Param Marikanka 8:5 - DAWAN BÎLA AISKA

⁵ Bara insal ba dus nani mâka kîa angkaika watla ba brih, masku ami altar kan ba ni banhki muni, wan tasbaya purara lulkan; bara alwani nani takan, bin nani, imyula nani, tasba nikbanka sin.

Param Marikanka 8:5 ပူးပေါင်းရင်းမြစ်များ

1 King Nani 19:11

Bara Dawan bui win: “Latara taki bal, bara bus maiwanra il ba purara.” Baha sim minitka ra Dawan luan, bara pâsa tara karna pali krawan, ban il nani ba baiwi kan, walpa tara nani ba sin tartar baiwi kan Dawan kainara, sakuna pâsa ba tilara Dawan bâra âpu kan. Bara pâsa ba luan ningkara, tasba nikban, sakuna tasba nikban ra Dawan âpu kata.

Lawana Nani 18:13

Dawan Laih Purara iwi ba witin sin yan kasbrika purara alwani ringban; ais bara masku aswan ba sin auhan.

Impakan Sturka 19:16

Bara yu yumhpa alkan yua ba, nan yu baiwi kan ba ra, mahka imyula nani bara alwani nani sin puli kan. Bara kasbrika siksa tara kum, il ba pura kat bal takaskan. Trumpit binka karna pali sin puhbi kan, bara upla nani sut sibrin mita tatatwi kan.

Aiseya 30:30

Bara Dawan ai kulkanka tara bri ba yaka upla nani walbia, ai klahkla karnika ba marikbia ai kupia baiwanka ra dauki ba mita, pauta buki klauhanka âpu wan tiki ba baku, alhkablakat, pâsa karna lî auhi ba, ais kauhi ba baku.

Aiseya 66:6

Tawan wina unsaban bîla baikra aula ba mita, tempel wina bîla baikra taki ba mita, Dawan wina bîla baikra nani taki ba mita ai waihla nani ra mana aibapi yabia.

Jirimaya 51:11

Dawan Babilon slingbaia lukisa bara witin ai lukanka ba ni Media kingka nani ba tukbisa. Baha sika Dawan mita pana muni ba warkka ba, witin nani Dawan tempelka ra diara daukan ba tâwan. ¡Man nani trisbaikam ba pliki bris! ¡Kainam kahbaika nani ba dims!

Libait Lâka 16:12

Ningkara kîa pain angkaia pata aswan auhbaia watlika, Dawan kaiki ba pliska ra bâra ba bribia, kîa pain angkaia dukia nani akban ba sin ai mihta wâl bribia, bara kwala paman ba ninara brih wabia;

Sakaraya 14:5

Bara man nani baha ilka nani langnika bîla taki plapma tnaya wala ba kat, langnika ba Asal kat auya bamna. Ozías king aimaki kan piua ra, tasba nikban bara damikam nani plapata ba baku plapma. Bara Dawan Gâdki ba witin ai uplika kasakkira nani ba wal aikuki balbia.

Matiu 24:7

Kan kuntri kumi mita wala mapara aiklabia, tasba kum mita wala mapara war aiklabia; plun tiwan sin bara tasba nikban nani sin plis ailal ra kabia.

Luk 12:49

“Naha tasba ra yarka pauta klauhbia dukiara balri; ¡bara pat pauta klauhi kaka kaikan pali ai daukisa!

Apastil Nani Sturka 16:26

Tisku baku kan, tasba nikban, bara silak watla playka nani ba sut sin nikban kata. Baha sim piua ra silak watla durka nani sut ba kwawan, bara silak ra mangkan uplika nani ba sut wilkan nani kan ba lanhwi kauhan.

Apastil Nani Sturka 4:31

Ai pura suni takaskan ba ra, witin nani asla taki bâra kan pliska ba nikban; bamna witin nani sut Spirit Holikira ni banhkan kan, bara sibrin âpu Gâd sturka yamni ba aisin.

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.

Param Marikanka 4:5

King iwaika ba wina imyula nani, bin nani bara alwani nani sin taki kan; bara king iwaika mawanra pauta lakni lampka 7 klauhi kan, baha nani lika Gâd spiritka 7 ba.

Param Marikanka 6:12

Sîp Luhpia ba sîl matlalkahbika ba krikan ba ra, yang kaikri bara tasba nikban tara takan. Lapta ba siksa takan sim sari kwalka siksa baku, bara kati ba pauni pali takan tala baku;

Param Marikanka 8:3

Baha wina insal wala kum balan, witin lika dus nani mâka kîa pain angkaika watla kum gul ni paskan ba bri kan, bara altar ba mawanra bûi kan. Witin ra dus nani mâka kîa pain uya yan kan, Gâd uplika nani sut pura sunra nani ra praki gul altarka king iwaika mawanra kan ba purara.