Param Marikanka 22:10 - DAWAN BÎLA AISKA

¹⁰ Witin naku sin ai win: “Naha wauhkataya ra Gâd sturka ulban na, dahra yukuki bripara, baha aimakaia piua ba pat baila sa bamna.

Param Marikanka 22:10 ပူးပေါင်းရင်းမြစ်များ

Aiseya 13:6

Yul swi baku ins, kan Dawan yua ba pat baila sa. Karnika sut bri ba aula, sauhki tikaia karnika ba wal.

Aiseya 8:16

Naha bîla blikan na man nani pain wals; naha bîla nani mai wisna na, upla wala ra aisapara, yang mai smalkisna bîla nani ba.

Isikiel 12:23

Baku bamna wis: ‘Dawan ba naku wisa: Naha sinska bîla na tikamna, bara kau Israel tilara aisan kabia apia.’ Baku sin wis pat lamara pali sa, baha yua nani, diara takaia tânka kaikan nani sut ba.

Daniel 12:4

‘Sakuna, man Daniel, naha wauhkataya diara nani na yukuki bara sîl mangks, piua balbia ba kat. Upla ailal lika nahara bukra tauki kabia, ai sinska lâka kau briaia wisi.’

Daniel 12:9

Bara witin bui ai win: ‘Ban yabalkam ba nina bliki bas, Daniel, bamna naha diara nani na yukuwan ra ban bri kabia piua tnata alkbia ba kat.

Daniel 8:26

‘Diara aihka kaikram ba tutni bara titan wal tânka ba pat param mamrikan, bara baha ba kasak sa; sakuna man lika diara aisaras sâp katma, kan baha ba piua ailal lubia bara tnata alkan kabia.’

Matiu 10:27

Dîa tihmu tilara mai wisna na, man nani yu ingnika ra aisas; bara dîa wan mânka man mai wisna na, man nani utla bahna nani wina bîlam baikra tara ni aisas.

Roman 13:11

Naha sut tilara, yawan wan piua iwi na tânka luki bas, bamna kaiki bas yapan wina buaia piua ra sa. Kan blasi kata ba wal nanara lika swaki wan sakan lâka ba kau wan lamara pali sa, yawan nan Dawan bîla smalkan wali kasak lukan ba wal.

Roman 13:12

Tihmia ba pat aihkika luan sa bara yu baiwaia baila sa; baha mita tihmia ra daukanka saura nani ba mahka swiaia sa; bara suldiar kum baku war aiklabaia dukia nani ba buki bri baku, ingni prâka ba yawan dimaia sa.

2 Tesalonaika 2:3

Upla kumi mita sin yarka kunin mai munbiara. Kan baha yua kainara, Gâd mapara buaia lâka ba pas balaia sa, upla saurakira ba bal takbia, witinka tanis tiwaia pâtka ra lulkan ba.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

Param Marikanka 1:11

bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”

Param Marikanka 1:3

Lilia kaia sa, ya naha wauhkataya aisi kaiki na, bara lilia sin kaia sa, naha sturka Gâd mita blikan bara nahara ulban na ra pain wali, bîla kat dauki nani ba, kan piua ba pat baila sa bamna.

Param Marikanka 10:4

Alwani 7 ba aisi kan ningkara, yang mahka ulbaia kapri; sakuna kasbrika purara ba wina bîla baikra kum ai aisan walri: “Alwani 7 diara nani aisan ba, pain yukuki bris; baha nani ba ulpara.”

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”

Param Marikanka 22:18

Baha nani sut naha dahra aisin bîla wali ba naha wauhkataya ra ulban na, yang baha nani ra naku wisni: Ya naha bîla nani ra pura prakbia kaka, Gâd mita witin purara pâtka bribia naha wauhkataya ra ulban na pura prakan bamna.

Param Marikanka 22:20

Naha tânka latan aisasara ba mita naku wisa: “Âu, yang aihni aulni.” Baku kabia. ¡Bal, Dawan Jisas!

Param Marikanka 22:7

Jisas bila: “¡Wals, yang aihni aulni! ¡Yamni pali sa ya naha wauhkataya ra Gâd dahra aisin nani bîla kat bîla wali dauki ba!”

Param Marikanka 22:9

Sakuna witin ai win: “Man baha daukpara. Yang lika man baku Gâd dukia dadaukra kum sna, muihkam nani Gâd prapitka nani baku, naha wauhkataya ra diara nani ulban na kat bîla wali dauki nani ba wal baku sin. Gâd ra puram suni mayuns.”

Param Marikanka 5:1

King iwaika ra iwi ba mihta aihkika ra wauhtaya karban kum bri kan kaikri, bara baha bîla tani ra bara lata tani ra sin ulban kan, bara sîl 7 ni prakan kata.