Param Marikanka 3:7 - DAWAN BÎLA AISKA

⁷ “Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba:

Param Marikanka 3:7 ပူးပေါင်းရင်းမြစ်များ

Job 11:10

Gâd bal upla ba silak ra mangki lâ ra paiwbia kaka, ¿ya bui sip kabia ki baha lâka krikaia?

Job 12:14

Gâd mita sauhki tikan ba upla âpu sa baha kli paskaia, ani uplika ra Gâd mita durka prakan ba upla wala âpu sa durka ba kwâkaia.

Lawana Nani 145:17

Dawan ai yabalka nani sut ra kasakkira sa, ai daukanka nani sut ra sin kupia pihni sa.

Lawana Nani 16:10

Man bui yang ba pruan tasbaya ra ai swima apia; man uplikam kasak aihwa ba, tasba untika kum ra lulki swima apia.

Lawana Nani 89:18

¡Dawan ba wan kan kahbaika sa! ¡Wan Kingka ba sika Israel ra Holikira ba!

Aiseya 22:22

Bara Debit watla kîka ba, witin ai pahpaya ra kahbamni; witin dur kwâkbia ba, upla kumi mita sin prakbia apia; witin dur prakbia ba, upla kumi mita sin kwâkbia apia.

Aiseya 30:11

Man nani yabal ba swis, yabal bîla pali wina tnaya ra taws, yawan mawan wina Israel Gâdka Holikira ba sâks.”

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 41:16

Witin nani ba pâsa ra bukma, bara pâsa mita witin nani ba brih wabia, prari mita tanis yakabia. Bara man Dawan ra lilia kama, Israel Gâdka Holikira ba dukiara tara damra wali kama.

Aiseya 41:20

tasba ra upla sut baha kaiki tânka bribia dukiara, witin nani ai tânka bri kaia sa bara sut sin tânka bribia, yang Dawan sna na, baha sut ba karniki wal daukri ba. Yang, Israel Gâdka Holikira sna, baha ba paskri.”

Aiseya 47:4

Yawan atki wan sasakra ba, ai nina karnika sut bri Dawanka, Israel ra Holikira ba, witin aisisa:

Aiseya 48:17

Dawan bui man ra atki mai sasakra ba, naku win, Israel Gâdka Holikira ba: “Yang sika man Dawan Gâdkam; yamnika uya man ra takaia ba mai smalkisni, yabal bâk wapaia tâm brisna.

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 54:5

kan mai papaskra ba, ai maya mairin mai bribia; ai nina ba Dawan karnika bri ba; man sasakrikam ba, Gâd Holikira, Israel wina ba, tasba aiska Gâdka ba.

Aiseya 55:5

Man kakaira apia sma uplika nani ba man paiwma; upla nani mai kakaira apia kan ba man ra plapbia, yang Dawan, man Gâdkam, Israel ra Holikira ba, yamni mai kulkan ba mita.

Aiseya 6:3

Bara pana pana ai bîla baikra saki, wini kan: “Holi, holi, holi karnika sut bri Dawanka ba; tasba aiska ba ai prana ni banhwan.”

Matiu 16:19

Kasbrika purara ba Kingka lâka kî mihta ba maikamna; dîa dîa naha tasba ra wilkma ba, kasbrika purara ba sin wilkan kabia; bara dîa naha tasba ra lanhkma ba, kasbrika purara ba sin lanhkan kabia.

Matiu 24:35

Kasbrika tasba wal lui wabia, sakuna bîli nani lika aimakan kabia.

Mark 1:24

—Jisas Nasaret wina, ¿dîa muni yang nani tilira dimisma? ¿Yang nani ra rau ai sauhkaia balram ki? Yang lika man ra pain mai kaikisna. Man sika Gâd Holikira pali sma.

Luk 1:32

Witin lika tara pali kabia; Gâd Laih Purara iwi ba Luhpia mâkan kabia, bara Dawan Gâd ai damika Debit baku king mangkbia,

Luk 4:34

¡Jisas Nasaret wina, ban wan swis! ¿Dîa kan wan tilara dimisma? ¿Man ba wan sauhkaia aulma ki? Yang mai kakaira pali sna. Man ba Holikira Gâd wina ba sika.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Apastil Nani Sturka 3:14

Baha uplika holikira bara kasakkira ba pri sakaia makabaia ba watlika ra, man nani upla saurakira pali kum ni pri sâkbia makabatma.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

Param Marikanka 1:11

bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 15:3

Baha witin nani Gâd dukia dadaukra, Moses lawana aiwani nani kan, Sîp Luhpia lawana ba sin. Bara baha lika naku kata: “Dawan Gâd, karnika sut brisma ba, diara aihkakira daukram ba sut tara bara painkira pali sa. Nisan nani Kingka, yabalkam nani ba wapni bara kasakkira pali baman sa.

Param Marikanka 16:7

Altar ba wina sin bîla baikra kum aisi kan walri: “Âu, Dawan Gâd, karnika sut brisma ba, man ba kasak lâka kat bara wapni lâka kat lâ daukram sa.”

Param Marikanka 19:11

Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.

Param Marikanka 19:2

Kan witin lâ dauki ba wapni bara kasakka lâka kat sa; rug mairin tara kata ba pât ra lakan sa, ai rugka lâka dauki tasba sauhki kata ba; Gâd bui witin ra pana munan sa, ai dukia dadaukra nani ra ikan bamna.”

Param Marikanka 2:1

“Bamna Epesus sertska insalka ra naku ulbi wis: ‘Witinka ai mihta aihkika ra slilma 7 bri ba bara kiandil mina silbar ni paskan 7 tilara tauki ba mita naku wisa:

Param Marikanka 21:5

Bara king iwaika ra iwi kan ba naku aisin: “Kaiks, nanara yang diara nani ba sut raya daukisni.” Naku sin win: “Naha na uls, kan bîla nani na kasak sa bara baha nani kat kasak kulkaia aitani sa.”

Param Marikanka 3:14

“Leodisia sertska insalka ra sin ulbi wis: ‘Naku wisa witinka Kasakkira ba, witnis kasak bara diara kasak kat aisi ba, Gâd diara sut paskan ba tâ wina:

Param Marikanka 4:8

Diara rayakira walhwal ba kumi bani ai tnawa 6 bri kan, bara nakra pali baman banhki kan pura tani ra bara bîla tani ra sin; kakna bara tihmia naku aisi takaskras kan: “¡Holi, holi, holi, Dawan, Gâd karnika sut bri ba, witinka kaina wina bâra kata ba, bâra ban ba, bara naika balaia ba!”

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.

Param Marikanka 6:10

Naha nani ai bîla baikra karna wini kan: “Dawan, man holikira sma ba bara kasak kat pramis daukisma ba, ¿ahkia kat man ba lâ daukma naha tasba ra iwi nani ra, bara pana ikma wan pruanka nani ra?”