Param Marikanka 16:15 - DAWAN BÎLA AISKA

¹⁵ “Man nani kaiks, yang na bîli kaikras kan aulni, âimplikra baku. Yamni pali sa, ya aihwaki bara ai kwalka sin ban bri ba, witin ba kwala âpu takbiara sîa, bara upla sut mawanra sin ai swira takbiara sîa.”

Param Marikanka 16:15 ပူးပေါင်းရင်းမြစ်များ

Impakan Sturka 32:25

Moses kaikan upla nani ba sip ai dahra walras pali, ban yaka ai waihla nani mita ai lawaska kikaia daukan, baha purkara Eran mita sin tâ baikan baku daukaia,

Aiseya 47:3

yabrika wînam ba kwala luha kaprika mai kaikbia, âu, dîa susu pali kama, kan pana mana aibapaia daukamni bara upla kumi sin ai takaskbia apia.”

Isikiel 16:37

Baha mita, yang lilam nani sut asla daukamna, kupia lâka daukram ba, latwan kaikram nani sut ba bara misbara kaikram nani sut ba; man lamam kir asla kukamni, bara witin nani mawanra, kwala luha mai sakamna, bara baku susu mai kaikbia.

Oseas 2:3

Witin baku daukras kabia kaka, susu dauki swimna: witin aisubi takan ba yua ra, dîa luha kata ba baku, upla iwras tasbaya baku daukamna, tasba lâwan baman kabia, bara lî diran bla yarka prubia.

Abakuk 2:15

¡Man nani sarkam pali ai daukisa, uplikam nani ra diara dauki dakakisma ba; bla saura takbia dukiara, wain wal abalki dakakram baha dih, bla taki ba, baku dauki munrika susu takbia bara ai wîna ba kaikaia dukiara!

Matiu 25:13

Bara kau pura praki Jisas witin nani ra win: —Man nani aihwaki bas, yang balaia yua, bara awarka ba sin kaikras sma bamna.

Matiu 26:41

Aihwaki puram suni bas, traika kaikan ra kauhmara sîa. Kasak pali, spiritkam ba wilin sa, sakuna wînam ba lika swapni sa.

Mark 14:38

Man nani aihwaki, puram suni bas, bara traika kaikan ra kauhma apia. Spiritkam ba karna sa, sakuna wînam tara ba swapni sa.

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

2 Korint 5:3

baha ba prâk baku wan dingkan kabia, prâk âpu wan taya baman ba baku kaia apia ba mata.

1 Tesalonaika 5:4

Sakuna, muihki nani, man nani lika tihmia ra apia sma, bamna Dawan yua ba mita âimplikra baku mai alkbia apia.

1 Tesalonaika 5:6

Baku bamna, yawan na wala nani ba baku yapaia apia sa; yawan lika raya kaia sa bara wan dara sin pain wali kaia sa.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

2 Pita 3:10

Sakuna Dawan yua lika balbia, bîla kaikras ba piua ra, sim âimplikra tihmia ra aula ba baku. Bamna bin tara ni kasbrika purara nani sut âpu daukan kabia, bara dîa dîa bilara ba pauta mita âpu daukbia, bara tasba na sin dîa dîa bilara ba sut aikuki, Gâd lâ tara daukbia ba ra kahban kabia.

Param Marikanka 22:7

Jisas bila: “¡Wals, yang aihni aulni! ¡Yamni pali sa ya naha wauhkataya ra Gâd dahra aisin nani bîla kat bîla wali dauki ba!”

Param Marikanka 3:11

Yang aihni aulni. Bamna dîa brisma ba pain alki bri bas, upla kumi mita sin prisantkam ba mihtam wina dakbi bribia.

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.