Param Marikanka 8:3 - DAWAN BÎLA AISKA

³ Baha wina insal wala kum balan, witin lika dus nani mâka kîa pain angkaika watla kum gul ni paskan ba bri kan, bara altar ba mawanra bûi kan. Witin ra dus nani mâka kîa pain uya yan kan, Gâd uplika nani sut pura sunra nani ra praki gul altarka king iwaika mawanra kan ba purara.

Param Marikanka 8:3 ပူးပေါင်းရင်းမြစ်များ

1 King Nani 7:50

Baku sin kâp nani, diara klakaia dukia sirpi nani, diaia tara nani, ispan tara, kîa yamni angkaia dukia nani, sut ba gul ni paskan. Baku walpa klauhira nani wal, utla bilara dimaia dur pîska nani ba sin, walpa klauhira ni daukan kata. Holi pali pliska ba bara tempel bilara diara nani ba sut sin gul ni paskan.

Lawana Nani 141:2

Puri sunra ba, dus mâka kîa pain baku man bui kaikma, mihti bukanka ba lika, tutni prisantka baku kabia.

Impakan Sturka 40:26

Altar gul ni paskan ba sin tint watla ra brih wan kwala paman ba lama kat.

Aiseya 6:6

Bara insal baku nani wina, kumika ba pâli yang ra balan. Altar ba wina masku kum aswi ba, alkaika ba ni alki ai mihta ra bri,

Isikiel 41:22

dus ni paskan bara talia kan. Tnaya kir ba, praki saban dusa nani ba sut dus ni paskan kan, mâya wina pura kat ba 5 pît bri kan, bîla yahpika ba 4 pît. Bara waitnika ai bri tauki ba ai win: “Naha tibilka sika, Dawan mawanra ba.”

Emus 9:1

Yang kaikri Dawan ba altar lamara bûi kan, bara witin bui yang ra ai wi kan: “Utla karnika alki playka ba kat pruks, bara dur nani ba bal kauhbia, ¡watla ba upla nani lal purara kriwi yakawbia! Bara ya bahara pruras swak takbia ba, sord ni ikamna, ban kra plapaia lukbia sin, kumi sin swak takbia apia.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Kulki Kaikanka 4:11

“Gul ni daukan altarka ba, purara kwala blu, bara daiwan taya ni daukan kwalka maman tanta ni pura prakbia, bara twilkaia dusa nani ba purara swibia.

Luk 1:10

Sîka kîa yamni ba angki kan ba ra, upla sut latara ai pura suni kata.

Roman 8:34

¿Ya sip kabia ki baha nani pât ra mangkaia? Kraist Jisas sika pruan ba, bara baha sut purkara, Kraist sika pruan nani tila wina buan bara Gâd mihta aihkika tani ra sa, bara wan tâwan makabisa.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

Hibru Nani 9:4

Bahara dus mâka kîa pain angkaia dukiara gul altarka kum bâra kan bara lâ auhbaia watla ba sin, baha ba aiska pali lalah pali ni lalaubi prakan kata. Lâ auhbaia watla ba gul ni lalauban kan kir ba bahara kâp kum bâra kan bara bahara manâ ba bri kan; Eran bri kan dusa urhwi pâwata ba sin lâ auhbaia watla bilara kata, bara lâ daukan bîla ulban walpaya wâl ba sin.

Param Marikanka 10:1

Bara insal karnakira wala kum, kasbrika pura ba wina bal iwuya kan kaikri. Witin ba kasbrika kum ni dingkan kan, bara ai lal purara kumadura kum bri kan; ai mawan ba wan yu lapta baku ingwi kan, bara ai kuhma nani ba lika pauta lakni playa nani baku kan.

Param Marikanka 14:18

Bara altar ba wina insal wala kum bal takan, bara witin lika pauta klauhan purkara karnika bri kan. Witin ispara mala pali bri kan bara ai bîla baikra tara ni wini, naku win: “¡Isparkam mala pali daukan ba ni wain kiwka mâ wihta nani tasba ra ba klaks, baha nani ba pawan sa bamna!”

Param Marikanka 5:8

witin baha wauhkataya ba prak brin ba ra, diara rayakira walhwal ba bara almuk 24 ba, Sîp Luhpia ba mawan kat ai lula krikan. Witin nani sut arp kum bri kan, gul ni daukan kapka sin dus mâka kîa pain banhki bri kan, bara baha nani ba lika Gâd uplika nani pura sunra nani sa.

Param Marikanka 6:9

Sîp Luhpia ba sîl matsip ba krikan ba ra, altar mununhtara Gâd sturka yamni tâwan bara baha witniska nani taki kan tâwan ikan sulka ba kaikri.

Param Marikanka 7:2

Insal wala kum sin lalma wina aula kan kaikri, bara witin lika Gâd rayakira sîlka ba bri kata. Naha insalka ba ai bîla baikra tara ni insal walhwal tasba ra bara kabu ra rausauhkaia karnika, Gâd wina brin nani ba ra wini, win:

Param Marikanka 8:4

Bara dus nani mâka kîa pain kiasmika ba insal mihta wina Gâd mawanra uli kan, Gâd uplika nani pura sunra nani ba wal.

Param Marikanka 8:5

Bara insal ba dus nani mâka kîa angkaika watla ba brih, masku ami altar kan ba ni banhki muni, wan tasbaya purara lulkan; bara alwani nani takan, bin nani, imyula nani, tasba nikbanka sin.

Param Marikanka 9:13

Insal matlalkahbika ba ai trumpitka puhban ba ra, gul altarka walhwal ba aringka nani wina, baha Gâd mawanra kan ba wina, bîla baikra kum takan yang walri.