Param Marikanka 16:9 - DAWAN BÎLA AISKA

⁹ Sut ba saura pali angkan kan, bara witin nani ba Gâd nina ra diara saura nani aisan, witinka naha pâtka tara nani purara karnika bri ba; sakuna witin nani ai kupia lakras, witin ra sin mayunras.

Param Marikanka 16:9 ပူးပေါင်းရင်းမြစ်များ

2 King Nani 6:33

Bara kau witin baha nani wal aisi kan ba ra, baha sturi twatwilkra Ilaidsa ra balan bara win: —Kasak pali baha Dawan lawanka ba aula bika, ¿dîa kau yang bui witin wina bîla kaikaia sna ki?

2 Kronikas 28:22

Bara pât tilara kan sakuna, witin Dawan ra tniwras kata. ¡King Ahaz ba baku kan!

Aiseya 1:5

¿Dîa muni man nani klala kau makabisma? Wînam aiska ba mai wipan sa. Lamla ba insauhkan sa, karnikam sin aiska âpu pali takram sa.

Aiseya 8:21

Witin nani tasba kum wina tasba wala ra taiban lâka ra taki wabia, plun dauki kabia; plun dauki ba mita, ai kupia baiki kabia. Ai kingka ra, ai gâdka ra sin lahtubia. Witin ai mawan na purara tawi kaikbia

Jirimaya 13:6

Yu ailal luan ba ningkara, Dawan bui ai win: “Éufrates awalka ra was, maisam wilkaika yukukaia mai wisatna ba saki bri bal.”

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Isikiel 24:13

‘Jerusalem, yang brinki kan tâski ba wina pri lâka brima, kuna man klin takras kapram. Man klin takma, yang kupi sauhkanka puramra blikamna ba kat lika.

Luk 13:3

Yang mai wisni, apia; man nani sin saurkam nani wina Gâd ra kupiam lakras sma kaka, sut tanis tiwma.

Luk 13:5

Yang mai wisni, apia; man nani saurkam wina Gâd ra kupiam lakras kaka, sim baku tanis tiwma.”

2 Korint 12:21

Sibri sna kli balamna ba ra, Gâdki mita man nani dukiamra ai munka swiri takamna, bara ai munka upla manis dukiara inamna pat piua wihka saura daukisa sakuna tâski lâka ba sip swiras ba dukiara, waitna mairin wal marit âpu kira briaia lâka bara lâ saura lan takan ba dauki ban ba dukiara sin.

Jasua 7:19

Bara Jasua bui Acán ra makabi walan: —Luhpi, pain kulkan mayunan lâka ba Dawan Israel Gâdka ra yas, man dîa daukram ba damra ba yukukpara, ai wis.

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.

Param Marikanka 14:7

Bara witin ai bîla baikra tara ni aisi kan: “Man nani bui Gâd ra sibrin luks bara mayunra sin yas, witin ba lâ daukaia awarka ba pat aimakan sa bamna. Gâd ra puram suni mayuni bas, witinka ba kasbrika purara, tasba, kabu, bara lî kârma nani sin paskan ba.”

Param Marikanka 16:21

Walpa tara nani sin kasbrika pura ba wina upla nani purara bal kauhan, bara walpaya bani ba 100 paun prais bri kata. Bara upla nani Gâd mapara diara saura nani aisan, walpa tara bal kauhan ba dukiara, baha ba pât saura kan bamna.

Param Marikanka 2:21

Witin ra sans yâri ai kupia lakaia, sakuna swin daukras sa witin ai rugka lâka ba wina.

Param Marikanka 9:20

Bara upla wala nani baha pâtka saura nani mita ikras kan ba, ai kupia lakras, diara saura nani dauki kan ba sin swiras, lasa nani ra ai pura suni mayuni kan ba gul ni, silbar ni, gul ni, walpa ni, dus ni paskan nani ra ai pura suni mayuni kan ba sin swiras, baha nani sip aisaras bara sip kaikras, sip walras, sip sin wapras ba.