Param Marikanka 2:27 - DAWAN BÎLA AISKA

²⁷ Aisiki mita yang ra karnika aikan ba baku; bara baha nani kriki tikbia sim sumi nani slaubla ni paskan kan kriki tiki ba baku.

Param Marikanka 2:27 ပူးပေါင်းရင်းမြစ်များ

Lawana Nani 49:14

Witin nani sîp daknika baku, pruan nani tasbaya mihta ra mangkan sa, raiti kat brih auya, sîp nani kan baku. Yapi lalawbia ningkara, upla yamni nani ba, witin nani pura lui bubia bara ai karnika ba lika âpu takbia bara raiti ba, witin nani iwaia watla takbia.

Aiseya 30:14

Man nani ba sumi dakawa kriki baku mai krikan kabia, kriki yuya lupia baman taki ba baku takma, kau pîska kumi pan sâkbia apia pauta aswan mangki utla wina bri balaia, apia kaka liwanhta wina lî sakaika pan briaia.”

Jirimaya 19:11

bara witin nani ra wis: ‘Karnika sut bri Dawan ba, aisisa: Uplika nani na kriki yuya baman daukamna naha tawanka ra, upla kum sumi kriki yuya man dauki sip kli paskras ba baku. Plis wala âpu kabia, upla pruan nani sut ba Tófet ra baman bikbia.

Daniel 7:18

Sakuna baha ningkara, king lâka Gâd Laih Purara iwi ba uplika nani mihta ra mangkan kabia, bara ai dukia kabia ban kaia ra.’

Daniel 7:22

Almuk ba balan ba ra, kasakka lâka kat Gâd Laih Purara iwi ba uplika nani lâka ba daukan, bamna piua ba aimakan kata Gâd uplika nani ba king tasbaya ba alki briaia.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Luk 22:29

Baha mita, yang bui man nani ra king lâka kum maikaisna, Aisiki mita yang ra aikan ba baku.

Jan 17:24

“Aisa, man mita sika baha nani aikram ba, bamna want sna baha nani sut yang bâra kamna pliska ra kabia, bara baku mika man prana aikram ba kaiki kabia; kan man mita latwan ai kaikram kau tasba na âpu kan piua ba wina.

Param Marikanka 12:5

Bara mairin ba luhpa waitna kum baikan, bara naha tuktika sika nisan nani sut purara king aimakbia ayan klalka nani kira. Ningkara, ai luhpia ba ai mihta dakban kan, bara Gâd mawanra bara ai king iwaika mawanra brih wan kata.

Param Marikanka 19:15

Ai bîla wina sord mala kum taki kan, baha ni upla sât sât pura luaia dukiara. Witin baha nani purara wihta aimakbia ayan klalka ni, bara witin nani lâka daukbia upla kum ai mina ni wain mâ taibi laya saki ba baku, bara Gâd witinka karnika sut bri ba kupia baiwanka tara wainka ba, baha nani ra yaka dibia.