Param Marikanka 19:1 - DAWAN BÎLA AISKA

¹ Naha ningkara, upla ailal bîla baikra tara kasbrika purara aisi kan, yang walri: “¡Dawan nina ba mayunan kabia! Swaki sakan lâka ba, prana ba bara karnika ba, wan Gâdka dukia sa.

Param Marikanka 19:1 ပူးပေါင်းရင်းမြစ်များ

1 Kronikas 29:11

¡Dawan, man dukiam sa tara kulkan lâka ba, karnika ba, prana ba, pura luan lâka bara king lâka ba sin! Kan kasbrika purara diara nani bâra ba, bara tasba ra bâra ba sut ba sin man dukiam atia sa, king lâka ba man dukiam sa, bamna man Dawan sika sut purkara sma.

Lawana Nani 104:35

¡Upla saurakira nani, tasba wina âpu daukan kabia! ¡Watawi dadaukra nani âpu takbia! ¡Dawan ra yamni wis, yang sulki! ¡Dawan nina ba mayunan kabia!

Lawana Nani 106:1

¡Dawan nina ba mayunan kabia! Man nani bui Dawan ra tingki wis, kan witin ba yamni sa bamna, ai latwanka lâka ba ban kaia ra ban sa.

Lawana Nani 111:1

¡Dawan ba mayunan kabia! Dawan ra mayunamni kupi aiska kira, upla wapnikira asla takanka ra, bara tawan aiska asla takanka ra sin.

Lawana Nani 115:18

Sakuna yang nani lika, witin ra mayunamni nanara bara ban kaia ra. ¡Dawan nina ba mayuns!

Lawana Nani 146:1

¡Dawan ba mayunan kabia! Dawan nina ba kupi aiska ni mayunamni.

Lawana Nani 148:1

¡Dawan ba mayunan kabia! ¡Dawan ra mayuni banhs kasbrika pura ba wina! ¡Dawan ra mayuns laih purara ba wina!

Lawana Nani 149:1

¡Dawan ba mayuns! Dawan ra lawana raya kum aiwans, upla kasakkira nani witin ra mayunaia sa.

Lawana Nani 150:1

¡Dawan ba mayunan kabia! ¡Gâd ra mayuns, witin wal aisaia watla ra! ¡Witin ra mayuns, ai karnika bri ba kasbrika purara sangni ba ra!

Lawana Nani 3:8

Dawan, man sika swaki sakisma ba; bamna yamnikam, uplikam nani ra yas.

Lawana Nani 62:11

Kau aima kumi walri naha Gâd aisin ba: karnika ba, bara latwan lâka ba witin ai dukia sa.

Jirimaya 51:48

Kasbrika purara tasba ra diara nani bâra ba sut lilia banhwi kabia Babilon kauhbia ba ra, sasauhkra nani ba yahbra wina witin ra balbia ba ra. Yang, Dawan, kasak aisisna.

Jona 2:9

sakuna yang lika, tingki mai wiaia sakripaiska ba dauki maikamni; dîa dauki maikaia mai wîri ba daukamna. ¡Dawan, man baman upla swaki sakaia sip sma!”

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 12:10

Bara kasbrika purara bîla baikra tara kum walri, naku aisin: “Swaki sakan lâka ba pat balan. Yawan wan Gâd karnika ba kingka lâka ba, nanara Kraist karnika ba marikan sa. Kan wan muihni nani dahra kwakwahkra ba saki lulkan sa, witinka kakna bara tihmia wan Gâdka mawanra baha nani dahra kwahki kata ba.

Param Marikanka 19:6

Upla ailal bîla baikra baku sin walri, lî aubra binka baku, alwani nani karna binka baku sin. Baha nani naku aisi kan: “¡Dawan nina mayunan kabia! Kan Dawan ba wihta aimakaia lâka ba bukan sa, wan Gâdka karnika sut bri ba.