Param Marikanka 22:11 - DAWAN BÎLA AISKA

¹¹ Bara baha ba kau bamna, swis saura dauki uplika ba ai saurka ban dauki kabia, tâski dauki uplika ba ai tâskika lâka ba ban dauki kabia; sakuna upla kasakkira ba kasakka lâka ba ban dauki kaia sa, bara upla holikira ba Gâd ra ban kasak kabia.”

Param Marikanka 22:11 ပူးပေါင်းရင်းမြစ်များ

Job 17:9

Bara aisisa witin nani ba upla kasakkira sa, bara ai mihta nani ba tâski âpu sa.

Lawana Nani 81:12

Ai kupia karnika ba mita ban swiri nina blikaia, bara dîa want ba yâri daukan.

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Sins Lâka 4:18

Upla kasakkira nani yabalka bîla ba, yu wala ingnika baku sa: baha kau ban kanra ingwisa, yu aihwa ulan ba wal.

Smasmalkra 11:3

Kasbrika ba lî banhwan sa kaka, laya ba tasba purara auhbia. Dus ba yahbra ra kauhras, apia kaka waupasa ra kauhbia, anira kauhbia ba ra, baha kat takaskbia.

Isikiel 3:27

Sakuna yang sturi kum mai wiaia want sna piua ra, yang kli maikrika sturi aisama, bara ningkara man wima: ‘Dawan ba naha aisisa.’ Ya walan dauki ba walbia, sakuna ya walan daukras ba sin walras kabia, kan tawan kum mapara babura nani sa.

Daniel 12:10

Upla ailal lika pât saura wahwaia aisin ba bâk luaia sa, bara baha wina klin bara kasak aihwakira kulkan kabia. Watawikira nani ba lika ban saura nani dauki kabia, dîa taki ba dukiara tânka sin briras kabia, sakuna upla sinskira nani ba lika diara sut tânka ba bri kabia.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Matiu 21:19

Yabal tnaya ra witin kwah damni dusa kum kaikan, sakuna dusa ra diara kumi sin sakras, wahia nani baman. Bara Jisas dusa ra win: —¡Ban kaia ra man kli mâ brima apia! Baha sim pali piua ra, kwah damni dusa ba lâwan.

Matiu 25:10

Sakuna tiara sinskas matsip ba lamp laya atkaia auya kan ba ra, waitnika ba balan. Tiara nani ridi kan ba witin wal marit pata ra wih diman, bara dur ba prakan.

Matiu 5:45

Baku mika kasbrika purara ba luhpia nani kama. Kan witin bui yu lapta ba yan ingwisa, saura nani bara pain nani purara; lî sin yan auhisa, kasakkira nani ra bara watawikira nani dukiara sin.

Matiu 5:6

“Lilia pali sa baha nani plun dauki bara diran dauki baku ba kasakka lâka dukiara, kan witin nani ba âuyapah lâka bribia.

Jan 8:21

Bamna Jisas kli baha nani ra win: —Yang mahka auna, bara man nani ai plikma, sakuna saurkam nani tilara pruma; kan yang auna ba ra man nani sip wama apia.

Epesus 5:27

bara baku mika witin ai mawanra bri balan sim serts pranakira baku, taya tâski âpu, bara taya sriwan âpu, dîa dîa bahmuna sâtka wala sin âpu, sakuna holikira bara kasakkira pali.

Kolosi 1:22

Kuna nanara, Gâd mita man nani ba witin wal kupia kumi mai daukan Kraist ai wîna tara pât wahwi pruan ba mita. Witin naha daukan, man nani sut witin ai mawanra holikira, tâski âpu bara pâtkas pali kama dukiara.

2 Timoti 3:13

sakuna upla saura nani bara upla ra kunin mamunra nani ba, ban kau saura taki kabia, bara upla ra kunin muni nani kabia, bara panaura sin upla nani mita kunin muni kabia.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 16:21

Walpa tara nani sin kasbrika pura ba wina upla nani purara bal kauhan, bara walpaya bani ba 100 paun prais bri kata. Bara upla nani Gâd mapara diara saura nani aisan, walpa tara bal kauhan ba dukiara, baha ba pât saura kan bamna.

Param Marikanka 22:3

Lahtuban dukia baha tawanka bilara kau âpu kabia. Gâd bara Sîp Luhpia king aimaki iwaika ba baha tawanka ra kabia, bara ai warkka dadaukra nani mita ai pura suni mayunbia.