Param Marikanka 18:21 - DAWAN BÎLA AISKA

²¹ Bara insal karnakira kum ba walpa kum bukan, baha ba akbaia walpaya tara baku kan; bara kabu ra lulki, naku win: “Babilon, tawan tara ba, sim naha walpaya naku mai batakan kabia, bara upla kumi sin kli mai kaikbia apia.

Param Marikanka 18:21 ပူးပေါင်းရင်းမြစ်များ

Nihimaya 9:11

Witin nani kaikan man kabu ba tar baikram ba, bara tasba lâwan bâk uplikam nani ba tapahki brih waram; sakuna witin nani nina bliki banhwi nani kan ba sut, kabu tihuka ra rungkram, walpa kumi lî tihuka ra lulkan dimwi ba baku.

Job 20:8

Yaprisauhkan baku âpu takan kabia, tihmia ra diara aihka kum kaikan ba baku, upla kumi mita sin ai tânka briras kabia.

Lawana Nani 37:36

sakuna yang kli bal lui kaikaia plikri ba ra, pat taki wan bâra âpu kan.

Impakan Sturka 15:5

Witin nani walpa baku kabu tihuka kat rungwi iwan, bara kabu tihuka tara ba witin nani pura bikan.

Isikiel 26:21

Diara kum sibrinkira ra mai lakamni, bara tasba ba wina sin mai sakamni. Mai plikbia, bara mai sâkbia apia. Yang, Dawan, kasak aisisna.”

Daniel 11:19

Baha pali wina, king bui baha kan kahbaika pliska nani sut ba sakan kabia, sakuna ai rayaka ra pât kum alkbia ba bui ai mina prukan kabia, bara witin dukiara kli sin diara walbia apia.

Param Marikanka 10:1

Bara insal karnakira wala kum, kasbrika pura ba wina bal iwuya kan kaikri. Witin ba kasbrika kum ni dingkan kan, bara ai lal purara kumadura kum bri kan; ai mawan ba wan yu lapta baku ingwi kan, bara ai kuhma nani ba lika pauta lakni playa nani baku kan.

Param Marikanka 12:8

sakuna witin nani aiklabanka ba sip pura luras kan, bara dragun ai insalka nani wal kasbrika purara pliska âpu takan.

Param Marikanka 16:20

Bara kî dakura nani ba sut, lî nani ba sin lap tiwan.

Param Marikanka 18:10

Witin nani Babilon rausauhkanka ba sîa laihura takaski, naku aisi kabia: “¡Alai, alai, Babilon, tawan tara, tawan karnikira! Wan nakra klipan kum ra klalkam balan sa.”

Param Marikanka 18:22

Bara yabalkam nani bilara arp nani binka, plut nani binka, trumpit nani binka sin kli walbia apia; wark tatakra sât sât sin man ra kli âpu kabia, akbaia walpaya binka ba sin man ra kli walbia apia.

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.

Param Marikanka 5:2

Insal karnakira kum kaikri, bara witinka ba ai bîla baikra tara ni wini, makabi wali kan: “¿Ya ba aitani sa sîl nani ba kriki, wauhkataya ba kwâkaia?”