Param Marikanka 19:12 - DAWAN BÎLA AISKA

¹² Ai nakra nani ba pauta lakni baku klauhi kan, bara ai lal purara kraun ailal bri kan. Nina ulban kum bri kan, bara witin baman baha ba kakaira kan.

Param Marikanka 19:12 ပူးပေါင်းရင်းမြစ်များ

Blasi Sturka 32:29

Bara Jekob pana witin ra makabi walan: —Nanara man sin ninam ba ai wis. Sakuna waitna ba pana witin ra win: —¿Dîa muni man bui yang nini makabi walisma? Bara baha kat waitna ba Jekob ra ai yamnika ba yaban.

Lawana Nani 8:5

Man bui witin ba gâd lamkika ra paskram sa, witin ra mayunaia, pain kulkaia lâka ni kir kutbram sa,

Impakan Sturka 23:21

Witin ba wina laihura takpara, bara ai bîla sin wali dauki bas, ai mapara bupara, kan witin bui yang nini brih wataukisa bara man nani saurkam sin ban swih tikbia apia sa bamna.

Sins Lâka 30:4

¿Yamna kasbrika purara uli wan bara kli bal iwan? ¿Yamna pâsa nani ba ai mihta kruskan ra alki briaia sip ba? ¿Yamna kabu laya nani ba ai watlika ra alki mangkan? ¿Yamna tasba tnata lainka nani sut dutki bapan? ¡Yang ra ai wipara ai nina ba nu sma, bara kau pali ai luhpia nina ba!

Yamni Kulki Lawana 3:11

Saion mairka nani, ¡king Salaman aula ba, taki kaiks! Ai kraunka ai lal ra mangki aula, baha lika ai yaptika mita dauki yan ba, witin ai maya wal marit takan ba yua dukiara, baha yua kau lilia ba, ai rayaka sut ra.

Aiseya 62:3

Bara man ba mayunra kraunka kum kama, Dawan mihta ra bara king tasbaya kraunka kama man Gâdkam mihta bilara.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Daniel 10:6

Ai prâka ba lipi kan walpa lalahni manakira lipi ba baku kan, ai mawan ba lipi kan imyula lipi ba baku, ai klahkla nani bara ai mina nani ba lipi kan bras lipi ba baku, ai bîla baikra binka ba upla ailal aisi ba baku kan.

Sakaraya 9:16

Baha yua ra, Dawan ai Gâdka ba mita ai uplika nani ba swaki sâkbia sîp daknika kum baku, bara witin ai uplika nani ba ai kuntrika pali ra king kraunka walpaya pranakira nani baku ingwi kabia.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Matiu 21:5

“Man nani Saion tawanka ra wis: ‘Kaiks, Kingkam ba man ra aula, bawikira pali, biriku kum purara uli, biriku luhpia sin, baha ba wark daiwra luhpia kum.’ ”

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Luk 10:22

“Diara nani sut na Aisiki mita yang ra atia aikan sa. Upla kumi sin Luhpia ba kaikras, Aisiki yakan mika; bara upla kumi sin Aisa ba kaikras, Luhpia baman bara baha nani Luhpia mita yarka kakaira takaia want ba baman.”

Jan 17:11

“Yang lika kau naha tasba ra takaskamna apia; sakuna witin nani lika tasba ra kabia, kan yang lika auna man wal kaia. Aisa Holikira, ninam karnika ba ni baha nani ra main kaiki bri bas, baha ninam yang ra aikram ba, bara baku mika witin nani sut asla kabia, sim man ba yang wal asla ba baku.

Jan 17:12

Yang naha tasba ra witin nani wal katna ba ra, man aikram ba sut main kaiki, kan kahbi bri kapri. Bamna witin nani wina kumi sin tiwras, sakuna witinka pat tiwan kata ba lika, Ulbanka dîa aisi ba aimakaia dukiara.

Epesus 1:21

Kraist lika kasbrika purara karnika bri nani ba sut purkara kau karna sa, lâ karnika alki nani ba, dawan taki nani ba, pura aimaki nani ba, nina wala nani ba nanara bara naika bâra mâkbia ba sut purkara sin.

Hibru Nani 2:9

Sakuna yawan Jisas ba kaikisa, witinka Gâd mita piu wiria insal nani wina kau mâyara mangkan kan ba. Gâd ai latwanka mita want kan, Jisas ba upla sut dukiara prubia; bara nanara witin prura pâtka wahwan ba mita, prana kraunka ba bara pain kulkan lâka kraunka ba sin witin ra yaban sa.

Param Marikanka 1:14

Ai tâwa nani ba pihni kan, sim sîp tâwa pihni ba baku, bara sno pinhka baku, bara ai nakra nani ba lika pauta lakni klauhi ba baku kan.

Param Marikanka 12:3

Baha ningkara kasbrika purara sain wala kum takan: Baha ba dragun pauni kum kan, ai lal 7 bri kan, aringka matawalsip bara ai lal bani purara sin kraun kum.

Param Marikanka 13:1

Bara yang daiwan saura kum kabu wina bal uluya kan kaikri; witinka ba lal 7 bri kan, bara aringka matawalsip. Ai aringka bani ra kraun kum bri kan, bara ai lal nani ra Gâd kupia sauhkaia nina kum ulban kata.

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.

Param Marikanka 6:2

Yang kaikri, bara bahara aras pihni kum kata, bara purara uli kan ba lika ai mihta ra pantamangka kum bri kan. Witin ra kraun kum yan, bara witin ba sip muni pura lui bal takan, bara pura luaia mata.

Wihta Nani 13:18

Sakuna insal ba kli witin ra win: —¿Man dîa kan nini ba walisma? Yang nini tânka ba sika dahra prakan tânka kum sa, aihkakira sin.