Param Marikanka 16:1 - DAWAN BÎLA AISKA

¹ Bara yang bîla baikra tara kum, Dawan wal aisaia watla ba wina insal 7 ba aisi kan walri: “Man nani wih Gâd klalka saura tara kapka 7 ba tasba purara laiks.”

Param Marikanka 16:1 ပူးပေါင်းရင်းမြစ်များ

Lawana Nani 79:6

¡Lawankam tara ba, yas idan kingka lâka nani ba purara kauhbia witin nani ba mai kakaira apia, bara man ra sin ai pura sunras!

Jirimaya 10:25

Man lawankam ba nisan wala nani purara laiks, witin nani mai kakaira apia ba, man ra mamyunras uplika nani ba purara, witin nani sika Jekob kiamka nani kata ba sut langki pin, sut pali sauhki tikan, bara kuntri ba sut sauhki swin.

Isikiel 10:2

Bara waitnika linin kwalka prâka dimi kan ba ra aisan, bara win: “Wagin wilwaika nani untika ba ra dims, rayaka bri nani ba tnawa munhtara, masku aswan nani yukukan bâra ba wina mihtam kum bris baha ai rayaka bri tnawa nani ba lilapas wina, bara tawan ba purara yakas.” Bara kaikri nahki waitna ba diman kan.

Isikiel 22:31

Baku bamna, yang klalki witin nani purara bri balri, bara yang sauhki tikri kupi baiwanka ba wal, yabrika ai daukanka dukiara aisabia. Yang, Dawan, kasak aisisna.’ ”

Sofonías 3:8

Baku ba mita, man nani baha yua bîla kaiks, yang bui man nani mampara aisaia kamna ba. Yang, Dawan, kasak aisisna: Pat kupi wal aisari, nisan nani sut, king tasbaya nani sin sut asla dauki, lawanki ba witin nani purara laikamna, kupi baiwanka laptika ba. ¡Kupi baiwan pâta klauhanka ba wal, tasba aiska ba sauhki swimni!

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.

Param Marikanka 14:15

Bara tempel ba wina insal wala kum takan, bara ai bîla baikra tara ni kasbrika purara iwi kata ba ra wini kan: “Ispara ba ni mâ ba klaks; kan piua ba balan sa, bara insla mâ tasba ra ba pat pihwan sa.”

Param Marikanka 14:18

Bara altar ba wina insal wala kum bal takan, bara witin lika pauta klauhan purkara karnika bri kan. Witin ispara mala pali bri kan bara ai bîla baikra tara ni wini, naku win: “¡Isparkam mala pali daukan ba ni wain kiwka mâ wihta nani tasba ra ba klaks, baha nani ba pawan sa bamna!”

Param Marikanka 15:1

Kasbrika purara sain tara aihkakira pali wala kaikri: insal 7 pât tara 7 lâs nani ba bri kan kaikri. Baha pâtka tara nani ba wal, Gâd kupia baiwanka ba tnata alki kan.

Param Marikanka 16:17

Insal 7 ba ai kapka pâsa ra laikan, bara Dawan wal aisaia watla ra king iwaika ba wina bîla baikra tara kum takan, bara naku wisata: “¡Pat daukan sa!”

1 Samuil 15:18

Nanara aitani, Dawan ba baku ai adarka karna wal mai blikan, Amalec saurakira nani ba kumi sin swiaia apia, sut âpu daukaia.

1 Samuil 15:3

Bahamna nanara, was bara witin nani ba sut âpu dauks, waitna nani ba, mairin nani ba, tuktan nani bara swap lupia nani ba sin, bîp wainhka nani, sîp nani sut sin, kiamilka bara biriku nani sut iki âpu dauks.’