင်းမြစ်များ

Lawana Nani 119:115

Watawi dadaukra nani, yang wina tnaya ra taws, bara yang lika Gâdki lâka bîla nani alki brimni.

Lawana Nani 22:16

Watawikira nani dakni tara kum, yul nani baku kir kutbi ai brisa, yang mihti bara mini sin witin nani kraukan sa.

Lawana Nani 22:20

Yang sord ni ai ikaia ba wina swaki sâks, baha yula nani ba mita yarka ai ikbiara.

Sins Lâka 26:11

Yul witin aikabata ba kli tawi pi ba, baku sa upla taniskira ai taniska kli aima wala dauki ba.

Matiu 24:10

Baha piua ra upla ailal ai kasak lukan lâka ba tikbia, bara pana pana ai walka ra misbara kaikan kabia, waihla mihta ra sin mangkbia.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Matiu 7:6

“Diara holi nani ba man nani yul nani ra yapara, kan witin nani kli tawi bal man nani ra mai sami pîs pîs ra mai daukbia. Baku sin kwirku nani mawanra walpaya manakira nani ba lulkpara, kan baha witin nani ai mina ni taibia.

Roman 2:28

Bamna lata tani Ju mâki ba baha apia sika Ju pali ba, bara Aisa sainka lata tani ra baman mangki ba, baha apia sika Aisa sainka uplika pali ba.

2 Korint 11:13

Kan baha nani ba apastil kuninkira nani, kunin mamunra nani sa, bara Kraist apastilka nani baku talia takisa.

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

Galesha 5:15

Sakuna man nani pana walkam ra sami dakbi pisma kaka, aman kaiks, man nani klauna pih âpu taki banhma.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Taitus 1:16

Witin nani bila Gâd ra kakaira nani wisa, sakuna ai daukanka nani ba ni lika apia wisa. Witin nani ba uya saura pali baman sa, sip bawras uplika nani bara wark yamni kumi sin daukaia aitani apia banhwisa.

2 Pita 2:22

Ban sakuna baha sins bîla aisin ba, naha bîla tânka nani wal praki aisisa: “Yul witin aikaban ba kli tawi pîsa, bara kwirku klin pali aihtabata ba, kli drapapa ra dimi aikarwisa.”

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.

Param Marikanka 2:9

Man pât nani wahwisma bara umpira sma ba sut yang kaikisna, man lika yuyakira sma sakuna. Witinka nani ai nina Ju mâki ba bara mampara saura aisi ba sin kaikisna, sakuna baha nani lika Ju apia sa; baha nani lika Sitan daknika uplika nani sa.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.