Pilipai 2:8 - DAWAN BÎLA AISKA

⁸ silp ai wîna ba kulkanka yabras, witin bawikira kan, bara ai kiama lihni kan ba mita prura kat wan, bara baha sika witin dus prihni ra pruan ba.

Pilipai 2:8 ပူးပေါင်းရင်းမြစ်များ

Lawana Nani 22:16

Watawikira nani dakni tara kum, yul nani baku kir kutbi ai brisa, yang mihti bara mini sin witin nani kraukan sa.

Sins Lâka 15:33

Dawan ba kulkanka yabaia ba lika, sins lâka tânka wan smalkisa; kulkanka tara briaia kaka, tâura bawan lâka bri kaia sa.

Matiu 17:2

Bahara Jisas wîna tara ba aihka takan witin nani mawan kat. Ai mawan ba ingni pali kan sim lapta baku, bara ai prâka ba pihni pali sim ingni baku.

Matiu 26:39

Bara Jisas kan mapara kau wiria wih, ai mawan ra tasba kat kauhi, Gâd ra ai pura suni, win: “Aisiki, sip kaka, yarka yang naha pâtka wahwamnara; sakuna yang want sna ba baku lika apia, man kupiam lâka kat lika.”

Matiu 26:42

Kli aima wala wan, bara naku ai pura sunan: “Aisiki, naha pâtka wahwaia sna na wina sip swaki ai sakras sma kaka, man kupiam lâka kat takbia.”

Luk 9:29

Bara Jisas ai pura suni kan, ai mawan ba sât aihka takan, ai kwalka ba pihni pali, ingni sin kata.

Jan 10:18

Upla kumi sin âpu sa rayaki ba yang wina sakaia, yang kupi wilinkira yamna kaka lika. Baha ba yang yaia sna, kli briaia ba dukiara. Naha sika Aisa mita adar aikan ba.”

Jan 14:31

baha ba baku takaia sa, bamna baku lika tasba uplika nani kaikbia, yang Aisa ra latwan kaikisna bara witin mita daukamna win ba kat daukisna. “Man nani bus. Kaisa naha wina mahka waia.

Jan 15:10

Man nani lâika bîla kat wali dauki kama kaka, yang laitwanka lâka ra sin ban kama, sim yang Aisiki lâka wali daukisna bara latwan ai kaiki ba kat ban sna ba baku.

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Apastil Nani Sturka 8:33

Witin mâyara bawan, sakuna ai lâka ba wapni daukras. Bamna ai kiamka ba dukiara aisaia upla âpu sa, ai rayaka ba naha tasba wina sakan sa bamna.”

Roman 5:19

Baha tânka ba lika, upla kumi Gâd bîla lulkan tâka ba mita, upla manis ra saurakira kulkan kan; bara baha sim natka ra, upla kumi Gâd bîla wali daukan ba tâka mita, upla manis Gâd mawanra kasakkira kulkan kabia.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Kli Smalkanka 21:23

ai wîna tara ba tihmia aiska swika lalawaia apia, sakuna baha yua ra mahka bikaia, kan Gâd mapara saura kulkan sa upla kum dus ra pami ikan ba, bara Dawan Gâdkam bui tasba man nani dukiam maikaia ba ra tâski mai kulkbia apia.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 12:4

Kan man nani lika saurka mapara aiklabisma ba ra, kau pruras sma.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.