Pilipai 1:8 - DAWAN BÎLA AISKA

⁸ Gâd pain kaikisa, yang bui Jisas Kraist latwanka lâka swapnikira bri ba ni, man nani ra latwan mai kaikisna ba.

Pilipai 1:8 ပူးပေါင်းရင်းမြစ်များ

Job 16:19

Kasbrika purara upla kum bâra kaia sa yang tâiwan aisaia,

Aiseya 16:11

Baha mita yang kupi ba arp baku tatatwi kabia, Moab ra luki ini kabia, yang kupi ba Quir-haréset ra sin luki kabia.

Aiseya 63:15

Dawan, kaiks, kasbrika pura wina, man iwaikam holikira pranakira ra iwisma ba wina. ¿Anira sa man bui yawan ra latwan pali wan lukisma ba tânka, bara karnikam ba sin? ¿Anira sa man kupiam lukanka mununhta wina kupiam pinhka lâka nani ba yang nani dukira brisma ba? ¿Man umpira kaikan lâka brisma ba danh takan ki yang nani wal?

Jirimaya 31:20

“Efraín uplika nani ba yang maipara luhpi latwankira kum sa; baha luhpika ba kau latwan sna. Lawi daukisna ba ra, sip âiya tiwras witin ai dukiara; yang kupi ba dikwisa, lukisna witin dukiara latwan pali. Yang, Dawan, kasak aisisna.

Luk 1:78

Wan Gâdka, ai kupia swapni lâka ra umpira wan kaikan bamna, witin yu raya baiwan baku pura wina lapta ba wan blîkbia,

Roman 1:9

Bamna Gâd, yang kupi aiska ni witin warkka daukisna bara ai Luhpia sturka yamni sin aisisna ba, witin ba witnis sa nahki puri sunra bani ra man nani ra lukisna ba,

Roman 9:1

Yang Kraist ra kasak lukisna ba mita, kunin aisaras, diara kasak ba aisisna. Baha purkara, yang kupi lukanki ra Spirit Holikira tâi brisa, bara mairikisa aisisna na kasak sa:

2 Korint 13:9

Baha mita, yang nani ani piua swapni takisna bara man nani karna sma ba ra, uya lilia banhwisna; man nani karna takma dukiara yang nani ban puri suni kamna.

2 Korint 6:12

Yang nani kupi ba praki briras sna man nani tani; man nani mita sika yang nani tani kupiam praki bri banhwisma ba.

2 Korint 7:15

Bara Taitus mita man nani ra kau uya pali latwan lukisa, kan dîa dîa witin makabi kan ba daukram, bara witin ba man nani tilamra briram bawikira bara sibrinkira.

Galesha 1:20

Dawan mawanra yang kasak pali mai wisna, diara nani ulbisna na lika kunin apia, kasak pali sa.

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Galesha 4:19

Luhpi lupia nani, kli aima wala man nani dukiamra latwan saura pali wahwisna, sim yapti kumi tukta mahka baikaia kan latwanka bri ba baku; latwan ba wahwi kamna, Kraist tânka ba aiska man nani brima ba kat.

Pilipai 2:1

Baku bamna, Kraist mita man nani ra tâm baikisa kaka, witin latwanka lâka mita maisam nihkisa kaka, ai Spiritka ba sin man nani wal sa kaka, uplikam ra kupiam pihni brih bara latwan kaikisma ba pain daukisma kaka,

Pilipai 2:26

Witin ba man nani sut mai kaikan daukisa, bara uya lukisa witin ba siknis sa sturka wali banhram ba dukiara.

Pilipai 4:1

Baku bamna, muihki laitwankira nani, man nani mai kaikan pali ai daukisa; man nani sika lilia ai daukisma ba, bara yang prisantki sin. Laitwankira nani, man nani baku ban Dawan ra rayakam ba bapi bûi bas.

Kolosi 2:1

Bamna brinki sa, aiklabanka tara brisna ba tânka brima, kan baha ba man nani dukiamra bara Leodisia ra iwi nani ba sin, bara yang wîni tara latan kaikras nani ba sut dukiara sin.

Kolosi 3:12

Gâd lika man nani ra latwan mai kaikisa, baha mita witin bâk mai sakan, ai uplika mai briaia. Baku ba mita, naha sât prâka na dims: umpira kaikan lâka, latwan kaikan lâka, bawaia lâka, praut âpu lâka bara wihka bîla kaikaia lâka ba sin.

1 Tesalonaika 2:5

Kan man nani kaikisma ba baku, yang nani mita man nani ra mamyuni bîla painkira nani aisaras, bara lalah briaia wisi kunin bîla nani sin aisaras katna. Gâd baha witniska sa.

1 Tesalonaika 2:8

Man nani ra uya latwan mai kaikisna ba mita, yang nani ridi kapri Gâd sturka yamni ba mai smalkaia bara rayaki nani pali sin yabaia. ¡Man nani ra uya latwan mai kaikri sa!

2 Timoti 1:4

Namkra laya nani sakram ba sin yang ban lukisna, bara yang bui man ba mai kaikan pali ai daukisa, bara baku mika uya lilia takamna.

Pilimon 1:12

Bamna Onésimo na kli man ra blikuna; witin na bris sim yang ra baku.

Pilimon 1:20

Âu, muihki, Dawan wal asla lâka ra naha hilpka na dauki aik; Kraist wal wan muihni lâka ra maisi nihks.

1 Jan 3:17

Yuya bri uplika kum kra ai muihni kum diara want pali kan kaikisa, sakuna witin baha dukiara sari lukras kaka, ¿nahki sip kabia witin ai kupia ra Gâd ra latwan kaikan lâka ba bri kaia?