Pilipai 1:7 - DAWAN BÎLA AISKA

⁷ Aitani pali sa man nani sut dukiamra baku lukamna, uya latwan mai kaikisna bamna, bara yang wal sin asla yamnika nani brisma, silak watla ra kamna kra, wihta nani mawanra sturi yamni ba tâwan kasak pali wisi wih aisi kamna kra sin.

Pilipai 1:7 ပူးပေါင်းရင်းမြစ်များ

Apastil Nani Sturka 20:23

Diara kumi baman lika kaikisna, plis bani ra auna ba, Spirit Holikira mita ai wisa kainira silak watla bara pât nani wahwaia uya sin bîli kaikisa.

Apastil Nani Sturka 21:33

Bara kamandanti ba, Pal lamara wih alki, adar yan sîn wâl ni priskbia; bara makabi walan witin ba ya, bara dîa sin daukan sapa.

1 Korint 13:7

Diara sut ba twilkisa. Diara sut ba kasak lukisa. Diara sut ba ai kainara bîla kaikisa. Diara sut mapara ban bapi buisa.

1 Korint 9:23

Naha sât swaki sakan sturka daukisna, baha yamnika nani wina yang sin duki briaia dukiara.

2 Korint 3:2

Yang apia wisna, kan man nani sika wauhkataya kau painkira yang nani brisna ba; man nani sika wauhkataya kum ulban wan kupia ra ba, bara sip sa upla sut mita kakaira kaia bara aisi sin kaikaia.

2 Korint 7:3

Naha na yang aisaras man nani pâtkira mai sakaia dukiara, sakuna piua luan ra aisari baku, man nani ba yang kupi ra sma, aikuki asla iwi kaia bara aikuki sin pruaia wisi.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Epesus 3:1

Naha tâwan, yang Pal, Kraist Jisas tâwan silak ra sna, man nani Ju apia nani mampa ra pain kaia ba dukiara.

Epesus 4:1

Baha mita, yang Dawan warkka ba tâwan silak ra sna ba, man nani ra mamkabisna, Dawan mita mai paiwan tânka kat iwi kama, sim piua luan ra nahki kapram ba baku.

Epesus 6:20

Naha smalkanka na dukiara Gâd mita baha lâka tâwan aisaia ai blikan, bara baha tâwan sika naiwa silak ra ai brisa. Puram suni bas, baku mika naha sturka yamni na aitani kat sibrin âpu smalkamna.

Pilipai 1:12

Muihki nani, man nani kaiki bas, dîa dîa yang maipara takan ba mita, sturi yamni aisi smalkanka ra kasak pali tâ baikan sa.

Pilipai 1:13

Bamna wihta tara suldiarka nani bara wala nani ba sin kaikisa Kraist tâwan silak watla ra sna ba.

Pilipai 1:14

Bara silak ra sna ai kaiki, wan muihni nani ailal Dawan ra kau kasak luki ai tâ baiki, Gâd sturka yamni ba sibrin âpu smalki banhwisa.

Pilipai 1:5

kan pas yua wina naiwa kat, sturi yamni ba tâwan yawan asla wark takan sa.

Pilipai 2:22

Sakuna man nani kaikisma nahki Timoti ai tânka kasak marikan ba, bara nahki sin yang wal sturi yamni aisi smalkaia warkka daukan ba, sim luhpa kum ai aisika ra hilp muni ba baku.

Pilipai 4:14

Ban sakuna, yang wal pâtki nani wauhram ba pain daukram sa.

Pilipai 4:15

Man nani Pilipai nani sin pain kaikisma, swaki sakan sturka yamni mahka smalkri ba ra, Macedonia wina taki wari ba ra, man nani baman sika yang ra hilp ai munan sertska ba; man nani baman sika yang diara nani briri bara tikri bara sin aikuki asla kata ba.

Pilipai 4:3

Bara man sin, wark daukaia mapa ra pâinika kasak sma ba, mamkabisna naha mairka nani ra hilp munma, witin nani ba yang wal swaki sakan sturka yamni ba smalki karna wark taki bamna, Clemente bara wala nani yang wal wark takan ba aikuki. Witin nani nina ba raya kaia wauhkataya ra ulban sa.

Kolosi 4:18

Yang Pal, naha lakula mihti pali ni ulbisna. Silak ra sna ba dukiara, kupiam krauki bas. Gâd mita yamni mai munbia.

Kolosi 4:3

Yang nani dukira sin puram suni bas, Dawan mita yang nani ra dur kum saki aikbia sturi yamni ba smalkaia; bara Kraist tânka prakan ba sin aisaia, kan naha sin dahra prakan tânka na dukiara silak ra ai brisa.

1 Tesalonaika 5:5

Kan man nani sut lika ingni uplika nani sma bara kakna uplika banhwisma sin. Yawan na tihmia uplika apia, tihmia tara uplika sin apia sa.

2 Timoti 1:8

Bamna, wan Dawan witniska takaia man swiram yapara; witin tâwan yang silak ra sna na dukira sin, swiram lukpara. Ban sakuna, sturi yamni ba tâwan pât nani wahwaia ba, man sin dukiam bris, Gâd mita karnika maiki ba kat.

2 Timoti 2:9

Naha sturka yamni tâwan, yang pât nani wahwisna, bara ban sin lâ sasauhkra kum baku sîn ni ai priski ai brisa; sakuna Gâd bîla yamni ba lika sîn ni priskras sa.

Pilimon 1:13

Brin ai dauki kan, witin na yang wal nahara takaskbia man wamtlika ra duki daukaia, sturi yamni tâwan silak ra ai bri na piua ra.

Hibru Nani 3:1

Baku bamna, muihki kristian nani sma ba, man nani sin Gâd mita ai luhpia nani kaia wisi mai paiwan ba, Kraist Jisas ra kaiki bas, witinka Gâd mita blikan ba, yawan wan kasak lukan lâka warkka dauki ba Prîska Tara kaia dukiara.

1 Pita 4:13

Sakuna, Kraist pât wahwanka ba wal asla kumi wahwaia sma ba dukiara liliam banhwi bas, bara baku sin witin balaia prana ba kaikma ba ra, man nani lilia pali kama.

1 Pita 5:1

Nanara man nani daknikam tilara almuk nani bâra ba kupia kraukanka yabisni, kan yang na sin witin nani wal baku almuk kum sna. Yang na Kraist pât wahwanka nani witniska sna, bara naika takaia prana ba witin nani wal aikuki asla brimna.

2 Pita 1:13

Bamna yang kasak lukisna, kau raya sna piua ra, yang warkki pali kabia naha na kupiam krauki kaia.

1 Jan 3:14

Bamna yawan lika prura wina raya kaia ra pat luan sa, bara baha ba yawan pain kaikisa, wan muihni nani ra latwan kaiki bamna. Ani uplika ai muihni ra latwan kaikras ba, witin lika pruan ban sa.