Param Marikanka 8:10 - DAWAN BÎLA AISKA

¹⁰ Insal yumhpika ba ai trumpitka puhban, bara slilma tara kum awas klauhi baku kasbrika pura wina kauhan. Baha ba awala nani bara lî kârma nani mânka yumhpa wina kumi prais purara kauhan.

Param Marikanka 8:10 ပူးပေါင်းရင်းမြစ်များ

2 Kronikas 32:3

bara witin tawan tâ uplika nani ra tânka plikan, suldiar nani ra sin, bara witin win lî kârma plapi ba prakaia tawan tnaya ra nani ba, bara upla sut âu takan.

Aiseya 12:3

Swaki wan sakaia laya kârma nani ba wina, man nani liliakira bal lî saki kama.

Aiseya 14:12

‘‘¡Nahki muni kasbrika purara wina kauhram, titan lakika tara! Tasba pali kat mai batakan, man sika kuntri nani ra pura lui katma ba.

Sakaraya 13:8

Naha kuntrika ra iwi nani ba tila wina kwâra tara prui banhbia; bara kwârika wala baman raya kabia. Baha raya nani ba pauta klauhi bâk bri lui wamna; silbar baku slilki sunu sakamni, gul lipni daukan ba baku daukamni. Bara witin nani bui yang ra ai pura sunbia, yang sin pana witin nani ra aisamna. Bara ai nina ba sin ‘Yang upliki nani’ mâkamni, bara witin nani sin pana ai wibia: ‘Dawan ba yang nani Gâdki.’ Yang, Dawan, naha aisisni.”

Matiu 25:1

“Baha yua ra, Gâd king aimaki lâka ba lika tiara matawalsip na wal baku kabia, witinka nani ai lampka laya nani brih wan, waitna marit takuya ba yula kahbaia dukiara.

Luk 10:18

Jisas pana win: —Âu, yang kaikri Sitan kasbrika pura ba wina kauhan, sim imyula baku.

Judas 1:13

Kabu ripka prautkira nani baku, ai daukanka saura nani ba wina swira lâka nani ukatka ba sakisa; slilma nani ai yabalka tikan nani sa, pât ban kaia ra lulkan sa, tihmu tara tilara kaia.

Param Marikanka 1:20

Bara naha sika slilma 7 mihti aihkika ra kaikram ba bara kiandil mina sin 7 gul ni paskan kaikram dahra yukukan ba: slilma 7 ba lika serts 7 ba insalka nani sa, bara kiandil mina 7 ba lika sertska 7 ba.

Param Marikanka 12:4

Bara ai wâika ni, kasbrika purara slilma nani yumhpa bani wina kumi ba raski tasba ra lulkan. Dragun ba mairin mahka aisubaia kan ba mawanra buan, ai luhpia aisubi takbia ba mahka piaia wisi.

Param Marikanka 14:7

Bara witin ai bîla baikra tara ni aisi kan: “Man nani bui Gâd ra sibrin luks bara mayunra sin yas, witin ba lâ daukaia awarka ba pat aimakan sa bamna. Gâd ra puram suni mayuni bas, witinka ba kasbrika purara, tasba, kabu, bara lî kârma nani sin paskan ba.”

Param Marikanka 16:4

Insal yumhpa ba kâp ba awala nani purara bara lî kârma nani purara sin laikan, bara baha nani sut ba tala takan.

Param Marikanka 6:13

slilma nani kasbrika purara ba, tasba ra kauhan, kwah damni dusa ai mâ kura nani, pâsa karna mita nikbuya ba ra bataki ba baku.

Param Marikanka 8:7

Insal pas ba ai trumpitka puhban, bara lî mâ tara nani, pauta lakni tala wal miks auhan, bara baha ba wan tasba purara lulkan kan. Wan tasba na mânka yumhpa wina kumi ba ami tiwan, dus nani mânka yumhpa wina kumi ba prui kan, bara twi kura mânka yumhpa wina kumi ba sin.

Param Marikanka 9:1

Insal matsipka ba ai trumpitka puhban, bara slilma kum kasbrika pura wina tasba ra kauhan kan kaikri; baha tihuka tara kîka ba yan kata.

Param Marikanka 9:15

Insalka walhwal ba lanhkan kan; witin nani ba ridi daukan kan baha awarka ra yua ra, katka ra bara sim manka ra upla yumhpa bani wina kumi ba ikaia.

Param Marikanka 9:18

Upla yumhpa bani wina kumi ba naha pâtka saura yumhpa aras nani bîla wina taki kan ba ikan kan: pauta, kiasma, bara sulpa ba mita.

Wihta Nani 15:11

Witin nani baha walan ba ra, Juda kiamka wina 3,000 waitna taki, Etam walpaya untika ra wan, bara Samson ra win: —Samson, ¿man kaikras sma ki, yawan filisteo nani mina munhtara sa, witin nani kau karna ba? ¿Bara man dîa muni witin nani ba yawan wal wan kakma tuskisma? Samson pana witin nani ra win: —Witin nani nahki praiska kat pana yang ra aibapan ba, pana sin baha kat yang bui witin nani ra aibapamni, kau pura luras.