Param Marikanka 3:19 - DAWAN BÎLA AISKA

¹⁹ Yang lika latwan kaikisna bara uplika sut ra lawi daukisni, wapni sin daukisna. Baku bamna, man kasak bas bara kupiam sin laks.

Param Marikanka 3:19 ပူးပေါင်းရင်းမြစ်များ

2 Samuil 7:14

Yang lika witin ai aisika kamni, witin ba yang luhpi waitna kum kabia, witin ai swakwanka nani daukbia bara klala yamni wal wipamna, aisa nani sut ai luhpia ra muni ba baku.

Job 5:17

Dawan mita yaura lawi dauki uplika ba, upla liliakira sa; bamna Gâd karnika sut bri ba mita mai wipi ba bahki kulkpara.

Lawana Nani 39:11

Man upla ra latwan lâka marikaia dukiara, lawi daukisma bamna, witin nani diara latwan kaiki dukia nani ba, yula pin baku daukuma. ¡Upla sut ba wan wingka puhbra kum baku baman sa!

Lawana Nani 6:1

Dawan, kupiam baiwanka ra lawi ai daukpara, lawisma ba ra klala aikpara.

Lawana Nani 69:9

Man wamtla tâwan lawanka ba mita, ai angki âpu ai daukisa; saura munaia ba purira kauhan sa, baha nani man ra saura mai wi nani ba.

Lawana Nani 94:10

¿Nisan nani ra wapnika mangki yaba mita, klala yabaia sip apia sa ki? ¿Bara upla ra sins lâka smalki yaba, diara tânka sip bribia apia ki?

Sins Lâka 15:10

Yabal pain ba swi uplika ra, witin karna pali smalkisa; bara kupia kraukanka yabi ba waihla nani ba ban pruisa.

Sins Lâka 15:32

Diara wan smalkan ba sip kulkras uplika, witin ai rayaka ba bahki man kulkisa, sakuna wan kupia kraukanka wali ba lika, sins yamni alki bribia.

Sins Lâka 22:15

Tanis lâka ba lika kau tuktan nani ba kupia lukanka tâka sa; sakuna kupia kraukaia klalka ba mita baha wapni daukisa.

Aiseya 26:16

Yang nani trabil tara ra dimisna ba ra Dawan, man mai plikisna, klala wankisma ba ra yang nani ini puri sunra ba mamwanra aisisna.

Jirimaya 10:24

Dawan, man kasakkam tânka ba kat yang nani wapniki ai dauks, sakuna man lawankam tara ba ni lika apia, baku lika yang nani sut âpu ai tiki lukma.

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Jirimaya 30:11

Yang, Dawan, kasak aisisni man nani wal sna swaki mai sakaia. Nisan nani ba sut slingbamna baha nani tilara mai yakabri ba. Sakuna man ra lika mai slingbamna apia; klala lika maikamna, mana briaia sma ba kat: klalkam ba maikras lika mai swimna apia.”

Jirimaya 31:18

Yang walri Efraín uplika nani ba brukwisa sari lâka tara ni: ‘Yang ba bîp wainhka kum sip smalki tim daukras ba baku sna, sakuna man mita lika puri luram bara tim ai daukram sa, pura luan lâka aikisma; ai dauks kli man ra balaia, kan man sma sika Dawan ba, yang Gâdki.

Jirimaya 7:28

Witin nani ra wis: ‘Naha nisanka sika ai Dawanka ai Gâdka bîla wali daukras ba, saura daukan smalki ba sin walan daukras ba. Kasak wapni aisaia aisinka ba witin nani aisinka wina âpu pali aihwa takan.’ ”

Sofonías 3:2

Witin ba Dawan bîla baikra ba walan daukras sa, ai saurka nani wina wapni takaia sin brin daukras sa, witin ra kasak lukras kan, ai Dawanka ra plikras kan.

Matiu 25:7

Baha tiara nani ba sut mahka bûi, ai lampka nani ridi daukan.

Jan 2:17

Baha kat disaipil nani ba Ulbanka ra aisi ba tânka bri banhwan: “Man wamtla na tâwan, yang kupi aiska ni lawri.”

Roman 12:11

Man nani wark karna taks, sringwaskira nani kapara. Kupiam aiska wal Dawan dukia dauki bas.

1 Korint 11:32

Sakuna Dawan wan lâka dauki ba ra, klala wankisa, tasba uplika nani aikuki pât ra wan dingkan kabia apia dukiara.

2 Korint 6:9

Sam piua wan kakaira apia wisa, bara tila piua lika wan kakaira pali wisa; bara piua kum ra prura mihta ra aimaki tauki banhwisna, kuna kau ban raya atia sna; klala wanki banhwisa, kuna wan ikras sa.

2 Korint 7:11

Sarka lâka man nani wauhram ba lika, Gâd pain kaikan ba tânka kat sa; ¡bara nanara dîa baha wina takan ba kaiks! Diara briaia dukiara kupiam wilin sakan, bara dîa dauki banhram ba dukiara sin tânka aisaia; baha mita kupiam sauhki banhwan bara sibrin sin mai dingkan. Kuna ningkara man nani ai kaikan mai daukan, bara ridi pali kapram ya saura daukan ba klala yaia. Naha diara sut na tilara, man nani latan marikram pâtkira mai kulkaia tânka âpu sa.

Galesha 4:18

Bamna nanara, pain sa diara wala dukiara wan brinka aiska ni pliki taukaia, sakuna baha ba kupiam lukanka wina kaia sa, bara yang na man nani wal sna na piua ra baman apia, kuna piua bani.

Kli Smalkanka 8:5

Luki kaiks, Dawan Gâdkam lawi smalkan, sim aisa kum ai luhpia ra lawi smalki ba baku.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

Param Marikanka 2:5

Baha mita, man pain damra wals ani pali wina kauhram ba, kupiam laks, bara pas piua dauki katma dukia nani ba kli dauks. Kupiam lakras sma kaka, pat pali mampara yang wamna, bara kiandilkam mina ba ai pliska wina sakamna.