Pilipai 2:5 - DAWAN BÎLA AISKA

⁵ Man nani kumi bani luki bas, Kraist Jisas luki kan ba baku,

Pilipai 2:5 ပူးပေါင်းရင်းမြစ်များ

Matiu 11:29

Twilkaika puramra sunisna ba man nani bris, bara yang wina lan taks, kan yang lika praut âpu, kupi sin bawikira sna; baku lika man nani riskam brima.

Luk 22:27

Bamna, ¿ya ba kau tara kulkan sa ki, witinka tibil ra iwi plun piaia ba, apia kaka, plun tibil ra iwi ba? ¿Kasak apia witinka tibil ra iwi ba? Sakuna yang lika man nani tilamra sna, sim dukia dadaukra baku.

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 20:35

Piua bani pain mai smalkri, baku wark taki uplika, diara âpu nani ra hilp munaia. Bara Dawan Jisas dîa aisin ba dukiara sin wan kupia krauki kaia, witin naku wisata ba: “Pain pali sa, upla ra diara yaia ba kau yamni sa, briaia ba wal.”

Roman 14:15

Bamna man ani pata pima ba mita muihkam mina batakisa kaka, ba kat lika man latwan lâka âpu sma tânka marikisma. Baku bamna, plun sât kum kum piaia want sma ba mita, yarka upla kumi sin tiwbiara, kan baha tâwan sin Kraist pruan.

Roman 15:3

Kan Kraist pali sin ai kupia lâka baman plikras kan; sakuna, Ulbanka dîa aisi ba kat ai mapara takan: “Baha nani mita saura mai wi kan nani ba yang purira kauhan sa.”

Roman 15:5

Gâd sika wihka bîla kaikaia lâka bara maisa nihkan lâka wanki ba, bamna witin mita hilp mai munbia walkam wal sim baku baman luki kaia, Kraist Jisas tânka ba kat.

1 Korint 10:33

Yang daukisna ba baku dauki bas: yang lika dîa dîa daukisna ba ra upla nani dîa lihki ba kat daukaia trai kaikisna; yang painki plikras, sakuna upla wala nani painka lika, witin nani swaki sakan kabia dukiara.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Pilipai 1:1

Yang nani, Pal bara Timoti wal, Jisas Kraist napakanka nani sna ba, muihni nani sut Pilipai tawanka ra iwi nani ba ra naha wauhkataya ulbisna, pura kakaira nani ra bara hilpa nani ra sin. Witin nani ba Gâd uplika, bara Jisas Kraist wal asla mai prakan banhwisma.

1 Pita 2:21

Bamna Gâd bui man nani naha dukiara mai paiwan sa; kan Kraist lika man nani dukiamra pât wahwan, bara witin daukan baku daukma wisi ai lâka ba sin maikan, ai mina wapanka nani nina blîkma dukiara.

1 Pita 4:1

Baha mita, Kraist ai wîna ra pât wahwan ba baku, man nani sin pât wahwaia wilin kaia sma. Kan ani uplika pât wahwan kaka, saurka ba mahka swin sa,

1 Jan 2:6

Ani uplika witin ba Gâd wal asla sa wisa kaka, witin Jisas Kraist naha tasba ra kan ba baku iwaia sa.