Param Marikanka 8:13 - DAWAN BÎLA AISKA

¹³ Baha ningkara yang kaikri, bara yakal kum kasbrika pura ba lilapas ra pâli tauki kan walri; witinka ai bîla baikra tara ni aisi kan: “¡Alai, alai, alai kabia, tasba ra iwi uplika nani ba mapara, trumpit nani na insal wala yumhpa ba puhbia ba ra!”

Param Marikanka 8:13 ပူးပေါင်းရင်းမြစ်များ

Lawana Nani 103:20

¡Dawan ba yamni pali sa, insal karnakira nani, mayuns! Man nani ai adarka kat daukisma ba, ai bîla wali daukisma nani ba.

Isikiel 2:10

Mihta ba, yang maiwanra ilingkan kan, bara kaikri ulban kan, tani aiska ba: bahara ai bîla saki inanka nani, latwan tara baman kan.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

Param Marikanka 11:14

Pât saura wâl ba lui wan; sakuna naika pali yumhpika ba aula.

Param Marikanka 12:12

¡Bamna, kasbrika purara nani sma ba, liliam taki bas, man nani bahara iwisma ba! Sakuna tasba ra bara kabu ra iwi nani ba mapara lika alai pali kabia, kan dibil ba man nani ra iwan sa, ai kupia sin baikan sa, kan witin kaikisa kau piua wiria baman brisa bamna.”

Param Marikanka 14:3

Bara witin nani lawana raya kum aiwani banhwi kan, king iwaika ba mawanra, diara rayakira walhwal ba mawanra, almuk nani ba mawanra sin. Upla kumi sin baha lawana ba sip lan takras kan, baha nani 144,000 tasba uplika nani tila swaki sakan ba baman lika.

Param Marikanka 14:6

Bara yang insal wala kum kasbrika pura ba lilapas kat pâli tauki kan kaikri. Naha lika ban kaia ra smalkanka kum bri kan, tasba ra iwi uplika nani ra smalkaia, nisan sât bani ra, taika bani ra, bîla sât bani ra, upla nani sut ra sin.

Param Marikanka 19:17

Bara insal kum, wan yu lapta purara bûi kan kaikri. Witin ai bîla baikra tara ni wini, daiwan tnawira nani sut kasbrika ra pâli nani ba ra naku wisata: “Man nani nâra bal asla taks, Gâd pata tara ba piaia dukiara.

Param Marikanka 3:10

Ban bapi buaia lâika ba ban bri kapram, baha ba mita tasba aiska ra trabil balaia piua ba wina ban pain mai bri kamna; baha trabilka ba lika tasba ra iwi uplika sut ra traika kaikbia sa.

Param Marikanka 8:2

Baha ningkara insal 7 Gâd mawanra bûi nani kan ba kaikri; witin nani ra trumpit 7 yan kan.

Param Marikanka 9:1

Insal matsipka ba ai trumpitka puhban, bara slilma kum kasbrika pura wina tasba ra kauhan kan kaikri; baha tihuka tara kîka ba yan kata.

Param Marikanka 9:12

Sauhkanka pas ba lui wan; sakuna kau wâl balaia sa.