Param Marikanka 21:12 - DAWAN BÎLA AISKA

¹² Tawanka ba kir walpa ni kutban kan, baha ba tara bara purara pali; get 12 bri kan bara getka bani ra insal kum. Israel taika nina 12 ba sin getka nani ra ulban kan.

Param Marikanka 21:12 ပူးပေါင်းရင်းမြစ်များ

2 Kronikas 9:19

Bara ai mina taibi ulaika ba tnaya ra, layan lilka 12 paski bapan bûi kan. ¡King nani aimakan ba kumi sin kau nahmuna yaban paskras kan!

Esdras 9:9

Yang nani alba nani sna sakuna, taiban bara alba lâka tilara ban wan lulki wan swiras sma; man daukram Persia kingka nani kupia pihni lâka ra yang nani ra tniwan, baku sin rayaki aikram man tempelkam ba kli bukaia, baha sauhki tikan ba tila wina. ¡Man sin wan kaina kahbram Juda ra bara Jerusalem ra sin!

Nihimaya 12:27

Jerusalem tawanka walpaya kutbanka ba liliaka daukaia yua aimakan ba ra, Libait nani ani anira bâra kan nani ba sut pliki, Jerusalem ra brih balan mayunaia, aiwanaia, pân taya nani binka daukaia, arp pulaia, bara drum kungbi lilia daukaia dukiara.

Lawana Nani 122:7

Kupia kumi lâka bâra kabia, man kutbankam nani ba bilara; man king wamtla bilara nani ba sut, yamni man iwi kabia.”

Lawana Nani 51:18

Saion ra yamni muns, kupiam aiska ba kira; Jerusalem kutbanka nani ba kli paskaia.

Impakan Sturka 28:21

Walpaya nani ba 12 kaia sa, Israel luhpia nani nina kulkanka ba kat. Walpaya kumi bani ra nina ba sîl ra ulbi ba baku ulban kabia, baha 12 nina ba.

Aiseya 54:12

Tawerkam nani ba, walpa manakira nani ni mâkamni, getkam nani ba sin walpa manakira ni paskamni, bara tawankam kutbanka ba sin sut walpa manakira ni paskamni.

Aiseya 60:18

Saura munaia daukanka ba man nani tasbayam ra kli walan kabia apia, sauhki tikan lâka, lâ krikanka nani sin walbia apia, sakuna kanra mika walbia, man tawankam kutbanka nina ba ‘Swaki Sakan Tawanka’, man getkam nani ba ‘Mayunra Getka nani’ mâkan kabia.

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Luk 15:10

Yang mai wisni, baha sim natka ra, Gâd insalka nani ba lilia sa upla saurakira kum ai kupia lakuya ba ra.”

Luk 16:22

Yu kumi Lasarus ba pruan, bara insal nani bui brih wan Paradais ra, Ebraham wal kaia. Ningkara waitna yuyakira ba sin pruan, bara bikan.

Apastil Nani Sturka 26:7

Israel kiamka 12 ba sut bîla kaikisa naha pramiska na aimakbia, baha mita Gâd ra mayuni, dukia sin daukisa, kakna bara tihmia. Bamna king Agripa, naha sim bîla kaikanka brisna dukiara sika Ju nani daihra kwahki banhwi na.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

Param Marikanka 21:13

Tani bani ra get yumhpa bri kan: lalma tani ra yumhpa, yahbra tani ra yumhpa, waupasa tani ra yumhpa, bara muna tani ra yumhpa.

Param Marikanka 21:15

Yang ra ai aisi kan insalka ba lika kulkaia dusa gul ni paskan kum bri kan, baha ni tawan ba, ai getka nani, bara walpa kutbanka ba kulki kaikaia.

Param Marikanka 21:25

Ai getka nani ba kakna piua prakan kabia apia, bara bahara tihmia âpu kabia.

Param Marikanka 22:14

Lilia pali sa ai kwalka nani tuski nani ba, raya kaia dusa ba wina briaia ai raitka briaia, bara sin durka nani bâk tawan ra dimaia sip kaia.