Pilipai 2:12 - DAWAN BÎLA AISKA

¹² Baku bamna, muihki laitwankira nani, piu bani man nani wal kapri bara bîli kat wali dauki kapram ba baku, nanara laihura sna ba ra, kau bîli wali dauki banhwi bas. Ban Dawan warkka taki bas, bawikira lâka brih bara sibrinkira sin, swaki mai sakan lâka briaia dukiara;

Pilipai 2:12 ပူးပေါင်းရင်းမြစ်များ

Esdras 10:3

Bamna kaiks, nanara yang nani pramis takaisna, man wan smalkisma baku wala nani sin Gâd lâka kulki ba baku, yang nani daukaisna: wan mairka nani ba sut pliska ra bliki banhwaisna, ai luhpia nani sin, bara lâ ulbanka ba aimakbia, man bara wala nani brinkam ba kat.

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 2:11

Man nani bui Dawan ra liliakira mayuni banhs, bawikira lâka ni, tatatwi ai mawanra lulam kriks,

Sins Lâka 10:16

Upla kasakkira ai warkka taki ba mana sika rayaka ba; upla watawikira nani dâki ba, mâ nani sika, saurka lâka ba.

Sins Lâka 13:4

Upla sringwaskira kupia ra diara brin dauki ba bribia apia, ya wark takbia ba lika, tara pâwan kabia.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Aiseya 66:5

Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Matiu 11:12

“Jan Tatahbra balan wina naiwa yua kat, kasbrika purara ba King aimaki lâka ba pât wahwisa, bara upla nani mita ai karnika ni pura lui ai mihta ra briaia lukisa.

Matiu 11:29

Twilkaika puramra sunisna ba man nani bris, bara yang wina lan taks, kan yang lika praut âpu, kupi sin bawikira sna; baku lika man nani riskam brima.

Apastil Nani Sturka 16:29

Bara silak watla main kakaira ba lamp kum makabi, witin ban plapi diman, sibrin mita ai wîna sut tatatwi kan, bamna Pal bara Silas wal mina kat kauhan.

Apastil Nani Sturka 9:6

Man mahka bûi tawan ra dims, bahara mai wibia man dîa daukaia sma ba.”

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

1 Korint 2:3

Man nani tilamra balri piua, yang swapni kapri bara sibrin mita sin tatatwi katna;

1 Korint 4:14

Man nani swiram dauki baku lika naha na mai ulbras, sakuna kupia kraukanka kum maikaia dukiara, luhpi laitwankira nani ra baku.

2 Korint 7:15

Bara Taitus mita man nani ra kau uya pali latwan lukisa, kan dîa dîa witin makabi kan ba daukram, bara witin ba man nani tilamra briram bawikira bara sibrinkira.

Epesus 6:5

Bara alba nani, man nani naha tasba ra dawankam nani ra bîla wali dauki bas, kulki sin bas, kunin âpu kira dawankam ra sibrin luks, sim wark kum Kraist dukia kan daukisma ba baku.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Pilipai 1:29

Kan Kraist ba mita man nani kasak baman lika lukras, sakuna witin tâwan sin pât wahwaia.

Pilipai 1:5

kan pas yua wina naiwa kat, sturi yamni ba tâwan yawan asla wark takan sa.

Pilipai 1:6

Yang pain pali kaikisna, Gâd bui ai warkka yamni man nani ra tâ krikan ba, ban witin bui dauki kabia Jisas Kraist balbia yua kat.

Pilipai 2:19

Dawan Jisas hilpka ra, lukisni Timoti ba aihni ridi dauki man nani ra mai kaikaia blikamna, bara baku sturkam wali, yang lilia kamni.

Pilipai 4:1

Baku bamna, muihki laitwankira nani, man nani mai kaikan pali ai daukisa; man nani sika lilia ai daukisma ba, bara yang prisantki sin. Laitwankira nani, man nani baku ban Dawan ra rayakam ba bapi bûi bas.

Pilipai 4:15

Man nani Pilipai nani sin pain kaikisma, swaki sakan sturka yamni mahka smalkri ba ra, Macedonia wina taki wari ba ra, man nani baman sika yang ra hilp ai munan sertska ba; man nani baman sika yang diara nani briri bara tikri bara sin aikuki asla kata ba.

1 Tesalonaika 1:3

Gâd wan Aisa mawanra kupi kraukisna, man nani nahki kasak lukan lâka wal wark takram ba, nahki latwan lâka wal wark daukram ba, bara nahki pali sin kainamra diara bîla kaikanka lâka ba Dawan Jisas Kraist kat ban bapi brisma.

2 Timoti 2:10

Baha mita sika, yang diara sut mapara ban bapi buisni, Gâd mita bâk saki brin uplika nani painka dukiara, bara baku mika ban kaia ra swaki sakan lâka pranakira yawan Kraist Jisas wal asla mita bri ba, witin nani sin alki banhbia dukiara.

Hibru Nani 12:1

Baha mita, yawan lika witnis ailal kutbi kir wan brisa. Baku bamna, dîa dîa yawan mapara wirha wan muni ba bara saurka mita wan blaki ba sin tnaya ra laki swip, bara wan kainara plapaia yabalka bri ba ban bapi buaia lâka ni plapi kap.

Hibru Nani 4:1

Baku bamna, Gâd yawan ra pramis wan munan ba witin ai riska ra dimaia, wan dara wali kaia sa, ban man nani tilam wina kumi kra sip dimras kabia dukiara.

Hibru Nani 4:11

Baku bamna, yawan karna trai muni baha riska ra dimaia sa. Yawan tila wina kumi sin baha nani kasak lukras nani kan ba baku kaia apia sa.

Hibru Nani 5:9

Witinka ra aiska aihwa daukan kan ba ra, witin ba ban kaia ra swaki sakan lâka kârma laya takan, ai bîla wali dauki nani sut dukiara;

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.