Param Marikanka 2:3 - DAWAN BÎLA AISKA

³ Kasak bapi buram sa, bara yang tâiwan kasak pât wauhram bara wark sin uya takram, swapras pali.

Param Marikanka 2:3 ပူးပေါင်းရင်းမြစ်များ

Lawana Nani 37:7

Dawan mapara sâp bas, witin bîla sin ban kaiki bas; kupiam sauhkpara watawikira nani diara dauki ba yamni baman taki ba dukiara luki.

Lawana Nani 69:7

Yang na, man tamka upla bui saura ai wisa; bamna yang maiwan ba swira lâka ni banhwan sa;

Miqueas 7:9

Dawan mapara saura daukri bamna, witin kupia baiwanka tilara ban bapi bûi kamna, witin mita yang lâika aisi dauki wapni ai sâkbia ba kat. Witin mita ingni ra ai sâkbia, bara yang lika witin kasakka lâka tânka ba kaikamni.

Mark 15:21

Cirene wina waitna kum nina Saiman, Alejandro bara Rufo wal aisika, insla wina aula kan; bara bâk luan, taibi munan Jisas dusa prihni ba twilkaia.

Luk 14:27

Ya ai dusa prihni brih twilki, nini blikras kaka, witin sin disaipilki kaia sip apia sa.

Luk 18:1

Jisas naha maprika lilka na aisin, baha nani ra marikaia dukiara nahki swapras kira ai pura sunaia ba.

Luk 21:19

¡Ban bapi bûi kama kaka, raya ban kaia lâka ba brima!

Luk 5:5

Saiman pana win: —Smasmalkra, yang nani tihmia aiska wark takri, diara kumi sin alkras; ban sakuna man baku wan wisma bamna, yang tân ba lulkamna.

Luk 8:15

Sakuna saumuk mâ nani tasba pain ra kauhan ba sika, baha uplika nani ai kupia pain ni, ridi pali Dawan bîla smalkanka ba waluya, bara piua bani kasak ban sa, bara mâ pain pali sakuya.

Jan 15:21

Naha diara sut yang tâiwan man nani ra mai munan kabia, kan naha tasba wina uplika nani mita, witinka yang ai blikan ba kakaira apia sa.

Roman 12:12

Naika diara briaia sma ba dukiara liliam bas; pât wahwisma ba ra, kupiam alki takaski bri bas. Piu bani puram sunaia lâka ba swipara.

Roman 16:12

Laikula wis Trifena ra bara Trifosa ra sin, witin nani Dawan warkka taki ba. Wan lakra Pérside ra laikula wis, witin uya pali Dawan warkka daukan.

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

Roman 8:25

Sakuna yawan bîla kaiki dukia ba sip kau kaikras sa kaka, wan kupia alki takaski baha ba bîla kaikaia sa.

1 Korint 13:7

Diara sut ba twilkisa. Diara sut ba kasak lukisa. Diara sut ba ai kainara bîla kaikisa. Diara sut mapara ban bapi buisa.

1 Korint 16:16

Bamna, yang want sna, man nani sin bahmuna uplika nani ra bawi kulki kama, bara ani uplika nani witin nani wal wark taki upla ra hilp muni nani ba ra sin.

2 Korint 10:15

Upla wala nani wark daukan ba dukiara yang nani mita maiyunras, yang nani warkki ba wina tnaya ra tawi. Baha watlika ra, yang nani lika man nani tilamra kau wark daukaia brin ai daukisa, baku man nani kau kasak luki kaia, sakuna ban yang nani warkki daukaia brisna ba wina tnaya ra tawras.

2 Korint 11:23

¿Bara witin nani ba Kraist dukia dadaukra sa ki? Yang lika witin nani purkara sna, aisisna ba sin tanis baku aisisna kuna. Bamna yang lika kau wark takri witin nani ba wal, witin nani wal yang ra kau ai wipan, silak ra sin kau ai mangkan, bara prura pâtka sin manis wauhri.

2 Korint 4:1

Ba mita, yang nani lukanki ba kauhras, kan Gâd umpira wan kaiki ba lâka ra naha warkka ra wan mangkan bamna.

2 Korint 4:16

Baku ba mita piua kumi sin yang nani si briras. Wan wîna tara ba tawa tawa mâyara iwisa sakuna, wan spiritka lika yu bani kau raya sakisa.

2 Korint 5:9

Baha mita piua bani Dawan dîa want ba kat daukaia trai muni banhwisna, wan wîna tara kau raya na piua ra sapa, wan wîna tara wina laihura kabia kra sin.

2 Korint 6:5

Baku bamna, wan wipi banhwan sa, silak ra sin wan mangkan; upla nani bin dauki wan munan, wark karna wankan taki banhri; yang nani sip sans aikras yapaia, bara plun kasak wahwi banhri.

Galesha 6:2

Pana pana wan walka wirhika ba twilki hilp munaia sa, kan baku lika man nani sip kama Kraist lâka ba aiska pali daukaia.

Galesha 6:9

Baha mita, yawan diara pain dauki swapaia apia sa; kan swapras kaka, piua pali ba kat yawan mana ba krikbia.

Pilipai 2:16

raya kaia sturka yamni ba witin nani ra yabi. Baku, Kraist balbia ba ra, man nani dukiamra yang âiyapah pali kamna, kan baku lika kaikamna bahki plapras sna bara bahki sin wark takras sna ba.

Pilipai 4:3

Bara man sin, wark daukaia mapa ra pâinika kasak sma ba, mamkabisna naha mairka nani ra hilp munma, witin nani ba yang wal swaki sakan sturka yamni ba smalki karna wark taki bamna, Clemente bara wala nani yang wal wark takan ba aikuki. Witin nani nina ba raya kaia wauhkataya ra ulban sa.

Kolosi 1:11

Yang nani Gâd ra makabisna, witin ai karnika pranakira ba ni man nani sut karnakira mai sâkbia, baku mika diara sut ra liliakira bapi bûi, wihka sin bîla kaiki kama.

1 Tesalonaika 1:3

Gâd wan Aisa mawanra kupi kraukisna, man nani nahki kasak lukan lâka wal wark takram ba, nahki latwan lâka wal wark daukram ba, bara nahki pali sin kainamra diara bîla kaikanka lâka ba Dawan Jisas Kraist kat ban bapi brisma.

1 Tesalonaika 2:9

Muihki nani, man nani pain kupiam kraukisma si, nahki wark taki trabil bri banhwatna ba, yang nani rayaki hilpka bri kaia dukiara. Kakna bara tihmia wark taki banhwi katna, Gâd sturka yamni mai smalki kapri ba ra, man nani puramra wirhika kumi sin maiki banhras katna.

1 Tesalonaika 5:12

Muihki nani, yang nani mamkabisna man nani tilamra wark taki nani ba kulki kama, witinka nani Dawan bâk sakan ba tâm briaia dukiara, bara mai smalkaia dukiara sin.

2 Tesalonaika 3:13

Muihki nani, diara pain daukisma ba ra swappara.

2 Tesalonaika 3:5

Dawan mita tâm baikbia latwan kaikaia, Gâd latwan kaiki baku, bara Kraist bapi buanka lâka bri kaia pât wahwanka ra.

2 Tesalonaika 3:8

Yang nani upla kumi pata sin aibapras piras kapri. Kuna, kakna bara tihmia wark taki banhri, trabil sin takatna, man nani tilam kat karban wirha kumi sin maikaia apia dukiara.

1 Timoti 4:10

Naha dukia tâwan sika yawan wark karna takisa, bara upla mita sin saura wan wisa, kan yawan na wan kainara diara briaia ba, Gâd rayakira kat brisa, bara witin sika upla sut Sasakrika ba, bara kau pali lika kasak luki nani ba.

1 Timoti 5:17

Almuk nani serts tâ pain bri nani ba, witin nani ba aima wâl prais kulkan kabia, bara kau pali baha nani upla nani ra aisaia bara smalkaia warkka karna dauki nani ba.

Hibru Nani 10:36

Man nani ba wihka bîla kaikaia lâka want sma, bara baku mika sip kama Gâd kupia lâka ba kat dauki, witin mita dîa pramis daukan ba briaia.

Hibru Nani 12:1

Baha mita, yawan lika witnis ailal kutbi kir wan brisa. Baku bamna, dîa dîa yawan mapara wirha wan muni ba bara saurka mita wan blaki ba sin tnaya ra laki swip, bara wan kainara plapaia yabalka bri ba ban bapi buaia lâka ni plapi kap.

Hibru Nani 13:13

Baku bamna, yawan kiamp lata tani ra taki Jisas ra wap, bara witin ra bahki kulkan ba sin wal aikuki twilkpi.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

Hibru Nani 6:12

Yang nani want apia sna man nani ba sringwaskira takma, sakuna baha nani kasak luki bara wihka bîla kaiki, Gâd ba diara yaia pramis munan bri nani ba baku, man nani sin kama.

Hibru Nani 6:15

Ebraham wihka bîla kaikan, bara baku Gâd ba diara yaia pramis munan kan ba witin brin.

2 Pita 1:6

tânka briaia lâka ra, wan wîna alki takaski ba, wînam alki takaski briaia ra, wan kupia alki takaskanka; wan kupia alki takaskan ra, kasak kulkan lâka ba;

Param Marikanka 1:9

Yang Jan, man nani muihkam sna, bara man nani wal aikuki asla sna pât wahwan nani mapa ra, Gâd King aimaki ba lâka ra, bara ban bapi buaia lâka Jisas Kraist mita wanki ba ra sin. Kî dakura kum nina Patmos wi ba ra lulki ai swin kan, Gâd sturka yamni aisi smalkri ba tâwan, bara Jisas Kraist witniska aisari ba tâwan sin.

Param Marikanka 3:10

Ban bapi buaia lâika ba ban bri kapram, baha ba mita tasba aiska ra trabil balaia piua ba wina ban pain mai bri kamna; baha trabilka ba lika tasba ra iwi uplika sut ra traika kaikbia sa.