Param Marikanka 6:12 - DAWAN BÎLA AISKA

¹² Sîp Luhpia ba sîl matlalkahbika ba krikan ba ra, yang kaikri bara tasba nikban tara takan. Lapta ba siksa takan sim sari kwalka siksa baku, bara kati ba pauni pali takan tala baku;

Param Marikanka 6:12 ပူးပေါင်းရင်းမြစ်များ

Aiseya 24:23

Karnika sut bri Dawanka ba, witin king baku ai warkka daukbia ba ra Saion ilka ba ra, Jerusalem ra. Kati, lapta tihmia takbia bara wihta nani ba Dawan prana ba kaikbia.

Aiseya 34:4

Bara kasbrika purara slilma nani ba sut sin plapi kabia, sim wauhtaya karbi baku karbia; bara ai lampka nani sut ba ingnika daskbia apia, wain kiwka wina wahia lâwan nani kauhi ba baku, kwah damni dusa wina wahia kauhi ba baku sin.

Aiseya 50:3

Kasbrika pura ba tihmia tara sari prâka ni dingkisna, bara ai pura prakaika ba krukus kwalka baku daukisna.”

Joel 2:10

Tasba ba witin nani ai mawanra nikwisa, purara kasbrika ba sin tatatwisa, lapta bara kati sin ai ingnika ingras, slilma nani ba sin ingnika âpu takisa.

Joel 3:15

Lapta bara kati sin, tihmia tara pali takuya, slilma nani ingnika ba sin tiwuya.

Emus 1:1

Naha sika Dawan bîla dahra, Sepad Emus sîp nani main kakaira, Tecoa tawanka ra brin ba, Israel ra naika takaia ba, tasba nikbras mani wâl ba kainara. Baha piua ra Ozías Juda Kingka aimaki kan, bara Jeroboam, Joás lupia ba, Israel kingka aimaki kan.

Emus 8:9

Dawan aisisa: “Yang baha yua ra daukamna, lapta wan lal kat yu ingnika ba prakan kabia, bara kakna pali ra tasba ba tihmia tara daukamna.

Sakaraya 14:5

Bara man nani baha ilka nani langnika bîla taki plapma tnaya wala ba kat, langnika ba Asal kat auya bamna. Ozías king aimaki kan piua ra, tasba nikban bara damikam nani plapata ba baku plapma. Bara Dawan Gâdki ba witin ai uplika kasakkira nani ba wal aikuki balbia.

Matiu 11:21

“¡Corazín tawanka, man mampara alai pali kabia! ¡Betsaida tawanka, man mampara sin alai pali kabia! Kan man nani tilamra sain aihka nani daukan baku Tiro bara Sidón tawanka ra sim baku daukan kaka, baha uplika nani pat ai kupia lakan kaia kan, bara latan marikaia kan sari kwalka dimi bara yamhpus sin aimaki.

Matiu 24:29

“Baha pât wahwan yua nani lubia wal baku, yu lapta ba tihmu takbia, kati ba ai ingnika yabia apia, slilma nani ba kasbrika purara ba wina kauhbia, kasbrika ba purara karnika nani sin nikban kabia.

Matiu 24:7

Kan kuntri kumi mita wala mapara aiklabia, tasba kum mita wala mapara war aiklabia; plun tiwan sin bara tasba nikban nani sin plis ailal ra kabia.

Matiu 27:45

Bara tasba aiska ba tihmu tara takan, yu wan lal kat wina tutni 3 aklak kat.

Matiu 27:54

Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Matiu 28:2

Tisku baku kan, tasba nikbanka tara kum takan. Baha ba Dawan insalka kum kasbrika purara ba wina bal iwan, bara raitika ra wih, raiti pura prakan kan walpaya ba karbi saki, baha purara iwan.

Mark 15:33

Yu 12 aklak aimakan ba ra, tasba aiska tihmia tara takan, baha ba tutni 3 aklak kat.

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.

Param Marikanka 16:18

Bara imyula nani, bin nani, alwani nani, tasba nikbanka tara kum sin takan. Baha tasba nikbanka karna ba sât upla nani paskan ba wina kau âpu kan; naha sika sut purkara kau saura kan ba.

Param Marikanka 16:8

Insal walhwalka ba kâp ba yu lapta purara laikan, bara yu lapta ra karnika yan upla nani ra ai laptika ni angkaia.

Param Marikanka 8:12

Insal walhwalka ba ai trumpitka puhban, bara wan yu lapta mânka yumhpa wina kumi prais ba sauhkan kan, kati mânka yumhpa wina kumi prais, bara slilma nani mânka yumhpa wina kumi prais sin. Baha mita, baha nani mânka yumhpa wina kumi prais ba tihmu takan, bara kakna mânka yumhpa wina kumi prais bara tihmia mânka yumhpa wina kumi prais sin ai ingnika yabras kata.

Param Marikanka 8:5

Bara insal ba dus nani mâka kîa angkaika watla ba brih, masku ami altar kan ba ni banhki muni, wan tasbaya purara lulkan; bara alwani nani takan, bin nani, imyula nani, tasba nikbanka sin.