Param Marikanka 6:8 - DAWAN BÎLA AISKA

⁸ Yang kaikri, bara bahara aras lalahni kum kata. Baha purara uli kan ba nina Prura. Bara baha ninara pruan nani tasbaya wina ba aula kan, witin nani ra karnika yan kan tasba mânka walhwal ba wina mânka kumi ba purara karnika alkaia, bara war daukaia, plun tiwan nani sin bri balaia, siknis nani bara tasba daiwra wail nani ni sin bri balaia upla ikaia.

Param Marikanka 6:8 ပူးပေါင်းရင်းမြစ်များ

Sins Lâka 5:5

Witin wal taukaia ba prura ra wan bri wisa; witin wapanka nani ba wan bri auya raiti bîla kat.

Aiseya 25:8

Ban kaia ra ban prura ra, Dawan mita sauhkan kabia; mawan nani wina, Dawan mita nakra laya nani sut diki sâkbia bara tasba aiska wina ai uplika nani swira lâka ba bri sâkbia. Dawan ba aisin.

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Jirimaya 16:16

“Inska âialkra nani ailal balaia daukamna —yang, Dawan, kasak aisisna— Israel luhpia nani ba miski alkaia. Yang sin daukamna antin uplika nani ailal balaia, il nani ra walpa unta nani ra, kiuhsi nani ra sin antin dimi uplika nani ba sakaia.

Jirimaya 16:4

Siknis saura witin nani ra alkbia, prui banhbia bara upla kumi sin bal pura mata inbia apia, bikbia sin apia; daiwan kânka nani baku tasba ra prawi kabia. War aiklabi ba mita, sanglang mita sin witin nani ba âpu daukbia; daiwan tnawira nani bal, daiwan wail nani sin bal pruan nani ba pibia.”

Jirimaya 24:10

Witin nani ra war blikamna, sanglang, siknis sin, witin nani ra yabri tasbaya ai damika nani ra sin yabri kan ba tasbaya ra witin nani kumi sin âpu takbia ba kat.”

Jirimaya 29:17

‘Yang, Dawan, karnika sut brisna ba, aisisna: War witin nani ra blikaisna, sanglang, siknis sin. Kwah mâ sukwan saura pali, piaia sip apia kata ba baku daukaisna.

Jirimaya 43:11

Witin balbia Idsip kuntrika ba sauhki tikbia. Prubia win, uplika nani ba prubia; priski brih wabia win uplika nani ba priski brih wabia; war ra prubia win uplika nani ba sin, war ra prubia.

Isikiel 29:5

Upla iwras tasbaya ra mai lulkamna, awalkam inskika sut aikuki; plis langni ra kauhi banhma, bara upla kum sin mai wahbia apia mai bikaia dukiara. Yabrika mai pibia daiwan wail kraskira nani, kasbrika pura ba wina piawira nani ba sin.

Isikiel 5:12

Man nani wina dakni kum ba, siknis mita bara plun wahwan tâka prubia man nani tilamra; dakni wala kum ba sord ra kauhan kabia, ai lahma nani ai lama kir bâra ba mita; bara daknika yumhpika ba lika tasba aiska ra yakabi lakamna, pâsa mapa walhwal ra. Bara witin nani nina ra sordki mihti ra brih wamna.

Oseas 13:14

¿Prura tasbaya wina witin nani ba pri sakamna ki? ¿Prura wina witin nani ba swaki sakamna ki?... Prura, ¿anira sa, man karnikam sauhki wan tatikra ba? Prura tasbaya, ¿daukankam saura nani ba anira sa? ¡Naha uplika nani dukiara, kau kupi latwan bri kamna apia!”

Abakuk 2:5

Upla prautkira aimayunra nani ba, sâp taki iwras, ai karnika alki briaia lâka ba pliki wataukisa, bri bara kau briaia sin lukisa; ban sakuna, baha karnika alki bri ba wina, witin silp pât ra dimisa. Raiti baku ai bîla kwâki banhwisa, raiti baku sip biara banhras. Baha mita witin nani nisan nani sut ba pura luaia pliki wataukisa.

Sakaraya 6:3

yumhpika ba, aras pihni nani aubi kan; walhwalka ba lika, aras puputni nani mita aubi kan.

Matiu 11:23

Bara man, Kapernaum tawanka, ¿kasbrika purara ba kat mai sunan kabia lukisma? Man lika hil pauta tihuka kat mai lulkan kabia. Kan man nani tilamra sain aihka nani daukan baku Sodoma tawanka ra daukan kaka, baha tawanka naiwa kat ban bâra kaia kan.

Matiu 24:7

Kan kuntri kumi mita wala mapara aiklabia, tasba kum mita wala mapara war aiklabia; plun tiwan sin bara tasba nikban nani sin plis ailal ra kabia.

1 Korint 15:55

Prura, ¿pura luaia karnika bri katma ba anira sa? Prura, ¿yang nani sairka paskaia karnika anira sa ki?”

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.

Param Marikanka 12:4

Bara ai wâika ni, kasbrika purara slilma nani yumhpa bani wina kumi ba raski tasba ra lulkan. Dragun ba mairin mahka aisubaia kan ba mawanra buan, ai luhpia aisubi takbia ba mahka piaia wisi.

Param Marikanka 9:15

Insalka walhwal ba lanhkan kan; witin nani ba ridi daukan kan baha awarka ra yua ra, katka ra bara sim manka ra upla yumhpa bani wina kumi ba ikaia.

Param Marikanka 9:18

Upla yumhpa bani wina kumi ba naha pâtka saura yumhpa aras nani bîla wina taki kan ba ikan kan: pauta, kiasma, bara sulpa ba mita.