Pilimon 1:9 - DAWAN BÎLA AISKA

⁹ sakuna latwan lâka ba nina ra man ra mamkaban ai daukisa. Yang Pal lika pat almuk pali sna, bara nanara sin Kraist Jisas tâwan silak ra ai brisa.

Pilimon 1:9 ပူးပေါင်းရင်းမြစ်များ

Lawana Nani 71:18

Dawanki, ai lulki ai swipara, ban almuk kra, tâiwa pihni kabia kra, kuna ban aisi kamna, man karnikam tara ba dukiara naha kiamka nani ra, bara aula nani ba ra sin.

Lawana Nani 71:9

ai lulki ai swipara yang almuk takamnara; ai lulki ai swipara karniki âpu takbia ba ra.

Sins Lâka 16:31

Wan tâwa pihwan ba lika prana tara kraunka kum sa, baha sika kasakka lâka yabalka ra kasak wapi tauki ba tânka.

Aiseya 46:4

almuk pali kamna ba ra, yang dîa pas katna baku kamna, tâiwa pihwan kabia kat sin yang ban tâm baiki kamni; yang bui man nani mai daukri bara kau ban watauki kamna man nani aikuki; yang tâm baiki kamna bara swaki mai sakamna.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Epesus 3:1

Naha tâwan, yang Pal, Kraist Jisas tâwan silak ra sna, man nani Ju apia nani mampa ra pain kaia ba dukiara.

Epesus 4:1

Baha mita, yang Dawan warkka ba tâwan silak ra sna ba, man nani ra mamkabisna, Dawan mita mai paiwan tânka kat iwi kama, sim piua luan ra nahki kapram ba baku.

Epesus 6:20

Naha smalkanka na dukiara Gâd mita baha lâka tâwan aisaia ai blikan, bara baha tâwan sika naiwa silak ra ai brisa. Puram suni bas, baku mika naha sturka yamni na aitani kat sibrin âpu smalkamna.

1 Timoti 1:12

Wan Dawan Jisas Kraist ra yang tingki wisni, witinka mita warkki na daukamna wisi karnika aikan. Witin ra tingki wisna yang ra kasak ai kulkan bamna, bara ai warkka daukamna wisi ai mangkan bamna.

Taitus 2:2

Serts almukka waitna nani ra wis, witin nani ba pain luki kabia, ai kupia pain bara ai sinska sin pain bri kabia; kasak lukan lâka, latwan lâka, bara ban bapi buaia lâka sin, witin nani ba yamni kabia.

Hibru Nani 13:19

Kau pali puram sunra nani ba yang makabisni, Gâd mita pat pali ai blîkka man nani aikuki kamna dukiara.

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.

Wihta Nani 21:22

Bara tiara ba aisika bara lakrika nani yang nani ra bal baha dukiara lâ pliki blauhbia kaka, yang nani bui witin nani ra wimna: ‘Yang nani bui man nani ra wînam kat mamkabisna wan tâ baikanka kum daukaia, baha nani pâtka ban swih tiks, kan yang nani Jabés nani mapara war aiklabri bara mairin nani aitani ailal sakras kapri waitna nani sut kumi bani ba maya baikaia. Baha purkara, luhpiam nani ba man nani mita witin nani wal maya baikras kapram ba mita, swer takram lâka ba man nani mampara man nani mita lâ krikras kapram, baku ba mita man nani sin pâtkas kama.’ ”