Param Marikanka 22:4 - DAWAN BÎLA AISKA

⁴ Witin nani pana pana ai mawan kaikbia, bara witin nina ba ai lal purara ulban kabia.

Param Marikanka 22:4 ပူးပေါင်းရင်းမြစ်များ

Job 33:26

Gâd ra makabia, bara walan kabia; liliakira Gâd wal pana pana ai mawan kaikbia, bara upla nani ra Gâd latwanka lâka ba aiwanbia.

Lawana Nani 17:15

Sakuna yang, kasak pali kupi kumi takaskamni, man mamwan kat mai kaikaia mamwanra, rawi buamna bara ai kaikaia.

Lawana Nani 4:6

Upla ailal wisa: “¿Ya yawan ra lilia lâka wan marikbia?” ¡Dawan, namkra ra yang nani ra pain ai kaiks!

Lawana Nani 42:2

Dawan rayakira, rayaki na man ra luki diran daukisa. Dawan, ¿ahkia yang kli wih mamwanra bûi kamna?

Aiseya 33:17

Man namkra nani king ba kaikbia, witin ai prana ra iwi ba; namkra nani baha tasbaya laihura ba kaikbia.

Aiseya 35:2

Tangnika ailal baiwbia, bara sin witin lilia aiwanbia, liliakira pali. Líbano mayunra ba witin ra yan kabia, Carmelo, Sarón prana ba sin tasba maura ra. Upla sut Dawan prana ba kaikbia, wan kingka Gâd prana ba.

Aiseya 40:5

Bara Dawan prana ba param takbia, bara baku upla bani asla aikuki witin ba kaikbia; Dawan witin mita baku takaia aisin ba.”

Isikiel 33:23

Dawan ba yang ra balan bara ai win:

Matiu 5:8

“Lilia pali sa baha nani ai kupia tâski âpu bri nani ba, kan witin nani Gâd kaikbia bamna.

Jan 12:26

Bamna upla kumi yang duki daukaia want sa kaka, witin nini blikaia sa; bara anira sna pliska ba ra, yang duki dadaukra ba sin bâra kabia. Bamna upla kumi yang duki daukisa kaka, Aisiki mita prana daukbia.

Jan 17:24

“Aisa, man mita sika baha nani aikram ba, bamna want sna baha nani sut yang bâra kamna pliska ra kabia, bara baku mika man prana aikram ba kaiki kabia; kan man mita latwan ai kaikram kau tasba na âpu kan piua ba wina.

1 Korint 13:12

Baha sim natka ra, nanara yawan diara nani kaiki ba lukinglas ra baku sa, lilka tihmu baku; sakuna baha piua ra lika, yawan latan pali kaikbia. Nanara lika yang wiria baman kaikisna, sakuna baha piua ra lika aiska pali kakaira kamna, Gâd mita yang ra kakaira ba baku.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

Param Marikanka 14:1

Baha ningkara yang kaikri, bara Sîp Luhpia ba Saion ilka ra bûi kan. Witinka wal upla 144,000 bâra kan, bara baha nani ai lal purara Sîp Luhpia nina ba bara ai Aisika nina ba sin ulbi bri kata.

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.

Param Marikanka 7:3

“¡Man nani tasba ra saura munpara, kabu ra, dus nani ra sin watawi munpara, yang nani wan Gâdka dukia dadaukra nani ba lal purara sîl kum ni sain mangkamna ba kat!”