Param Marikanka 17:3 - DAWAN BÎLA AISKA

³ Spirit ba ai karnika munhtara ai brin, bara insal ba mita upla iwras tasbaya ra ai brih wan. Bahara mairin kum kaikri daiwan saura pauni kum purara iwi kan, bara daiwra wîna tara pura aiska ba, Gâd mapara saura aisaia nina baman kan; baha ba lal 7 bri kan, aringka sin matawalsip.

Param Marikanka 17:3 ပူးပေါင်းရင်းမြစ်များ

1 King Nani 18:12

Yang wamna ba ningkara dîa takbia ba lika, Dawan spiritka ba bui mai brih wabia yang nu âpu sna ba pliska ra. Bara Ahab ra sturka wih maisa paki si balamna ba ra, witin nahara mai sakras kaka, witin ai ikbia. Man albikam na, wahma wina Dawan ra sibrin lukisna.

2 King Nani 2:16

bara naku wi banhwan: —Yang nani tilira kaiks, dukiam dadaukra nani, kupia karnira nani 50 nâra sa. Swis witin nani nanara wabia, bara smasmalkra ba plikaia, ban kra Gâd spiritka bal bukan bara il bahna ra, apia kra il langnika bîla ra kra bri si swin sa baku sa. Bara witin win: —Apia, upla kumi sin man nani blîkpara.

Yamni Kulki Lawana 8:5

¿Naha na ya sa ki, upla iwras tasbaya ba wina taki aula ba, ai latwankira waitna pahpaya ra prawi? Apil dusa kum mununhtara yapram ba wina mai bukri: baha pliska ra man yaptikam aisubaia latwanka brin ba, bahara man yaptikam mai baikan.

Isikiel 11:24

Tisku Gâd karnika bal ai bukan, bara kli ai brih wan Babilon ra, tasbaya wina sakan uplika wala nani bâra kan ba tilara naha takan, kan lilka kum Gâd spiritka mita ai marikan ba mita. Ningkara lilka ba kli lap tiwan.

Isikiel 3:12

Ningkara Gâd karnika ba mita ai bukan, bara bin tara kum yang ninira ba walri tasba nikbi baku takan, Dawan prana tara ba ai pliska ba wina buan ba ra.

Isikiel 8:3

Bara baha uplika ai mihta sakban, bara tâiwa ra alkan; bara Gâd karnika ba mita pâsa purara ai bukan, Gâd mita lilka nani daukan ba natka ra, Jerusalem ra ai brih wan, bara tawan bîla getka dimaia kat ai swin, baha wina yahbra tani ra tawi ba bahara sika aidul Dawan kupia tuski kupia baiki ba bâra kan.

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 7:20

Baku sin tânka briaia brin ai dauki kan aringka matawalsip bri kan ba; bara aringka sirpi ba nakra nani bri kan, bara diara tara nani aisi kan, ban kaikan kata aringka wala nani sut ba wal kau tara baku kan, bara baha ba wala watlika yaia dukiara aringka yumhpa sin kauhan kata.

Daniel 7:25

Gâd Laih Purara iwi ba swira dauki kabia, bara uplika nani ra sin âpu dauki kabia, ban trai munbia Gâd lâka ba lakaia, baku sin Gâd lilia yua tara daukaia ba, Gâd uplika nani ba ai karnika mununhtara kabia mani yumhpa pura bakriki.

Daniel 7:8

“Kau yang aringka nani ra kaiki kapri, aringka nani tila ba wina aringka sirpi kumi urhwi takan, aringka nani ba wina yumhpa daiki sakan kata wala bal takuya ba dukiara, baha ba upla nakra nani baku bri kan, bara ai bîla ni diara tara nani aisi kan.

Matiu 27:28

Bamna ai kwalka ba daiki, kwala pauni kum dingkan,

Apastil Nani Sturka 8:39

Witin nani lî wina ulan ba ra, Dawan Spiritka mita Pilip ba brih wan, bara waitnika witin ra kli kaikras kan; sakuna witin ai âuyapah ai yabalka ra impakan.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

Param Marikanka 1:10

Bara Dawan yua kumi ra, Spirit Holikira mita ai karnika munhtara ai brisata, bara nini tani ra bîla baikra tara kum walri, sim trumpit binka baku,

Param Marikanka 12:14

Sakuna mairin bara yakal tnawa tara wâl yan kan, upla iwras tasbaya pliska ba ra pâli wabia wisi; mani yumhpa pura bakriki witin ra plun dakaki kaia kan ba pliska ra, piuta ba wina laihura bâra kaia.

Param Marikanka 12:3

Baha ningkara kasbrika purara sain wala kum takan: Baha ba dragun pauni kum kan, ai lal 7 bri kan, aringka matawalsip bara ai lal bani purara sin kraun kum.

Param Marikanka 12:6

Mairka ba lika upla iwras tasbaya ra plapan; bahara Gâd bui witin ai pliska kum ridi daukan kan, bara bahara sin yu 1,260 prais, witin ra plun dakaki kabia.

Param Marikanka 17:18

Mairin kaikram ba lika baha tawanka tara ba sika, naha tasba kingka nani purara karnika alki taibi bri ba.”

Param Marikanka 17:4

Mairka na kwala balianta talia bara pauni sin dimi kan, gul ni, walpa painkira nani bara walpa manakira nani ni sin aiskahkan kan. Ai mihta ra gul kapka kum bri kan diara tâski baman banhki, ai rugka lâka dukia saura sin banhki.

Param Marikanka 18:12

diara nani kwahki gulka nani, ai silbarka nani, ai walpaya manira nani, ai walpaya klauhira nani, linin kwalka painkira nani, silk kwalka nani, balianta talia kwalka nani bara kwala pauni nani suni kan ba; dus kîa painkira sât sât, elepant napa ni paskan dukia nani, dus painkira ni paskan dukia nani, bras ni paskan dukia nani, ayan ni bara walpa pihni ni paskan dukia nani;

Param Marikanka 18:16

bara naku wibia: “¡Alai, alai, tawan tara ba mapara saura pali sa! Mairin kum linin kwalka painkira dimi bara kwala balianta talia pauni wal dimi baku kan, bara gul ni, walpa manakira nani bara walpa klauhira nani ni ai wîna tara ba skahki kan.

Param Marikanka 21:10

Spirit ba yang purira karnika brin, bara insal ba mita il tara kum purara ai brih wan. Witin Jerusalem, tawan holikira ba, ai marikan; baha ba lika kasbrika pura ba wina bal iwuya kan, Gâd mawan wina.

Param Marikanka 4:2

Baha pali piua ra Spirit ba ai karnika munhtara ai brin, bara kasbrika purara king iwaika kum bâra kan kaikri, bara kingka iwaika ba ra upla kum sin iwi kata.