Param Marikanka 18:23 - DAWAN BÎLA AISKA

²³ Lamp kumi ingnika sin man ra kli angkan kabia apia, marit takan lilia binka nani sin kli walan kabia apia. Dukiam âiatkra nani ba tasba aiska ra kau karnika bri kan, bara sukikam lâka ni nisan sât sât nani ra kunin munram ba.”

Param Marikanka 18:23 ပူးပေါင်းရင်းမြစ်များ

2 King Nani 9:22

Bara Joram ba Jehú kaikan ba ra win: —¿Kupia kumi lâka sturka brih aulma ki, Jehú? Bara Jehú pana win: —¿Dîa kupia kumi lâka bâra kabia, man mamikam Jezabel ba ur takan baman tauki ba, bara sukia lâka ba sin swiras ba?

Job 21:17

¿Ahkia upla watawikira nani ingnika ba daswata ki? ¿Ahkia pât ra dimata ki? ¿Ahkia Gâd bui witin nani wal ai kupia sauhkan bara munan pât wahwata?

Sins Lâka 24:20

kan upla saura nani ba naika diara yamni bribia apia; upla watawikira ba lamp kum baku daskan kabia bamna.

Aiseya 23:8

¿Ya naha lâka na naku Tiro purara daukan, witin sika king tawanka kata ba, ai wihtka tara nani ba, diara âiatkra nani kan, witin ai dukia âiatkra nani ba, tasba ra upla tara karna nani kan ba?

Aiseya 47:9

Damra walras kira, yu kumi bilara, diara saura wâl ba man ra takbia: piarka bara luhpias takma, ban sukia warkka smaya kaikaia bara yapi kaikaia warkka tnata âpu daukram sakuna.

Jirimaya 16:9

Yang, Dawan karnika sut brisna, Israel Gâdka, param aisisna: Naha kuntrika ra lilia lawana nani aiwani, lilia dauki ba maya baiki aiwani ba sut takaskaisna. Naha sut man nani yuam ra baku takbia, bara man nani baha kaikma.

Jirimaya 25:10

Yang daukamna witin nani ai tilara lilia mita aiwani lilia kaia kli daukan kaia apia, maya baiki lawana sin aiwanaia apia, akbaia walpaya nani binka sin walaia apia, lamp angki ingnika nani ba sin kli kaikaia apia.

Jirimaya 7:34

Yang daukamna Juda tawanka nani ba bara sin Jerusalem tawanka yabalka nani ra lilia dauki aiwananka ba, maya baiki lawana nani aiwani ba sut lap tiwaia; tasbaya aiska ba upla iwras tasbaya baku bîla man swimna.”

Nahum 3:4

Bara naha sut na rug lâka saura tâka, ur mairin ai prana wal yamni kaiki sukia ra smasmalkra ba, ai rugka lâka bara sukia lâka wal, tawan nani ra kunin muni kan bara nisan nani ra sin.

Apastil Nani Sturka 8:11

Baku upla nani ba ai bîla wali kata, kan piua wihka wina sukia aimaki upla nani ra kunin muni kan.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 17:2

Naha tasba kingka nani, witin wal rug lâka daukan, bara tasba ra iwi uplika nani ba witin rugka lâka wainka ba dih bla takan.”

Param Marikanka 17:5

Ai lal purara sin dahra prakan nina kum ulbi bri kan: “Babilon tara ba, mairin rugkira nani yaptika bara tasba ra misbara lâka nani ba sut yaptika sin kan.”

Param Marikanka 18:22

Bara yabalkam nani bilara arp nani binka, plut nani binka, trumpit nani binka sin kli walbia apia; wark tatakra sât sât sin man ra kli âpu kabia, akbaia walpaya binka ba sin man ra kli walbia apia.

Param Marikanka 18:3

Kan upla sut ai rugka lâka saura wainka karna ba dih bla taki banhwan. Naha tasba kingka nani sut witin wal tâski lâka daukan, bara tasba ra diara âiatkra nani ba lika, witin ai yuyaka ailal tanis tiki kan ba wina lalahkira nani takan.”

Param Marikanka 18:9

Tasba kingka nani witin wal tâski lâka daukan ba, ai yuyaka sin tanis tiki kan ba, baha tawanka ba pura mata ini yahwi kabia, witin ami ba kiasmika kaikbia ba ra.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.

Param Marikanka 22:5

Bahara tihmia âpu kabia, bara bahara iwi nani ba lamp ingnika, yu lapta ingnika sin luha kabia apia, kan Dawan Gâd mita witin nani ra ingni yabia, bara witin nani king aimaki kabia ban kaia ra ban.

Param Marikanka 6:15

Bara tasba kingka nani ba, upla tara nani ba kira, lalahkira nani ba, suldiar wihtka tara nani ba, karnakira nani ba, alba nani ba bara pri uplika nani sut sin, kipla unta nani ra bara il walpakira nani ra sin wih yukuwan;

Param Marikanka 9:21

Ai kupia sin lakras upla nani iki ba swiaia, sukia lâka nani, bara rug lâka nani, diara impliki nani ba sin swiras.